JOSHUA 3:13 - Zotung Bible 2016

¹³ Te laephi pynpi Bawipaw athuapaw Bawipaw kya-e byakin thingkua a puihtu ranpibawi hae ccuphe nynh Jordan tui kha he a sy te, palung langte yn luapaw Jordan tui tuh thoh pae cih zah, san kheit kya tingkute a thadyn cih,” a ci.

JOSHUA 3:13 Iomraidhean Croise

1 SHERIANAW 29:11

Pou Bawipaw , lesaenaw, huhan, phu-enaw, taenaw te sawtuanaw tuh namaw kya-e nynh thua; pawccecize vaaw te lae kya a umpaw balyn tuh namaw kya-e nynh thua; pou Bawipaw , peenaw tuh namaw kya-e thua zah nang tuh atyn-are luki umpaw lu lang hangthung na thua.

The Psalms 33:7

Rili tui hae kha paling lungkhu e tui hawte san kheit kya a ccakhung hae; akhupaw rilipi hae kha ccakhungnaw inn kyakhe a ccakhung.

The Psalms 74:15

Tuidy te vaw taraw hae kha na luasah hae zah, palei aluapaw vaw hae kha karae na rousah hae.

The Psalms 78:13

Rili kha thoh phiasakuh zah, minmin kha po a zuasah hae, te tui kha pang hawte a thadynsah.

EXODUS 15:8

Na naduh kyate apoupaw khisan khate tui kha na sueluasakuh zah aluapaw tui kha pang hawte na thungsaku; rili ngaelung kya akhupaw tui tuh tangkarae lan a um.

ISAIAH 54:5

Pawccecize nang ae Raetupaw tuh na vawpaw nynh thua, a min tuh Vaaw Bawipaw a cikuh; Israel Pachia Athyaapaw tuh nang ae Shawkhawtu thua zah, laephi pynpi a uktu Pachia cite a ko hae.

HABAKKUK 3:15

Na marang hae khate rili kha po he na zua tuh, athungpaw tui tuh athyhleihkuh.

ZEKHARIAH 4:14

Tetuh aning nynh, “E hae tuh laephi pynpi kya-e Bawipaw pe a thadyn hae paw chitui thuh athua hae paw lu ning nynh thua hae,” a ci.

JOSHUA 3:11

laephi pynpi Bawipaw kya-e byakin thingkua tuh nae malang Jordan vaw kha a zua cih.

JOSHUA 4:7

nanning nynh, Bawipaw byakin thingkua malang Jordan tui tuh thoh paekuh, cite na hopah cih oh. Jordan vaw kha he a zua hae tuh Jordan tui tuh thoh pae. Tukeiccuze e lung hae tuh Israel hae hanlan zungzae liathuinaw lang a tang cih,” a cipya hae.