JOSHUA 4:9 - Zotung Bible 2016

⁹ (Byakin thingkua a puihtu ranpibawi hae thadynnaw, Jordan vaw angaelung khe Joshua nynh lung ccanghaw lae ning kha bing zah tuh-e lung hae tuh atunin cia a um hae.)

JOSHUA 4:9 Iomraidhean Croise

GENESIS 26:33

Aning nynh tuh-e tuisung kha Shibah cite min a phu; tukeiccuze tuh-e khua min tuh atunin cia Beersheba cite a ko hae.

GENESIS 28:18

Tukeiccuze Jakob nynh awkhua takaw te tho zah lungngya lang a ngyapaw lung kha lah zah lungbing lang a bing koute adungparyh khe chitui a bu.

2 SAMUEL 4:3

(Beeroth ccungccaw hae tuh Gittaim lang ccue hae zah, tuin kyakhe atunin cia ramccang ccungccaw lante a um hae).

1 SIAPHARAN 18:31

Bawipaw bya tuh amaw kalan yn thua zah, “Na min tuh Israel acikuh cih,” cite a cipyapaw Jakob a ccapaw hae mih phin zeihte, Elijah nynh lung ccanghaw lae ning kha a law;

2 SHERIANAW 5:9

Puihnawpaw ccong hae tuh eih asae keiccuze adung kha alungkhu lang e hminthyaa malang umpaw athyaapaw hmin kyate muih kho athua; thuasalama atolang te muih kho thua khyh; atunin cia tuin kya a um hae.

EXODUS 24:12

Bawipaw nynh Moses kha, “Kamaw kalan mua vawlan yn kaethung lah yn umtua; minmin ccangpya nawlan cite upadi te kawbya ka zeinawpaw lungphe hae kha kae pya cih,” a cipya.

EXODUS 28:21

Israel ccapaw hae min azeikuhpaw lung ccanghaw lae ning a um cih; tuh-e hae tuh minphuin phuin haw lae ning hanlan lung ccangkheit kyaze min minkheit ccite zeipaw a thua cih zah tazeih hawte a thua cih hae.

MATTHAI 27:8

Tukeiccuze tuh-e loo tuh, ‘Chii Loo’ cite atunin cia a ko hae.

MATTHAI 28:15

Tukeiccuze minmin nynh phua kha lawkuh hae zah a hopya hae thyhte a cyi hae; e kong hynh Judah hae nynh atunin cia a ho ung hae.

DEUTERONOMY 34:6

Moses tuh Beth-peor araw lang, Moab ram accya khe a uu hae, thuasalama a uunaw hae hmin kha atunin cia hum nynh sanmah nyh khyh.

JOSHUA 24:26

Te alepaw lung ccangkheit kha lah zah, Bawipaw beikinnthyaa kya umpaw phaesi ku kaw khe a bing.

JOSHUA 4:10

Moses nynh Joshua kaw a pya thyhte, ccungccaw hae kha hopya lan Bawipaw nynh Joshua kaw a pyapaw atyn-are athang mawlaezung, byakin thingkua a puihtu ranpibawi hae tuh Jordan vaw angaelung kya a thadyn hae. Ccungccaw hae tuh rangsakute vaw a zua hae.

BYAPIATU 1:26

Tuh-e paw tuh Hit hae ram lang cceih zah khua khuakheit rae zah Luz cite min a phu; atunin cia tuh-e tuh a min nynh thua.

1 SAMUEL 30:25

Tuin nin te vae tuh David nynh Israel hae elang phungbya te phungzae kha rae zah, atunin cia po atyn.

1 SAMUEL 7:12

Tetuh Samuel nynh lung kha lah zah Mizpah te Jeshanah laku kya bing zah, “Bawipaw nynh kaening hynh atu cia oun bawm,” ci zah Ebenezer cite min a phu.