JOSHUA 6:13 - Zotung Bible 2016

¹³ Te Bawipaw byakin thingkua malang khe ranpibawi lu sari tuh tuutepaw ki mungkae ccangsari kha ccyng hae zah tu biate a cceih hae. Zunghe ccyngkuh hae paw tuh minmin malang cceih hae zah, nulang rhawviatu hae tuh Bawipaw byakin thingkua nulang te a cceih hae, ranpibawi hae nynh mungkae kha a tubia lalia hae.

JOSHUA 6:13 Iomraidhean Croise

1 SHERIANAW 15:26

Bawipaw thingkua a puihtu hae Levi phin hae kha Pachia nynh a bawm hae keiccuze minmin nynh tangnuapaw sa sari te tuutepaw sa sari khate silawnaw a rae hae.

NAMBAR 10:25

Ryahmin balyn kha nulang te a rintu hae Dan ryahmin kya-e hae tuh aphuphute a cceih hae, tuh-e aphu ccapyn a uktu tuh Ammishaddai ccapaw Ahiezer nynh thua.

MATTHAI 24:13

Thuasalama athangnaw cia atynpaw tuh khum athua cih.

GALATI 6:9

Tukeiccuze ahoypaw ryalawnaw kya thawbang lungthang nan oh sih; pawccecize tuhte ah lungthang khyh zetuh rue ccyh yn zaw te ah rue cih oh.

JOSHUA 6:12

Te Joshua tuh awkhua takaw te tho zah, ranpibawi hae nynh Bawipaw byakin thingkua kha a puih hae.

JOSHUA 6:14

Nin ningnaw nin khe khua kha se kheit a voilu kou hae te, ryahmin lang a ki hae. Tuhcite nin taruh lungkhu a cyi hae.

JOSHUA 6:4

ranpibawi lu sari nynh byakin thingkua malang khe tuutepaw ki mungkae ccangsari kha a ccyngkuh cih hae. Nin sarinaw nin vae tuh khua kha vae sari na voilu cih oh, ranpibawi hae nynh mungkae kha a tu cih hae.

JOSHUA 6:9

Te zunghe ccyngkuh hae paw tuh mungkae tu hae paw ranpibawi hae malang a cceih hae; mungkae a tu cciamang lya hae khe, nulang rhawviatu hae nynh byakin thingkua kha a zuibia hae.