JOSHUA 3:16 - Zotung Bible 2016

¹⁶ palung langte aluapaw tui tuh phang thadyn zah, asawnaw umpaw Zerethan khua pe e Adam khua kyacia tui tuh san kheit kya atingkuh thung; Arabah rili cikuhpaw Rili Chih kalan alua hae paw tuh marya a kan hae; te ccungccaw hae tuh Jeriko khua langkhe hawite a zua hae.

JOSHUA 3:16 Iomraidhean Croise

GENESIS 14:3

E siapharan lu pangaw nynh mih rhawkaw hae kha Siddim Vahue kya a suelua hae (Siddim Vahue tuh Rili Chihpaw nynh thua).

1 SIAPHARAN 4:12

Taanak khua, Megiddo khua te Jezreel khua akawlan e Zarethan khua pe umpaw Beth-shean khua pepan balyn, Beth-shean khua kyate Abelmeholah khua kyacia, te Jokmeam khua akhung lang kyacia looh a paccyntu tuh Ahilud ccapaw Baana nynh thua;

1 SIAPHARAN 7:46

Jordan accya, Sukkoth te Zarethan laku umpaw anglae laephi kyakhe siapharan nynh e hae hynh a laee hae.

The Psalms 114:3

Rili nynh muih zah a ccuetaw; Jordan vaw mah nulang a ki.

The Psalms 114:5

Pou rili, pawccemou na ccue? Pou Jordan, pawccemou nulang na ki?

The Psalms 29:10

Bawipaw tuh tuileih vawlan khe a haung; Bawipaw tuh siapharan lante zungzae a haung.

The Psalms 33:7

Rili tui hae kha paling lungkhu e tui hawte san kheit kya a ccakhung hae; akhupaw rilipi hae kha ccakhungnaw inn kyakhe a ccakhung.

The Psalms 66:6

Rili kha laerou lang a tangsah; ah minpaaw hae nynh vawpi kha mih ccu te a zua hae. Tuin kyakhe aening tuh amaw tungvaw ah lungtua,

The Psalms 74:15

Tuidy te vaw taraw hae kha na luasah hae zah, palei aluapaw vaw hae kha karae na rousah hae.

The Psalms 77:19

Nang tuh rili kyakhate na cceih, na laanpi tuh akopaw tui kya po a cceih; tuhzemah na ccunoh tuh muih kho thua khyh.

The Psalms 78:13

Rili kha thoh phiasakuh zah, minmin kha po a zuasah hae, te tui kha pang hawte a thadynsah.

EXODUS 14:21

Oute Moses nynh a kuih kha rili vawlan a dyng. Bawipaw nynh athawsaepaw nithua lang e khisan khate rili kha khuazi zidae mungsah zah rili tui tuh phiakuh zah aroupaw laephi lang a tang vae.

EXODUS 14:22

Israel hae tuh rili lungkhu aroupaw laephi kyakhe a cceih hae, tui tuh mih ranglang te mih voilang khe pang hawte a thungkuh.

EXODUS 14:29

Thuasalama Israel hae tuh aroupaw laephi vawlan cciate rili kha zua hae zah tui tuh mih ranglang te mih voilang khe pang hawte phang a thungkuh.

EXODUS 15:8

Na naduh kyate apoupaw khisan khate tui kha na sueluasakuh zah aluapaw tui kha pang hawte na thungsaku; rili ngaelung kya akhupaw tui tuh tangkarae lan a um.

ISAIAH 50:2

Kae he ka thua tuh, pawccemou ccungccaw a um khyh? He ka ko hae tuh pawccemou lu kheit nynh sanmah yn oi khyh hae? Kae tuh shawkhaw kho lei lan ciate ka kuih adyn tou? Tuhkhyhze luesahnaw lanpaw huhan ka hoi khyh tou? Rili kha kaw ka pya zah karae ka rousah, vaw hae kha laesia ram lang ka tangsah; tui a um khyh keiccuze mih ngasaw hae tuh athuh hae, tui kanmawte a chih hae.

EZEKIEL 47:8

Aning nynh kae kha, “E tui hynh nithua lang lua zah Arabah lang aluabung; te rili kya he apyakuh te, a-yhkuhpaw rili tuh tui thawpaw lang a tang cih.

NAHUM 1:4

Rili kha pe zah a rousah, vaw hae balyn kha a kansah hae; Bashan mua te Karmel mua tuh rou hae zah, Lebanon haetapaw hae tuh anaan hae.

HABAKKUK 3:8

Pou Bawipaw , vawkhu hae kha na thinrianua hae tou? Na marang hae kha na ccikuh hae zah, taenawpaw na marangle hae kha he na ccikuh hae te, vawkhu hae kha na thinrianua hae tou? Rili kha na thin-unua tou?

NAMBAR 34:3

ram alia lang tuh Zin ramkaw kyate Edom loukaw cia athua cih. Alia lang e nae ramri tuh Rili Chihpaw adianaw nithua lang kyate atho cih;

DEUTERONOMY 1:1

Hynh-e tuh Moses nynh Israel hae balyn kalan Paran te Tofel, Laban, Hazeroth te Dizahab alaku, Suf te arawsekunaw bialae kya, Jordan vaw akhung lang ramkaw khe a hopya hae paw bya nynh thua.

DEUTERONOMY 3:17

Arabah kha mah Jordan vaw te a vahue hae ryte, Khinnereth kyate Arabah rili, Rili Chihpaw kyacia, nithua lang umpaw Pisgah mua a nebungnaw balyn rykhate ka pya hae.

JOSHUA 12:3

te Arabah accya kha mah Khinneroth Rili nithua lang cia, te Beth-jeshimoth khua lang ccianaw laanpi, Arabah rili cikuhpaw Rili Chih kyacia, alia lang Pisgah Mua athonaw kyacia phe a thua.

JOSHUA 15:2

Alia lang ramri tuh Rili Chih adianaw, alia lang a hawipaw rili akouleihnaw kyate

JOSHUA 16:7

te Janoah kyate Ataroth te Naarah kyacia cceihbung zah Jeriko khua a thua koute Jordan vaw khe athang.

JOSHUA 3:13

Te laephi pynpi Bawipaw athuapaw Bawipaw kya-e byakin thingkua a puihtu ranpibawi hae ccuphe nynh Jordan tui kha he a sy te, palung langte yn luapaw Jordan tui tuh thoh pae cih zah, san kheit kya tingkute a thadyn cih,” a ci.

JOSHUA 4:22

nae ccaaw hae kha, ‘Israel hae nynh Jordan vaw hynh laerou kyate a la zua hae,’ cite na nysah cih oh.

JOSHUA 5:1

Israel hae nynh Jordan vaw a zua kou makhia hae, Bawipaw nynh Jordan vaw e tui tuh a rousahpya hae cipaw kha Jordan khuraw niccaw lang umpaw Amor hae siapharan hae balyn te rili pe umpaw Kanaan hae siapharan hae balyn nynh he a thae hae tuh, Israel hae keiccu rih hae zah mih rawthungnaw phe zo vae.

BYAPIATU 7:22

Minmin nynh mungkae za thum kha he a tu hae tuh, Bawipaw nynh rhawkaw miakaw tuh mimaw mih ban hae kha thaloi te baesah hae zah, rhawkaw hae tuh Zererah langsang Beth-shittah kyacia, Tabbath khua pe Abelmeholah ramri kyacia a ccue hae.