JOSHUA 4:19 - Zotung Bible 2016

¹⁹ Ccungccaw hae tuh masaty sawpaw, nin haw nin khe Jordan vaw kyate pou hae zah, Jeriko nithua lang ramri, Gilgal kya a rya hae.

JOSHUA 4:19 Iomraidhean Croise

2 SIAPHARAN 2:1

Bawipaw nynh Elijah kha khiccung te vaawlang a hangthung dyn khe Elijah te Elisha tuh Gilgal khua kyate a cceih hae.

AMOS 4:4

Bethel lang oun cceih oh lah, sei oh; Gilgal lang oun cceih oh lah, seinaw patae raetua oh; awkhua takyh si na lawnaw oh paw kha oun ccyng oh, nae kya-e pumhaw pumkheit kha nin thum ze vae kheit oun ccyng oh;

AMOS 5:5

thuasalama Bethel khua kha ccung nan oh, Gilgal khua lungkhu lang tee nan oh, Beersheba khua lang cceih nan oh, pawccecize Gilgal khua tuh a kyng cih hae zah a cciakhae ccaccing cih hae, Bethel khua tuh accakaepaw lang a tang cih.

MIKAH 6:5

Pou ka ccungccaw hae, Moab siapharan Balak nynh a paccynkupaw kha thuasah, Beor ccapaw Balaam nynh bya a khungrupaw kha thuasah liathui oh, Bawipaw nynh nanning khum khylan a cyipaw kha na ny nawlan oh, Shittim kyate Gilgal kyacia acyihkuhpaw kha liathuitua oh,” a cipya hae.

DEUTERONOMY 1:3

Kum sung palinaw kum, sawpaw sah haw lae kheitnaw kyaze masaty nin khe Bawipaw nynh Moses kya Israel hae hopya khylan kaw a pya thyhte Moses nynh Israel hae kha a hopya hae.

DEUTERONOMY 11:30

Na ny oh hawte, tuh-e mua hae tuh Jordan vaw khuraw lang, niccaw lang te beihtaraw asawnaw, Arabah kya um hae paw Kanaan hae ram kya, Gilgal te arawsekunaw, Moreh kya-e rantah thing hae pe nynh a um hae.

JOSHUA 10:43

Te Joshua tuh Israel hae balyn ryte Gilgal umpaw ryahmin langkhe a ki hae.

JOSHUA 10:6

Te Gibeon hae nynh Gilgal ryahmin kya umpaw Joshua kalan ccungccaw saw hae zah, “Na ryalahtu kaening hynh oun vua nan; arangte beih yn cceihthung, oun bawmtua lah oun khumtua; pawccecize mua vaw kya khuasah hae paw Amor hae siapharan balyn nynh oun pumnuaku vae hae,” a cipya hae.

JOSHUA 15:7

Te ramri tuh Akhor Accya kyate Debir khua cia a cceihthung; tukoute thahlang cceih zah accya alia langsang umpaw Adummim kaethungnaw te ahawiliakuhpaw Gilgal khua langkhe a maekuh; te ramri tuh En-shemesh tuili kya po cceih zah, Enrogel tuidy kya athang;

JOSHUA 24:11

Te Jordan vaw kha na zua oh zah, Jeriko kya na thua oh, Jeriko khua e ccungccaw hae te Amor ccungccaw hae, Periz ccungccaw hae, Hit ccungccaw hae, Girgash ccungccaw hae, Hiv hae te Jebus hae nynh zemah nanning kha ae dou oh; minmin tuh nae kuih kya kae pya oh.

JOSHUA 4:18

Bawipaw byakin thingkua a puihtu ranpibawi hae tuh Jordan vaw angaelung kyate pou hae zah, ranpibawi hae ccuphe nynh laerou kha he a sy te, Jordan vaw tuh a luamae hawte luathui zah, Jordan vaw tuh atakaw lya hawte varang lang balyn aleikuh vae.

JOSHUA 5:10

Israel hae nynh Gilgal kya a rya lya hae, tuh-e sawpaw nin haw lae pali nin zete khe Jeriko bialae kya kawtaw poi a tua hae.

JOSHUA 5:9

Bawipaw nynh Joshua kyakhe, “Izip ram e saryanaw kha nae kyate atunin ka vua vae,” a ci. Tukeiccuze tuh-e hmin tuh Gilgal cite atunin cia ko athua.

JOSHUA 9:6

Te Gilgal khua ryahmin kya um hae paw Joshua te Israel hae kalan cceih hae zah, “Laansawpi umpaw ram kyate nynh kae thua; tukeiccuze kaening ryte byakinnaw rae oh,” a cipya hae.

1 SAMUEL 10:8

Te kae ka malang khe Gilgal lang na la cceih ty cih; maee-ute silawnaw te ccawkunaw silawnaw kha rae khylan na kalan kae cceih cih. Na kya kae thua zah na cyi lanpaw kae muihsah mawlaezung nin sari nae la ngaw cih,” a cipya.

1 SAMUEL 15:33

Thuasalama Samuel nynh, “Na thaloi nynh nopi hae kha ccaaw leite a nung hae hawte, na nung tuh nopi hae kyaze ccaaw leite a um cih,” a cipya. Te Samuel nynh Agag kha Gilgal khua Bawipaw malang khe zoihtatyh lan a bae.