JOSHUA 3:17 - Zotung Bible 2016

¹⁷ Israel hae balyn tuh laerou kyate vaw khuraw a zua cciamang lya hae te minphuin pynpi nynh laerou kyate khuraw a zua kou hae makhia, Bawipaw byakin thingkua a puihtu ranpibawi hae tuh Jordan vaw angaelung laerou kyakhe phang a thadyn hae.

JOSHUA 3:17 Iomraidhean Croise

2 SIAPHARAN 2:8

Te Elijah nynh a angkiccua kha lawkuh zah a kue koute tui kha a bua; mih lu ning te laerou kalan a zua kou makhia hae, tui tuh voikheit lang voikheit lang thoh aphiakuh.

The Psalms 66:6

Rili kha laerou lang a tangsah; ah minpaaw hae nynh vawpi kha mih ccu te a zua hae. Tuin kyakhe aening tuh amaw tungvaw ah lungtua,

EXODUS 14:21

Oute Moses nynh a kuih kha rili vawlan a dyng. Bawipaw nynh athawsaepaw nithua lang e khisan khate rili kha khuazi zidae mungsah zah rili tui tuh phiakuh zah aroupaw laephi lang a tang vae.

EXODUS 14:22

Israel hae tuh rili lungkhu aroupaw laephi kyakhe a cceih hae, tui tuh mih ranglang te mih voilang khe pang hawte a thungkuh.

EXODUS 14:29

Thuasalama Israel hae tuh aroupaw laephi vawlan cciate rili kha zua hae zah tui tuh mih ranglang te mih voilang khe pang hawte phang a thungkuh.

ISAIAH 25:8

Te Bawipaw PACHIA nynh ccungccaw balyn mae kyate mitphi kha a hupah cih hae, a ccungccaw hae thethyanaw kha laephi pynpi kyate a lah cih, pawccecize Bawipaw nynh a ho vae.

NAMBAR 33:51

Israel hae kyakhe hynhte hopah hae: “Nanning nynh Jordan vaw kha na zua oh zah Kanaan ram lungkhu lang he na tee oh te,

HEBRU 11:29

Israel hae nynh laerou kya ccia hawte zynnaw liate Rili Se kha po a zua hae. Tuhcite Izip hae nynh he a zuabua hae tuh tui nynh pong a vu hae.

JOSHUA 4:1

Minphuin pynpi te Jordan vaw kha a zua kou hae te, Bawipaw nynh Joshua kha:

JOSHUA 4:10

Moses nynh Joshua kaw a pya thyhte, ccungccaw hae kha hopya lan Bawipaw nynh Joshua kaw a pyapaw atyn-are athang mawlaezung, byakin thingkua a puihtu ranpibawi hae tuh Jordan vaw angaelung kya a thadyn hae. Ccungccaw hae tuh rangsakute vaw a zua hae.

JOSHUA 4:11

Ccungccaw hae balyn a zua kou hae te, Bawipaw byakin thingkua te ranpibawi hae tuh ccungccaw hae malang khe a cceih hae.

JOSHUA 4:22

nae ccaaw hae kha, ‘Israel hae nynh Jordan vaw hynh laerou kyate a la zua hae,’ cite na nysah cih oh.

JOSHUA 4:3

‘E kyahin, Jordan vaw angaelung, ranpibawi hae a thadynnaw hae hmin kya-e lung ccanghaw lae ning kha lah oh lah, puih oh, atu khuazi na ryanaw oh hmin kyakhe nung oh,’ cite kawpya hae,” a cipya.

JOSHUA 5:1

Israel hae nynh Jordan vaw a zua kou makhia hae, Bawipaw nynh Jordan vaw e tui tuh a rousahpya hae cipaw kha Jordan khuraw niccaw lang umpaw Amor hae siapharan hae balyn te rili pe umpaw Kanaan hae siapharan hae balyn nynh he a thae hae tuh, Israel hae keiccu rih hae zah mih rawthungnaw phe zo vae.