JOSHUA 4:6 - Zotung Bible 2016

⁶ tuhteze nynh hynh-e hynh nanning hanlan syntawnaw athua cih. Nyalang ze nae ccaaw hae nynh, ‘E lung hae hynh nae hanlan paw suilan mou athua?’ cite ae khia oh ze,

JOSHUA 4:6 Iomraidhean Croise

The Psalms 44:1

Pou Pachia, langmawlya kae minpaaw hae she kya na la cyipaw kha minmin nynh yn hopah hae zah, kae nakaring te phe kae thae vae:

The Psalms 71:18

Pou Pachia, ka taw vae zah, ka sang phe paw lang cia, yn thua cih paw she hae balyn kya na thungnaw kha ka siakhae mawlaezung kae kha yn vua nan.

EXODUS 12:14

“E nin hynh nae hanlan liathuipaw nin a thua cih zah Bawipaw kalan beiknaw poi lante nae she takyh kya zungzae tynpaw phungzae lang na zui cih oh.

EXODUS 13:14

Malang ccyh kya na ccaaw hae nynh, ‘E hynh asuilan pawmou athua?’ cite ae khia hae ze nang nynh, ‘Bawipaw nynh athawsaepaw kuih te Izip ram seetangnaw kyate aening kha oun pousah.

EXODUS 13:9

Bawipaw kya-e ccangpyanaw kha na mung kya atyn nawlan hynh-e hynh na kuih kya na khiikupaw muihsahnaw hawte thuasah, na terui kya na heedekupaw nysakunawpaw hawte thuasah a thua cih; pawccecize athawsaepaw kuih te Bawipaw nynh nang kha Izip ram kyate ae poukhae vae.

EXODUS 31:13

Namaw ccaccei nynh Israel hae kha hynhte na hopah cih hae: Bawipaw nynh, “Ka sabbath nin hae kha na nawsah cih oh, pawccecize sabbath nin tuh nae she balyn kya kae te nanning laku kya-e muihsahnaw thua zah, kae, Bawipaw nynh nanning kha kae thyaasah oh cipaw na ny nawlan oh, kae pya oh paw nynh thua.

ISAIAH 38:19

Atunin kae nynh kae thehoysah hawte ahiin hae paw, ahiin hae paw rou nynh ae thehoysah cih hae; paaw hae nynh ccaaw hae kya na lungzinaw kha a nysah cih hae.

ISAIAH 55:13

Hinpaw ku a umnaw khe maeccaw ku a poru cih; thabu a umnaw khe amynkhuhpaw martal ku a poru cih; tuh-e tuh Bawipaw malang liathuinaw athua cih zah, azo kho leipaw zungzae tynpaw muihsahnaw athua cih.

EZEKIEL 20:12

Tuhpiaze kae, Bawipaw nynh minmin kha ka thyaasah hae cipaw a ny nawlan hae, kae te minmin laku muisahnaw lante ka sabbath hae kha ka pya hae.

EZEKIEL 20:20

Kae, Bawipaw tuh nae Pachia ka thuapaw kha na ny nawlan oh, kae te nanning laku kya muisahnaw athua cih paw ka sabbath hae kha thyaasah oh.

NAMBAR 16:38

Pawccecize e misei hae hiinnaw azo keiccu vae ze mih pakephepaw hae tuh athyaa vae hae. Pakephepaw hae kha silawhang ahu lante deihpingpaw pake lang raesah, pawccecize minmin nynh khah-e hae kha Bawipaw malang a pya keiccu hae ze, khah-e hae tuh athyaa hae. Tuhcite minmin tuh Israel hae hanlan muihsahnaw athua cih hae cite hopah,” a cipya.

LOCCEIHTU 2:39

Pawccecize Pachia byakin tuh nanning hanlan, nae ccaaw hae hanlan te ah Bawipaw Pachia nynh a ko hae paw laansaw lang um hae paw balyn hanlan nynh thua,” a cipya hae.

DEUTERONOMY 11:19

E bya hae hynh nae ccaaw hae kha ccangpah oh lah, innvaw na um oh ze thuasah, laansaw lang na um oh ze thuasah, na hueku oh ze thuasah, na thoku oh ze thuasah hynh-e bya hae kong hynh hopah oh.

JOSHUA 22:27

kaening te nanning laku kya ccaekia thua zah, Bawipaw rya tuh kaening nynh amaw malang maee-ute silawnaw te silawnaw hae te ccawkunaw silawnaw rya kae la lahbua ci nawlan, silawhang ccangkheit rae oh sih; malang ze nae ciihan hae nynh kae ciihan hae kha, “Bawipaw kya ccoupaw pawsang na hoibua khyh oh,” cite a cisei khyh nawlan hae,’ cite kae ci.

JOSHUA 4:21

Israel hae kha, “Nyalang ccyh kya nae ccaaw hae nynh mih paaw hae kha, ‘E lung hae hynh paw suilan mou athua?’ cite a khia hae ze,

JOSHUA 4:5

“Bawipaw nae Pachia kya-e byakin thingkua malang, Jordan vaw angaelung langkhe cceih oh lah, Israel phin hae phin kheit cci hanlan, lu kheit nynh lung ccangkheit cci kha nae raw te puih oh,