JOSHUA 3:6 - Zotung Bible 2016

⁶ Joshua nynh ranpibawi hae kha, “Byakin thingkua kha puih oh lah, ccungccaw hae malang khe cceih oh,” a cipya hae. Tukeiccuze byakin thingkua kha puih hae zah ccungccaw hae malang a cceih hae.

JOSHUA 3:6 Iomraidhean Croise

1 SIAPHARAN 8:3

Israel piccan hae balyn tuh oun cceih hae zah, ranpibawi hae nynh thingkua kha a puih hae.

2 SHERIANAW 5:4

Israel piccan hae balyn tuh oun thua hae zah Levi phin hae nynh thingkua kha a puih hae.

MIKAH 2:13

Laanpi a hungtupaw tuh mih malang a cceih cih; minmin nynh koikua kha a khya cih hae zah, tuin kyate a pou cih hae. Mih siapharan tuh mih malang khe a cceih cih, Bawipaw nynh mih malang te a cciakhae cih hae.

NAMBAR 10:33

Tuhcite minmin tuh Bawipaw mua kyate nin thum laanccia asawnaw lang a cceih hae, Bawipaw kya-e byakin thingkua tuh nin thum laanccia asawnaw mih malang khe minmin hanlan haeungnaw hmin ccung khylan a cceih ty,

NAMBAR 14:15

Atu hynh-e ccungccaw hae hynh vae kheit kya pong na chia hae ze, namaw kong a thae hae paw minphuin hae nynh,

HEBRU 6:20

Melkhizedek thuanaw thyhte zungzae Ranpibawi Lupi athuapaw Jesu, aening hanlan Zeccuetupaw tuh tuh-e kalan phe a tee vae.

JOSHUA 3:3

ccungccaw hae kha, “Levi phin ranpibawi hae nynh a puih hae paw Bawipaw nae Pachia kya-e byakin thingkua kha he na muih oh te, nae umnaw kyate na thokuh cih oh zah na zui cih oh,

JOSHUA 3:5

Joshua nynh ccungccaw hae kha, “Thyaasahku tua oh; pawccecize Bawipaw nynh awkhualan nae kyakhe ngaeangnaw a rae cih,” a cipya hae.

JOSHUA 3:7

Te Bawipaw nynh Joshua kyakhe, “Israel hae balyn muihnaw kya nang kha atunin te kae hangthung vae cih, tuhteze nynh Moses kya ka la um hawte na kya ka um cipaw kha minmin nynh a nyh cih hae.

JOSHUA 6:6

Tukeiccuze Nun ccapaw Joshua nynh ranpibawi hae kha ko hae zah, “Byakin thingkua kha lah oh lah, Bawipaw byakin thingkua malang khe ranpibawi lu sari nynh tuutepaw ki ccangsari kha ccyng oh,” a cipya hae.