JOSHUA 4:24 - Zotung Bible 2016

²⁴ laephi vaw e ccungccaw hae balyn nynh Bawipaw kuih tuh athung cipaw a ny nawlan hae te Bawipaw nae Pachia kha zungzae na ri nawlan oh nynh thua,” a cipya hae.

JOSHUA 4:24 Iomraidhean Croise

1 SIAPHARAN 8:40

tuhteze nynh kae minpaaw hae na la pya hae paw ram kya um hae zah a hiin lungkhu hae balyn nang kha ae rih cih hae.

1 SIAPHARAN 8:60

tuhteze nynh laephi ccungccaw balyn nynh Bawipaw tuh Pachia thua zah ccangpaw Pachia um khyh cipaw a nyh cih hae.

2 SIAPHARAN 19:19

Tukeiccuze, pou Bawipaw kae Pachia, kaening hynh Assiria siapharan kuih kyate oun khumtua cite na kalan saw ka sang, tuhteze nynh laephi vaw e peenaw balyn nynh, pou Bawipaw , nang rou nynh Pachia na thua cipaw kha a nyh cih hae,” a ci.

2 SIAPHARAN 5:15

Tetuh amaw te a ccungccaw hae balyn tuh Pachia ccungccapaw kalan kite a malang khe thadyn hae zah, “Israel ram kya laelan, laephi pynpi kya Pachia um khyh cipaw ka ny; na ryalahtupaw kya-e lasung hynh beih yn lawpakuh,” a cipya.

1 SHERIANAW 29:12

Hoirumnaw te sawtuanaw tuh namaw kyate yn thua zah, nang nynh atyn-are na uk. Na kuih kya thungnaw te thawsaenaw a um; ccungccaw balyn kha lesaesahnaw kaw te thawzung pyanaw kaw tuh na kuih kya nynh a um.

JOB 40:9

Pachia kuih te alokuhpaw kuih na hoi tou? Pachia roi te alokuhpaw roi khate khozaw na laesakuh kho tou?

The Psalms 106:8

Tuhzemah alesaepaw a huhan kha langsah khylan, amaw min hanlan minmin kha a khum hae.

The Psalms 89:13

Nang tuh athungpaw kuih na hoi; na kuih tuh a thawsae zah, na ranglang kuih tuh ahang.

The Psalms 89:7

Pachia tuh athyaapaw zapi hae laku kya ri lan umpaw nynh thua, a pepan um hae paw balyn laeze alesaepaw te ri lan umpaw nynh thua.

EXODUS 14:31

Bawipaw nynh Izip hae kha rawsete ryalaw lepaw a lawpaw kha Israel hae nynh a muih hae. Tukeiccuze ccungccaw hae nynh Bawipaw kha rih hae zah Bawipaw tungvaw te a ryalahtu Moses tungvaw zynnaw a hoi hae.

EXODUS 15:16

Rinaw te thinphangnaw nynh mih tungvaw a thuanua hae; Pou Bawipaw , na ccungccaw hae nynh po a ccia makhia hae, na shawkhawpaw ccungccaw hae nynh po a ccia makhia hae, athawsaepaw na kuih liate minmin tuh lung hawte daebabi lan a um hae.

EXODUS 20:20

Moses nynh ccungccaw hae kha, “Rih nan oh, pawccecize nanning kha syntawtua khylan te seinaw na rae khyh nawlan oh, Bawipaw kha na ri ccaw oh cite nynh Pachia tuh yn thua,” a cipya hae.

EXODUS 9:16

Thuasalama ka huhan kha nang muihsah khylan te laephi pynpi kya ka minthaan sah khylan nang kha kae hiinsah.

ISAIAH 52:10

Bawipaw nynh minphuin hae balyn malang khe athyaapaw a thungnaw kha a langsaku vae; ah Pachia khumnaw kha laephi adianaw e hae balyn nynh a muih cih hae.

JEREMIAH 32:40

Minmin hanlan hoynaw raepyapaw kha papin ka umtaw khyh nawlan, minmin kya zungzae tynpaw byakinnaw kha ka rae cih; ka kyate a maeku khyh nawlan hae, kamaw rawrinaw kha mih thinlung kya ka sang cih.

DEUTERONOMY 28:10

Bawipaw min liate ko na thua oh paw kha laephi ccungccaw balyn nynh a muih cih hae zah nanning kha ae rih cih oh.

DEUTERONOMY 6:2

tuhteze nynh naemaw te nae ccaaw hae, te nae mintaw hae nynh nae hiinshe balyn kya Bawipaw nae Pachia kha na rih cih oh zah, kaw kae pya oh paw a phunglang hae te a kawbya hae kha na zui cih oh zah nae she asae cih.

1 SAMUEL 17:46

Atunin ccaccei kya Bawipaw nynh nang kha ka kuih kalan yn pya cih, nang kha kae theih cih zah na lu kae pae cih; te Filistin rhawkaw hae rhua kha azouthyapaw pavaw hae te laephi kya-e sarepaw hae kalan atunin ccaccei kya ka pya cih hae, tetuh laephi pynpi nynh Israel hae kya Pachia a um cipaw kha a nyh cih hae.