JOSHUA 3:5 - Zotung Bible 2016

⁵ Joshua nynh ccungccaw hae kha, “Thyaasahku tua oh; pawccecize Bawipaw nynh awkhualan nae kyakhe ngaeangnaw a rae cih,” a cipya hae.

JOSHUA 3:5 Iomraidhean Croise

JOB 1:5

Mih poi he athang te Job nynh ko hae zah a thyaasah hae; te awkhua takaw te tho zah mih balyn hanlan milu thyhte maee-ute silawnaw kha a raepya hae; pawccecize Job nynh, “Ka ccaaw hae nynh seinaw raesei hae zah mih thinlung kya Pachia kha thyalawsei kho hae,” a ci. Tuhcite Job nynh zungzae leih a rae.

The Psalms 77:15

A thawsaepaw na kuih te na ccungccaw athua hae paw Jakob te Josef ciihan hae kha na shawkhaw hae.

The Psalms 86:10

Pawccecize nang tuh na lesae zah, ngaeangthua lan umpaw uccaw hae kha na rae; nang rou nynh Pachia na thua.

JOEL 2:16

Ccungccaw hae kha suelua oh lah, ccungccaw zapi hae kha thyaasah oh; mih kum tang hae paw kha pum oh lah, imua hae kha suelua oh, nosi hae kha heize nae by kya pomte suelua oh. Zudy ccangvaepaw tuh a khaan lungkhu te pou sah lah, akaenung liaccanung tuh zokhawboei lungkhu te pou sah.

LEVITIKAS 10:3

Oute Moses nynh Aaron kha, “Bawipaw nynh, ‘Kamaw kya a naekuh hae paw kyakhate kae tuh ka thyaa cipaw ka langsakuh cih, te ccungccaw balyn malang phu-esah ka thua cih,’ cite a hopaw asuilan tuh hynh-e nynh thua,” a cipya. Te Aaron tuh daebabi lan a um.

LEVITIKAS 20:7

Tukeiccu naemaw te naemaw kha thyaasakuh oh. Kae tuh Bawipaw nae Pachia ka thua keiccuze nanning tuh thyaa oh.

NAMBAR 11:8

Ccungccaw hae nynh ccia bungthungte manna kha sueluakuh hae zah, mianawpaw te a miaa hae, tuhkhyhze sung kya a phung hae, oute ang kya thung hae zah sanlou aphepaw lang a rae hae; tuh-e nynh athuapaw tuh chitui te athoukuhpaw sanlou aphepaw nynh athuapaw te nynh aloku.

JOHAN 17:19

Minmin mah byaccing te thyaasah athua nawlan hae, minmin elang kamaw te kamaw kha ka thyaasaku.

JOSHUA 3:13

Te laephi pynpi Bawipaw athuapaw Bawipaw kya-e byakin thingkua a puihtu ranpibawi hae ccuphe nynh Jordan tui kha he a sy te, palung langte yn luapaw Jordan tui tuh thoh pae cih zah, san kheit kya tingkute a thadyn cih,” a ci.

JOSHUA 3:15

Loohrue ccyh balyn kya Jordan vaw tuh varang lang cia pong aleikuh. Tukeiccuze byakin thingkua a puihtu hae tuh Jordan vaw thua hae zah, tuh-e a puihtu ranpibawi hae ccuphe nynh tui kha he a sy te,

JOSHUA 3:4

tuhteze nynh na zui lan oh paw laanpi kha na nyh cih oh, pawccecize e laanpi hynh langmawlya tuh na zui boi khyh oh. Tuhzemah nanning te byakin thingkua tuh dong thong ning loukaw asawkuh cih; a pe lang na naekuh lan khyh oh,” cite kaw a pya hae.

JOSHUA 3:6

Joshua nynh ranpibawi hae kha, “Byakin thingkua kha puih oh lah, ccungccaw hae malang khe cceih oh,” a cipya hae. Tukeiccuze byakin thingkua kha puih hae zah ccungccaw hae malang a cceih hae.

JOSHUA 7:13

Thoku tua, ccungccaw hae kha thyaasah hae lah, ‘Awkhualan hanlan thyaasakuh oh, pawccecize Israel Pachia Bawipaw nynh, “Pou Israel, pya vae paw uccaw hae tuh nae kya a um; tuh-e pya vae paw uccaw hae kha nae kyate ccaring na vua mawlaezung oh, nae rhaw hae malang na thadyn kho lan khyh oh,” a ci.

1 SAMUEL 16:5

Samuel nynh, “Daenaw lante; Bawipaw kalan silaw khylan kae thua vae; thyaasakuh oh lah, silaw lan ka kya cceihbua oh,” a cipya hae. Jesse te a ccapaw hae kha thyaasah hae zah silawnaw kalan a ko hae.