JOSHUA 5:1 - Zotung Bible 2016

¹ Israel hae nynh Jordan vaw a zua kou makhia hae, Bawipaw nynh Jordan vaw e tui tuh a rousahpya hae cipaw kha Jordan khuraw niccaw lang umpaw Amor hae siapharan hae balyn te rili pe umpaw Kanaan hae siapharan hae balyn nynh he a thae hae tuh, Israel hae keiccu rih hae zah mih rawthungnaw phe zo vae.

JOSHUA 5:1 Iomraidhean Croise

GENESIS 12:6

Abram tuh tuh-e ram kya po cceih zah Shekhem khua kya umpaw Moreh kya-e phaesi ku kya a thua. Tuh ccyh lya tuh tuh-e ram kya Kanaan ccungccaw hae a um hae.

GENESIS 48:22

Na upaw hae laeze nang kha alunghua lante kae pyapaw tuh, ka thaloi te ka li te Amor ccungccaw hae kuih kya-e ka lawpaw Shekhem nynh thua,” a ci.

2 SAMUEL 21:2

Tukeiccuze siapharan nynh Gibeon hae kha ko hae zah a hopya hae. (Gibeon hae tuh Israel hae thua khyh hae, Amor hae a laehy hae paw nynh thua hae; Israel hae nynh minmin kha kae haang cih oh cite bya a la kinpyaku hae zemah, Saul nynh Israel hae te Judah hae kha myarya pankhae hae zah minmin kha maemih lan a zuaku.)

1 SIAPHARAN 10:5

a ccaboi vawlan e looh, a kuihkaw e bawi hae mih umtuzia, a ryalahtu hae ryalaw dopyanaw, mih boeining, a ryalahtu pise hae te Bawipaw inn kya maee-ute si a lawnaw kha he a muih tuh, a ngaeangthua zah a lung phe mua.

EZRA 9:1

E uccaw hae hynh cyi athua koute, bawi hae nynh ka kalan oun cceih hae zah, “Israel ccungccaw hae, ranpibawi hae te Levi phin hae tuh e ram kya-e ccungccaw hae Kanaan hae, Hit hae, Periz hae, Jebus hae, Ammon hae, Moab hae, Izip hae te Amor hae kyate thuasah, khah-e hae nungsikunaw kyate thuasah phiakuh khyh hae.

The Psalms 135:11

Amor hae siapharan Sihon, Bashan hae siapharan Og te Kanaan peenaw kya-e hae balyn kha theih hae zah,

EXODUS 23:28

Ccinaw kha na malang khe ka saw cih, tuh-e ccinaw nynh Hiv hae, Kanaan hae te Hit hae kha na malang kyate a dee cih hae.

ISAIAH 41:5

Rili khunglang e ram hae nynh muih hae zah a rih hae, laephi adianaw e ccungccaw hae tuh thyngkute oun naekuh hae zah a sueluakuh hae.

EZEKIEL 16:3

hynhte hopya tua, Bawipaw PACHIA nynh Jerusalem kha hynhte a hopya: Na thokeinaw te na puinaw tuh Kanaan ram nynh thua; na paaw tuh Amor paw thua zah na nung tuh Hit nung nynh thua.

EZEKIEL 21:7

Minmin nynh nang kha, “Pawccemou na hawkhaeku?” cite ae khia hae ze, nang nynh minmin kha, “Oun thuapaw thongpang keiccu nynh thua. Ccungccaw miakaw tuh myarya rih cih hae zah, mih kuih tuh a thawzya cih, mih lungroh cih zah mih ccukharu athyngkuh cih. Tuh-e tuh yn thua cih zah yn ccing cih,” cite Bawipaw PACHIA nynh a ci.

DANIEL 5:6

Te siapharan maesue tuh rulaekuh zah, myarya a thinphang. A kuih a ccu pong thyngkuh zah a ccukharu hae phaphah a buakuh hae.

AMOS 2:9

Tuhzemah sidar thing ahang hawte hang zah, phaesi thing hawte a thungpaw Amor minphuin kha mih malang khe ka ro; avawlan umpaw Amor thae te akawlan umpaw Amor tharui kha ka ro.

NAMBAR 13:29

Amalek hae tuh Neged ram kya khuasah hae; Hit hae, Jebus hae te Amor hae tuh mua vaw e khua taraw kya khuasah hae; te Kanaan hae tuh rili pe te Jordan vaw kin kya a um hae,” a cipya hae.

JOSHUA 17:12

Tuhzemah Manasseh ciihan hae nynh tuh-e khua hae tuh ccou kho khyh hae; Kanaan hae tuh tuh-e ram kya po um hae.

JOSHUA 17:18

muaram tuh nae kya-e athua cih, tuhpi athua zemah na vawkuh cih oh zah ramri adianaw kyacia na ccou cih oh; Kanaan hae tuh sivaw marangle hoi hae zah athung hae zemah na dee cih oh,” a cipya hae.

JOSHUA 24:15

Te Bawipaw kha na beik ry khyh oh ze, atunin kya na beik lan oh paw kha pokuh oh; Vaw khuraw lang e ram kya nae minpaaw hae nynh a la beik hae paw pachia hae tou, tuhkhyhze na umnaw oh Amor hae pachia hae kha tou na pokuh cih oh; thuasalama kae te ka innbyn hae tuh Bawipaw kha kae beik cih,” a ci.

JOSHUA 3:16

palung langte aluapaw tui tuh phang thadyn zah, asawnaw umpaw Zerethan khua pe e Adam khua kyacia tui tuh san kheit kya atingkuh thung; Arabah rili cikuhpaw Rili Chih kalan alua hae paw tuh marya a kan hae; te ccungccaw hae tuh Jeriko khua langkhe hawite a zua hae.

JOSHUA 3:17

Israel hae balyn tuh laerou kyate vaw khuraw a zua cciamang lya hae te minphuin pynpi nynh laerou kyate khuraw a zua kou hae makhia, Bawipaw byakin thingkua a puihtu ranpibawi hae tuh Jordan vaw angaelung laerou kyakhe phang a thadyn hae.

BYAPHY 18:10

Aning nynh a teingpaw vawsawnaw kha minmin nynh a ri hae keiccuze asawnaw langkhe thadyn hae zah, “Ezou, ezou! Khuh-e myarya lepaw khuapi, athungpaw Babilon khuapi khuhlou! Suimilan ccangkheit lungkhu byapianaw nynh ae thuanua vae rei!” a ci cih hae.

BYAPIATU 1:1

Joshua a chih koute Israel hae nynh Bawipaw kha, “Kanaan hae kha tuk khylan kaening hanlan hummou masaty a cceih cih?” cite a khia hae.

BYAPIATU 11:23

Tuhcite Bawipaw , Israel Pachia nynh a ccungccaw Israel hae hanlan Amor hae kha a taepya hae. Nang nynh mih umnaw hmin kha law lan na tuaku tou?

BYAPIATU 3:3

Filistin siapharan lu pangaw hae, Kanaan hae mih balyn, Sidon hae te Baal-hermon Mua kyate Lebo-hamath mua kyacia Lebanon Mua kya um hae paw Hiv hae nynh athua hae.

BYAPIATU 4:2

Tukeiccuze Bawipaw nynh Hazor khua a ukpaw Kanaan siapharan Jabin kuih kya a zua hae; a rhawbawipaw tuh Harosheth-hagoiim kya umpaw Sisera nynh thua.

1 SAMUEL 25:37

Awkhualan awkhua, Nabal tuh misutui a ruipaw he a ccite, tuh-e konglang kha a zu nynh hopah zah, a thinlung tuh chih zah aning tuh lung hawte nynh athua vae.