JOSHUA 4:18 - Zotung Bible 2016

¹⁸ Bawipaw byakin thingkua a puihtu ranpibawi hae tuh Jordan vaw angaelung kyate pou hae zah, ranpibawi hae ccuphe nynh laerou kha he a sy te, Jordan vaw tuh a luamae hawte luathui zah, Jordan vaw tuh atakaw lya hawte varang lang balyn aleikuh vae.

JOSHUA 4:18 Iomraidhean Croise

1 SHERIANAW 12:15

E hae tuh masaty sawpaw kya Jordan vaw varae balyn tui pong aleiku lyaze vaw kha zua hae zah nithua lang te niccaw lang accya kya um hae paw kha a deetu hae nynh thua.

ISAIAH 8:8

Judah ram lungkhu langkhe tui alepaw hawte a luathin cih zah, a nging kyacia a vu cih; a dawpaw a sake nynh na ram balyn kha pong a bong cih, pou Immanuel, yn cipya.

JOSHUA 3:13

Te laephi pynpi Bawipaw athuapaw Bawipaw kya-e byakin thingkua a puihtu ranpibawi hae ccuphe nynh Jordan tui kha he a sy te, palung langte yn luapaw Jordan tui tuh thoh pae cih zah, san kheit kya tingkute a thadyn cih,” a ci.

JOSHUA 3:15

Loohrue ccyh balyn kya Jordan vaw tuh varang lang cia pong aleikuh. Tukeiccuze byakin thingkua a puihtu hae tuh Jordan vaw thua hae zah, tuh-e a puihtu ranpibawi hae ccuphe nynh tui kha he a sy te,

JOSHUA 4:11

Ccungccaw hae balyn a zua kou hae te, Bawipaw byakin thingkua te ranpibawi hae tuh ccungccaw hae malang khe a cceih hae.

JOSHUA 4:17

Tukeiccuze Joshua nynh ranpibawi hae kha, “Jordan vaw kyate oun pou oh,” cite kaw a pya hae.

JOSHUA 4:19

Ccungccaw hae tuh masaty sawpaw, nin haw nin khe Jordan vaw kyate pou hae zah, Jeriko nithua lang ramri, Gilgal kya a rya hae.