JOSHUA 4:11 - Zotung Bible 2016

¹¹ Ccungccaw hae balyn a zua kou hae te, Bawipaw byakin thingkua te ranpibawi hae tuh ccungccaw hae malang khe a cceih hae.

JOSHUA 4:11 Iomraidhean Croise

ISAIAH 52:12

Nanning tuh rangkhirangkhaete na pou lan khyh oh, ccue te mah na ccue lan khyh oh; pawccecize Bawipaw tuh nae malang a cceih cih zah, Israel Pachia tuh nae nulang te ae rintu oh paw athua cih.

JOSHUA 24:11

Te Jordan vaw kha na zua oh zah, Jeriko kya na thua oh, Jeriko khua e ccungccaw hae te Amor ccungccaw hae, Periz ccungccaw hae, Hit ccungccaw hae, Girgash ccungccaw hae, Hiv hae te Jebus hae nynh zemah nanning kha ae dou oh; minmin tuh nae kuih kya kae pya oh.

JOSHUA 3:17

Israel hae balyn tuh laerou kyate vaw khuraw a zua cciamang lya hae te minphuin pynpi nynh laerou kyate khuraw a zua kou hae makhia, Bawipaw byakin thingkua a puihtu ranpibawi hae tuh Jordan vaw angaelung laerou kyakhe phang a thadyn hae.

JOSHUA 3:8

Te byakin thingkua a puihtu ranpibawi hae kha, ‘Jordan vaw tui kin he na thua oh te, Jordan vawkhu kya na thadyn cih oh,’ cite kaw na pya cih hae,” a cipya.

JOSHUA 4:10

Moses nynh Joshua kaw a pya thyhte, ccungccaw hae kha hopya lan Bawipaw nynh Joshua kaw a pyapaw atyn-are athang mawlaezung, byakin thingkua a puihtu ranpibawi hae tuh Jordan vaw angaelung kya a thadyn hae. Ccungccaw hae tuh rangsakute vaw a zua hae.

JOSHUA 4:12

Reuben phin hae, Gad phin hae te Manasseh phin hae angankuh kha Moses nynh a hopya hae hawte Israel hae malang khe zunghe ccyngkute a cceih hae.

JOSHUA 4:18

Bawipaw byakin thingkua a puihtu ranpibawi hae tuh Jordan vaw angaelung kyate pou hae zah, ranpibawi hae ccuphe nynh laerou kha he a sy te, Jordan vaw tuh a luamae hawte luathui zah, Jordan vaw tuh atakaw lya hawte varang lang balyn aleikuh vae.