JOSHUA 3:11 - Zotung Bible 2016

¹¹ laephi pynpi Bawipaw kya-e byakin thingkua tuh nae malang Jordan vaw kha a zua cih.

JOSHUA 3:11 Iomraidhean Croise

1 SHERIANAW 29:11

Pou Bawipaw , lesaenaw, huhan, phu-enaw, taenaw te sawtuanaw tuh namaw kya-e nynh thua; pawccecize vaaw te lae kya a umpaw balyn tuh namaw kya-e nynh thua; pou Bawipaw , peenaw tuh namaw kya-e thua zah nang tuh atyn-are luki umpaw lu lang hangthung na thua.

JOB 41:11

Hum nynh mou Leviathan kha a dou kho cih zah a khyn cih? Vaawlui pynpi zakaw umpaw hum nynh mou aning kha a cyih kho cih?

The Psalms 24:1

Laephi te a lungkhu umpaw balyn tuh Bawipaw kya-e nynh thua, laephi te a vawlan a hiin hae paw balyn hynh amaw kya-e nynh thua,

The Psalms 97:5

Bawipaw malang khe, laephi pynpi a ukpaw Bawipaw malang khe mua hae tuh khoilung hawte atui hae.

ISAIAH 3:12

Imua hae nynh ka ccungccaw hae kha a tuaa a sah hae, nopi hae nynh minmin kha a uk hae. Pou ka ccungccaw hae, nanning ae cciakhae oh paw nynh nanning kha ae cciakhaesei oh zah na ccianaw oh paw laanpi kha ae ropya oh.

ISAIAH 54:5

Pawccecize nang ae Raetupaw tuh na vawpaw nynh thua, a min tuh Vaaw Bawipaw a cikuh; Israel Pachia Athyaapaw tuh nang ae Shawkhawtu thua zah, laephi pynpi a uktu Pachia cite a ko hae.

JEREMIAH 10:7

Pou minphuin hae Siapharan, nang ae rih leipaw hummou a um? Pawccecize nang tuh ri lan a ccanpaw nynh na thua; minphuin kyaze a hawhua hae paw kya thuasah, mih peenaw balyn kya thuasah nang ae lopaw lu kheit san um khyh.

MIKAH 4:13

Pou Zion ccanung, thokuh lah, loohcce hae kha tintua hae, na ki kha sivaw te ka rae cih zah, na ccukoh hae kha sohin te ka rae cih, minphuin patae kha zoihtatyh lan na pae cih hae, minmin nynh a mue hae paw uccaw hae kha Bawipaw kalan na pya cih, mih sisua kha laephi pynpi a uktu Bawipaw kha na pya cih.

ZEFANIAH 2:11

Bawipaw nynh minmin kha myarya a risah cih hae; laephi vaw e pachia hae balyn kha ccungkia leipaw lang a rae cih hae, minphuin ccangpaw hae kya-e rili kin e ram te tuikoih hae balyn nynh mih umnaw raveih kyakhe amaw kha bakhungnuate a beik cih hae.

ZEKHARIAH 14:9

Bawipaw tuh laephi pynpi kya siapharan lang a tang cih; tuin nin vae tuh Bawipaw tuh ccangkheit kyalyapaw Bawipaw , a min minkheit kyalyapaw min athua cih.

ZEKHARIAH 4:14

Tetuh aning nynh, “E hae tuh laephi pynpi kya-e Bawipaw pe a thadyn hae paw chitui thuh athua hae paw lu ning nynh thua hae,” a ci.

ZEKHARIAH 6:5

Vaawpaw nynh, “E marangle hae tuh laephi pynpi kya-e Bawipaw malang te a poupaw, vaawlui khivae ccangpali nynh thua.

DEUTERONOMY 9:3

Oute Bawipaw na Pachia tuh aruapaw maee hawte atunin na malang po cceih cih paw nynh thua cipaw nytua; Bawipaw nynh bya ae kinpyaku thyhte minmin kha arangte na dee hae zah na ro kho nawlan hae, Bawipaw nynh minmin kha na malang khe a shungsah cih hae zah a tae cih hae.

JOSHUA 3:13

Te laephi pynpi Bawipaw athuapaw Bawipaw kya-e byakin thingkua a puihtu ranpibawi hae ccuphe nynh Jordan tui kha he a sy te, palung langte yn luapaw Jordan tui tuh thoh pae cih zah, san kheit kya tingkute a thadyn cih,” a ci.