JOSHUA 5:9 - Zotung Bible 2016

⁹ Bawipaw nynh Joshua kyakhe, “Izip ram e saryanaw kha nae kyate atunin ka vua vae,” a ci. Tukeiccuze tuh-e hmin tuh Gilgal cite atunin cia ko athua.

JOSHUA 5:9 Iomraidhean Croise

GENESIS 34:14

Jakob ccaaw hae nynh, “Kae ccianung tuh vingdungawkuh leipaw kalan kae pya kho khyh, pawccecize kae pya zetuh kaening kha the oun thyasah cih.

2 SAMUEL 19:15

Tukeiccuze siapharan tuh Jordan lang a ki; Judah hae tuh siapharan kha cciadue khylan te Jordan vaw zuakhae khylan Gilgal lang a cceih hae.

NEHEMIAH 12:29

Beth-gilgal kyate, Geba te Azmaveth pee hae kyate mah pynkheihlan a pumkuh hae; pawccecize hlawsahtu hae nynh Jerusalem pepan khe khua taraw hae kha a raeku hae.

The Psalms 119:39

Na phungzae hae tuh ahoy keiccuze ka ripaw thethyanaw kyate yn luesah.

JEREMIAH 9:25

Bawipaw nynh a hopaw tuh: Mih pynsaw vingdung rou kha aw athua hae paw Izip hae, Judah hae, Edom hae, Ammon hae, Moab hae te mih sang ngokuh hae paw laesia ram a um hae paw balyn tungvaw detahnaw nin tuh yn thua ccaccing cih. Pawccecize e minphuin hae tuh vingdungawkuh khyh hae, Israel hae balyn mah mih thinlung kya vingdungawkuh khyh hae.

EZEKIEL 23:3

minmin tuh he a liaccaw hae te, Izip ram kya ohhuanung lang a tang hae; mih matei kha miapah hae zah mih liaccady by kha a pom hae.

EZEKIEL 23:8

Izip ram kya a la raepaw ohhuakunaw kha umtaw khyh; tuin kyakhe a ngawphue lyaze pise hae nynh ikhae hae zah a liaccady matei kha miapyate a seikhae hae.

HOSEA 4:15

Pou Israel, nang tuh na ohhuaku zemah Judah tuh a seipaw lang tang nan sah. Gilgal khua lang tee nan lah, Beth-aven khua lang cceihthung nan, “Bawipaw tuh a hiin thyhte,” cite byakinkunaw rae nan.

LEVITIKAS 24:14

Bawipaw Min sarya bya a hopaw kha ryahmin atolang poukhae; a bya a thae hae paw balyn nynh a lu vawlan khe mih kuih khang hae sah, te zapi balyn nynh amaw kha lung te deih hae sah.

AMOS 5:5

thuasalama Bethel khua kha ccung nan oh, Gilgal khua lungkhu lang tee nan oh, Beersheba khua lang cceih nan oh, pawccecize Gilgal khua tuh a kyng cih hae zah a cciakhae ccaccing cih hae, Bethel khua tuh accakaepaw lang a tang cih.

MIKAH 6:5

Pou ka ccungccaw hae, Moab siapharan Balak nynh a paccynkupaw kha thuasah, Beor ccapaw Balaam nynh bya a khungrupaw kha thuasah liathui oh, Bawipaw nynh nanning khum khylan a cyipaw kha na ny nawlan oh, Shittim kyate Gilgal kyacia acyihkuhpaw kha liathuitua oh,” a cipya hae.

ZEFANIAH 2:8

Moab hae te Ammon hae nynh ka ccungccaw hae kha theihrya hae zah, mih ram luade lan a poonuaku hae paw bya kha ka thae vae.

JOSHUA 24:14

“Tukeiccuze atu tuh Bawipaw kha rih oh lah, amaw rya kha lungthyaanaw te lungzinaw khate lawtua oh; Vaw khuraw lang te Izip ram kya nae minpaaw hae nynh a la beik hae paw pachia hae kha vua oh lah, Bawipaw kha beik oh.

JOSHUA 4:19

Ccungccaw hae tuh masaty sawpaw, nin haw nin khe Jordan vaw kyate pou hae zah, Jeriko nithua lang ramri, Gilgal kya a rya hae.

JOSHUA 5:8

Mih minphuin pynpi te vingdung a awkuh kou hae te, phe a dan hae cia ryahmin lungkhu mih umnaw kya a um hae.

1 SAMUEL 14:6

Jonathan nynh a rhawtuk-uccaw a ccyngtu ccangvaepaw kha, “Rang, khuh-e vingdungawkuh lei hae paw rhawkaw hae kalan cceih sih; Bawipaw nynh aening hanlan rya poh oun lawpah kho; pawccecize ccungccaw alung liate thuasah, azya liate thuasah Bawipaw khumnaw kha humhung nynh mah khee kho lan khyh,” a cipya.

1 SAMUEL 17:26

David nynh a pe a thadyn hae paw kyakhe, “E Filistin paw hynh theih zah Israel kha maethyanaw kyate a luesahpaw tuh pawmou cyipya athua cih? Ahiinpaw Pachia rhawkaw hae kha theihrya lan ciate vingdungawkuh leipaw hynh-e Filistin paw hynh hummou athua?” a cipya hae.

1 SAMUEL 17:36

Na ryalahtupaw nynh chindeih te vong kha parouh mawte ka chia hae; e vingdungawkuh leipaw Filistin paw hynh ahiinpaw Pachia rhawkaw hae kha a theihrya hae keiccuze tuh-e loramsaw hae kya-e sa kheit hawte athua cih,” a cipya.

1 SAMUEL 7:16

Kum takyhte Bethel, Gilgal te Mizpah khua lang po lekuh lan khuaccong zah, tuin khua hae balyn kyakhe Israel hae kha bya a pia hae.