JOSHUA 6:17 - Zotung Bible 2016

¹⁷ Khua te a lungkhu umpaw balyn tuh ro khylan Bawipaw kalan pya athua cih. Aening nynh ah saw oh paw locceihtu hae kha a thuruh keiccu hae ze, ohhuanung Rahab te a inn kya um hae paw balyn tuh a hiin cih hae.

JOSHUA 6:17 Iomraidhean Croise

GENESIS 12:3

Nang hythua ae pyapaw kha hythua ka pya cih zah nang thya ae lawpaw kha thya ka law cih; te laephi vawlan minphuin balyn tuh namaw liate hythuapya athua cih hae,” a cipya.

EZRA 10:8

nin thum lungkhu a thua leipaw miakaw tuh bawi hae te piccan hae nynh kaw a tho hae thyhte a uccaw balyn kha lua athua cih zah amaw kha seetangnaw kyate a ki hae paw phu kyate dee athua cih.

ISAIAH 34:6

Bawipaw thaloi tuh chiise te phe byn vae, atho khate thuasah, tuutaw chii te miaa chii khate thuasah, tuutepaw akin kya-e atho khate thuasah phe a byn vae. Pawccecize Bawipaw nynh Bozrah khua kya silawnaw kha rae zah, Edom ram kya myarya lepaw chianaw kha a rae vae.

JEREMIAH 46:10

Tuin nin tuh vaaw PACHIA Bawipaw nin, a rhaw hae kyate thyaaccounaw mue khylan liaru nin nynh thua. Thaloi nynh a ae cih zah a byn cih, mih chii kha phe byn lan a neih cih. Pawccecize vaaw PACHIA, Bawipaw nynh palung lang ram Zufrates vaw kin khe silawnaw kha a rae cih.

EZEKIEL 39:17

Bawipaw PACHIA nynh hynhte a ho: Ccungccapaw, pavaw phuin miakaw te loramsaw balyn kalan khe hopah hae: Sueluakuh oh lah rang oh, Israel mua vawlan nanning elang ka paccynpaw silawnaw poi pi kalan khe teitei langte balyn yn sueluakuh oh lah, asaw te achii kha na ae na neih cih oh.

LEVITIKAS 27:21

Thuasalama tuh-e loo tuh jubilee kya kii he athua te, tuh-e loo tuh thyaasahte pyapaw loo lante Bawipaw elang athyaa cih; ranpibawi uccaw lang a tang cih.

MIKAH 4:13

Pou Zion ccanung, thokuh lah, loohcce hae kha tintua hae, na ki kha sivaw te ka rae cih zah, na ccukoh hae kha sohin te ka rae cih, minphuin patae kha zoihtatyh lan na pae cih hae, minmin nynh a mue hae paw uccaw hae kha Bawipaw kalan na pya cih, mih sisua kha laephi pynpi a uktu Bawipaw kha na pya cih.

MATTHAI 25:40

Siapharan nynh, ‘Byaccaccing kae hopya oh, e ka uno hae kyaze adih huapaw lu kheit tungvaw na cyi oh paw miakaw tuh ka tungvaw na cyi oh paw nynh thua,’ a cipah cih hae.

1 KORIN 16:22

Humhung zemah Bawipaw a sungsah leipaw tuh thyalaw thua sah. Kae Bawipaw, yn thua ccavae!

1 KORIN 2:7

Thuasalama Pachia hawnaw byakhupaw kha nynh kae ho, tuh-e tuh laephi a um mawze Pachia nynh aening phu-enaw hanlan a paccyn ty vae paw thuruh athuapaw hawnaw kha nynh thua.

GALATI 3:10

Pawccecize Kawbya cyisahnaw a doliakuhpaw balyn tuh thyalawnaw zakaw nynh a um hae; pawccecize, “Kawbya ccauh kya azeikuhpaw abalynte a zui leipaw miakaw tuh thyalaw thua sah,” cite azeikuh.

GALATI 3:12

Kawbya tuh zynnaw te sekuh khyh; thuasalama Ccathyaa nynh, “Kawbya hae a zuipaw ccungccaw tuh Kawbya hae liate a hiin cih,” a ci.

DEUTERONOMY 20:17

Hit hae, Amor hae, Kanaan hae, Periz hae, Hiv hae te Jebus hae kha Bawipaw nae Pachia nynh kaw ae pya oh hawte pong na maemih cih oh,

HEBRU 11:31

Ohhuanung Rahab tuh dophitu hae kha ahoyte innccong a thuasah hae keiccuze zynnaw liate aning tuh kawngae lei hae paw kya chihbua khyh.

HEBRU 6:10

Pawccecize Pachia nynh nae ryalaw kha thuasah, mithyaa hae hanlan rya na lawpya vae oh paw te rya na lawpya ung oh paw kya amaw min hanlan na langsaku oh paw sungsahnaw kha thuasah kharouh ning lan ciate Pachia tuh a ding leipaw thua khyh.

JAMES 2:25

Tuhawte ohhuanung Rahab kha mah, zeccuetu hae kha innccong ua hae zah ccangpaw laanpi kalan he a saw hae tuh, cyisahnaw liate aning tuh thyaaccou khyh tou?

JOSHUA 2:1

Te Nun ccapaw Joshua nynh pise hae lu ning kha Shittim khua kyate dophitu lang aruh lante saw hae zah, “La cceih oh lah, ram kha la dotua oh, abyapi lante Jeriko khua kha la do oh,” a cipya hae. Tukeiccuze cceih hae zah a min Rahab cikuhpaw ohhuanung inn kya tee hae zah a rya hae.

JOSHUA 2:22

Te minmin tuh mua langkhe cceih hae zah, a deehuitu hae a ki mawlaezung hae tuin kya nin thum a um hae; a deehuitu hae nynh laanpi takyh kya ccung hae zah paw sanmah muih khyh hae.

JOSHUA 7:1

Thuasalama pya vae paw uccaw kyakhe Israel hae tuh lungzinaw hoi khyh hae: Judah phin hae kya-e Zerah ccapaw Zabdi ccapaw Karmi ccapaw Akhan nynh pya vae paw uccaw abang kha a law; te Israel hae tungvaw kya Bawipaw thinrianaw tuh maee lang arua.

1 SAMUEL 15:3

Atu la cceih lah, Amalek kha la tuk, mih hoipaw balyn kha khaleih la roh; minmin kha haang nan hae, nopi te pise, imua te nosi, tangnuapaw te tuu, kalauh te lann kha theih hae,’ a ci,” cite a hopya.

1 SAMUEL 15:6

Saul nynh Ken ccungccaw hae kha, “Cceih oh! Pou oh! Amalek hae kyate la cceih oh, minmin ryte kae rohbia sei cih oh; pawccecize Israel hae nynh Izip ram kyate a pou lya hae ze, minmin kha ngaethya na umsah oh,” a cipya hae. Tukeiccuze Ken ccungccaw hae tuh Amalek hae kyate a pou hae.