JOSHUA 3:7 - Zotung Bible 2016

⁷ Te Bawipaw nynh Joshua kyakhe, “Israel hae balyn muihnaw kya nang kha atunin te kae hangthung vae cih, tuhteze nynh Moses kya ka la um hawte na kya ka um cipaw kha minmin nynh a nyh cih hae.

JOSHUA 3:7 Iomraidhean Croise

1 SHERIANAW 29:25

Bawipaw nynh Israel hae balyn muihnaw khe Solomon kha myarya hang lang hangthung zah, langmawlya e Israel siapharan humhung sanmah a la pya boi lei hae paw siapharan huhan kha a pya.

2 SHERIANAW 1:1

David ccapaw Solomon tuh a peenaw lungkhu kya tynkaring lan a um; Bawipaw a Pachia tuh a kya um zah amaw kha myarya a lesaepaw lang a rae.

JOB 7:17

Ccungccaw hynh paw thua zahte mou myarya aphu na tesah zah na peki?

The Psalms 18:35

Na khumnaw khawriaphua kha nae pya vae zah, na ranglang kuih nynh yn bawm vae; nae bawmnaw nynh yn lesaesah vae.

JOHAN 17:1

E bya hae hynh he a ho koute Jesu nynh vaawlang dothung zah, “Apang, accyh azaw vae; na Ccapaw nynh namaw kha phu ae esah nawlan na Ccapaw hynh phu-esah tua.

FILIPI 1:20

Kae nynh pawpawte mah maethya leite, ka cyimae hawte myarya rawhoyte ka hiin zemah, ka chi zemah Khri tuh atu mah ka pyn kya hangthung athua zungzae cih cite kou ka ngaehoi.

JOSHUA 1:17

Atyn-are kya Moses bya kae ngae hawte, na bya mah kae ngae cih; Bawipaw na Pachia tuh Moses kya a la um hawte nang na kya mah um vae sah!

JOSHUA 1:5

Na she lungkhu balyn humhung nynh mah na malang te ae thadynnua ngan lan khyh; Moses kya ka um hawte na kya mah ka um cih; kae vua lan khyh, kae cciataw lan khyh.

JOSHUA 1:9

Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um,” a cipya.

JOSHUA 3:6

Joshua nynh ranpibawi hae kha, “Byakin thingkua kha puih oh lah, ccungccaw hae malang khe cceih oh,” a cipya hae. Tukeiccuze byakin thingkua kha puih hae zah ccungccaw hae malang a cceih hae.

JOSHUA 3:8

Te byakin thingkua a puihtu ranpibawi hae kha, ‘Jordan vaw tui kin he na thua oh te, Jordan vawkhu kya na thadyn cih oh,’ cite kaw na pya cih hae,” a cipya.

JOSHUA 4:14

Tuin nin khe Bawipaw nynh Joshua kha Israel hae balyn malang khe a hangthung; minmin nynh Moses kha saw a tua hae hawte, Joshua kha a she lungkhu balyn saw a tua hae.