JOSHUA 5:5 - Zotung Bible 2016

⁵ Izip ram kyate oun pou hae paw balyn tuh vingdungaw vae paw a la thua hae zemah, Izip ram kyate a pou kou hae te, ramkaw laanryng kya a pui hae paw balyn tuh vingdungaw thua loh khyh hae.

JOSHUA 5:5 Iomraidhean Croise

MATTHAI 12:7

‘Silawkunaw tuh ka ry khyh, ngaethyaumsahnaw nynh ka ry,’ acikuhpaw asuilan kha na ny oh ze, seibe lan accan leipaw kha sei na be cih lei oh paw.

Romans 2:26

Tukeiccuze vingdungawkuh leipaw nynh Kawbya kya-e bya hae kha a zui lanze, a vingdungawku leinaw tuh vingdungawkunaw lang riapya thua lan khyh tou?

1 KORIN 7:19

Vingdungawkupaw tuh paw ccungkia khyh zah vingdungawku leipaw mah paw ccungkia khyh; thuasalama Pachia kawbya hae zuipaw nynh abyapi athua.

GALATI 5:6

Pawccecize Jesu Khri kya tuh vingdungawkunaw thuasah, vingdungawku leinaw thuasah pawsang thane khyh; sungsakunaw liate ryalahpaw zynnaw rou nynh athane.

GALATI 6:15

Pawccecize Khri Jesu kya tuh vingdungawkunaw thuasah, vingdungawku leinaw thuasah pawsang thane khyh, rae thawpaw thuanaw kha nynh athane.

JOSHUA 5:4

Pawkeiccumou Joshua nynh Israel hae tuh vingdung a aw hae ci ze: Izip ram te a pou hae paw pise hae balyn, rhawkaw hae balyn tuh Izip kyate a pou kou hae te, ramkaw laanryng kya phe chih vae hae.

JOSHUA 5:6

Pawccecize Izip ram kyate a pou hae paw minphuin pynpi, rhawkaw hae tuh Bawipaw bya kha ngae khyh hae zah a chi mawlaezung hae, Israel hae tuh ramkaw kya kum sung pali a cceih hae. Bawipaw nynh minpaaw hae kyaze kae pya cih oh cite bya a kinpyaku hae paw ram, mateitui te khoilutui aluanaw ram kha minmin nynh muih lei lante Bawipaw nynh thya a law hae.