JOSHUA 3:10 - Zotung Bible 2016

¹⁰ Te Joshua nynh, “Ahiinpaw Pachia tuh nae kya um zah, Kanaan hae, Hit hae, Hiv hae, Periz hae, Girgash hae, Amor hae te Jebus hae kha nae malang kyate solei a dee cih hae cipaw tuh hynh-e liate na nyh cih oh:

JOSHUA 3:10 Iomraidhean Croise

GENESIS 15:21

Amor hae ram, Kanaan hae ram, Girgash hae ram te Jebus hae ram kha ka pya hae,” a ci.

1 SIAPHARAN 22:28

Mikaiah nynh, “Daenaw te bua nae ki zetuh, Bawipaw nynh ka kyate bya a ho khyhpaw nynh athua cih. Pou ccungccaw hae, nae balynte thaetua oh!” a ci.

2 SIAPHARAN 19:4

Ahiinpaw Pachia kha sarya khylan Assiria siapharan nynh yn sawpaw a ryalahtu Rabshakeh bya balyn kha Bawipaw na Pachia nynh la thae vae sah, te Bawipaw na Pachia nynh a thaepaw bya kha detah vae sah; tukeiccuze a laehypaw ccungccaw hae hanlan saw la sang,” a cipya hae.

1 SHERIANAW 1:14

Jebus hae, Amor hae, Girgash hae,

The Psalms 42:2

Ka muisaw nynh Pachia, ahiinpaw Pachia kha tuihaw lan a haw. Hohtuhmou Pachia kalan ka cceih cih zah, a mae kha ka muih cih?

The Psalms 9:16

Bawipaw nynh a byapianaw khate amaw toulou kha a langsaku vae; ccungccaw hoylei hae paw tuh mimaw kuih te a law hae paw ryalaw kyakhe kaang a kae hae.

EXODUS 17:7

Israel hae nynh, “Bawipaw hynh aening laku a um tou, um khyh tou?” cite Bawipaw kha syntawtua hae zah a pe hae keiccuze tuh-e hmin kha Massah te Meribah cite min a phu hae.

EXODUS 3:8

te minmin kha Izip ram kyate luesah khylan, tuh-e ram kyate poukhae khylan, te ahoypaw te akopaw ram, mateitui te khoilutui a luanaw ram, Kanaan hae, Hit hae, Amor hae, Periz hae, Hiv hae te Jebus hae nynh a umnaw hae ram lang cciakhae khylan kae rungbung vae.

EXODUS 33:2

Vaaw ccungccapaw lu kheit kha na malang ka saw cih zah Kanaan hae, Amor hae, Hit hae, Periz hae, Hiv hae, te Jebus hae kha ka dee cih hae.

ISAIAH 7:14

Tukeiccuze Bawipaw amaw ccaccei nynh nanning kha muihsahnaw ae pya cih oh. Dotua oh, liaccady nynh ccaawpoi zah ccapaw a saah cih, a min tuh Immanuel cite a phu cih hae.

JEREMIAH 10:10

Thuasalama Bawipaw tuh ahmepaw Pachia nynh thua; aning tuh ahiinpaw Pachia, zungzae Siapharan nynh thua. A thinria vae ze laephi tuh ahy, minphuin hae nynh a thinrianaw kha ngaesang kho khyh hae.

HOSEA 1:10

Tuhzemah Israel hae tuh toutae leipaw te riatae leipaw rili laesia hawte athua cih hae; “Nanning tuh ka ccungccaw hae na thua khyh oh,” cite hopya athuanaw hae hmin kya mawkhe, “Ahiinpaw Pachia ccaaw hae,” cite hopya athua cih hae.

NAMBAR 13:29

Amalek hae tuh Neged ram kya khuasah hae; Hit hae, Jebus hae te Amor hae tuh mua vaw e khua taraw kya khuasah hae; te Kanaan hae tuh rili pe te Jordan vaw kin kya a um hae,” a cipya hae.

MATTHAI 16:16

Simon Peter nynh, “Nang tuh a hiinpaw Pachia Ccapaw Messiah nynh na thua,” a ci.

JOHAN 6:69

Nang tuh Pachia kyate yn thuapaw Mi Thyaa nynh na thua cipaw kaening nynh kae zyn zah kae ny,” a cipya.

DEUTERONOMY 31:17

Tuh-e nin khe minmin tungvaw ka thinrianaw tuh maee lang arua cih. Minmin kha ka vua cih hae zah minmin kyate ka mitmae kha ka retawkuh cih hae; minmin tuh kyng azoipaw saw hae lang a tang cih hae zah, hoyleinaw te vawsawnaw patae tuh minmin tungvaw accah cih. Tuin nin khe minmin nynh, ‘Ah Pachia tuh aening laku kya a um khyh keiccuze hynh-e vawsawnaw hae hynh aening tungvaw accawpaw thua khyh tou?’ cite a hokuh cih hae.

DEUTERONOMY 5:26

Maee lungkhu te bya yn hopaw ahiinpaw Pachia roi kha aening hawte thae zah a hiin ungpaw hum ccungccaw mou a um?

DEUTERONOMY 7:1

Nang nynh ccou khylan na tee vae cih paw ram lungkhu langkhe Bawipaw na Pachia nynh ae cciakhae zah, na malang e minphuin patae, Hit hae, Girgash hae, Amor hae, Kanaan hae, Periz hae, Hiv hae te Jebu hae, nanning laeze mih thawsaehua zah alunghua hae paw minphuin phuin sari kha dee hae zah,

DEUTERONOMY 7:21

Minmin kha rih nan oh, pawccecize ae umkhae oh paw Bawipaw nae Pachia tuh alesaepaw te ri lan umpaw Pachia nynh thua.

1 THESALON 1:9

Pawccecize kaening nynh nae kalan pawcihte nynh kae tee cipaw kaening kong kha tuin ram kya-e ccungccaw hae nynh a ho hae, te a hiinpaw te ahmepaw Pachia kha ryalawpya khylan zohtuh hae kyate Pachia kalan pawcihte nynh na paleihku oh cipaw kha thuasah,

HEBRU 10:31

Ahiinpaw Pachia kuih lungkhu lang ccaw lanpaw tuh ri lan umpaw nynh thua.

JOSHUA 11:3

nithua lang te niccaw lang um hae paw Kanaan hae, muaram kya um hae paw Amor hae, Hit hae, Periz hae, Jebus hae, Mizpah ram Hermon mua kaw kya um hae paw Hiv hae kha bya a taw hae.

JOSHUA 12:8

e ram hae tuh muaram, laelung anenaw ram, Arabah accya, apannaw ram, ramkaw te Negeb ram thua hae zah, Hit hae, Amor hae, Kanaan hae, Periz hae, Hiv hae te Jebus hae ram nynh thua):

JOSHUA 21:45

Bawipaw nynh Israel hae kya ahoypaw bya a kinpyaku hae paw balyn tuh ccangkheit sanmah zo khyh; abalynte marya accing.

JOSHUA 22:31

Te ranpibawi Eleazar ccapaw Finehas nynh Reuben phin hae te Gad phin hae te Manasseh phin hae tuh, “Bawipaw kha na rawse khyh oh keiccuze atunin Bawipaw tuh ah kya nynh um cipaw na ny oh; Israel ccungccaw hae tuh Bawipaw kuih kyate atu na khum vae oh,” a ci hae.

JOSHUA 24:11

Te Jordan vaw kha na zua oh zah, Jeriko kya na thua oh, Jeriko khua e ccungccaw hae te Amor ccungccaw hae, Periz ccungccaw hae, Hit ccungccaw hae, Girgash ccungccaw hae, Hiv hae te Jebus hae nynh zemah nanning kha ae dou oh; minmin tuh nae kuih kya kae pya oh.

JOSHUA 3:9

Te Joshua nynh Israel hae kha, “Hynhlang oun naekuh oh lah, Bawipaw nae Pachia bya kha thaetua oh,” a cipya hae.

JOSHUA 9:1

Jordan khuraw lang mua vaw e ram te laephi anenaw ram, Lebanon ram cia Rili Pi vahue kya po um hae paw Hit hae, Amor hae, Kanaan hae, Periz hae, Hiv hae te Jebus hae mih siapharan hae balyn nynh e kong a thae hae tuh,

1 SAMUEL 17:26

David nynh a pe a thadyn hae paw kyakhe, “E Filistin paw hynh theih zah Israel kha maethyanaw kyate a luesahpaw tuh pawmou cyipya athua cih? Ahiinpaw Pachia rhawkaw hae kha theihrya lan ciate vingdungawkuh leipaw hynh-e Filistin paw hynh hummou athua?” a cipya hae.

1 SAMUEL 26:6

David nynh Hit ccungccaw Ahimelek te Zeruiah ccapaw Abishai, Joab neitaw kyakhe, “Ryahmin lungkhu lang, Saul kalan hummou yn zui cih?” cite khia hae zah, Abishai nynh, “Kamaw kae zui cih,” a cipya.