JOSHUA 24:32 - Zotung Bible 2016

³² Israel hae nynh Izip ram kyate oun cciakhae hae paw Josef ru kha Jakob nynh Shekhem a paaw Amor a ccapaw kya-e phua za kheit te a repaw Shekhem khua e laephi kyakhe a uu hae; tuh-e hmin tuh Josef ciihan hae rho lang a tang.

JOSHUA 24:32 Iomraidhean Croise

GENESIS 33:19

Te Shekhem paaw Hamor a ccapaw hae kyate bu a saknawpaw laephi hmin kha ngunphua za kheit te a re.

GENESIS 48:22

Na upaw hae laeze nang kha alunghua lante kae pyapaw tuh, ka thaloi te ka li te Amor ccungccaw hae kuih kya-e ka lawpaw Shekhem nynh thua,” a ci.

GENESIS 50:24

Oute Josef nynh a uno hae kha, “Ka chih vae cih, thuasalama Pachia tuh nanning kalan yn thua ccaccing cih zah Abraham, Isak te Jakob kya bya a kinkupaw ram langkhe e ram kyate ae cciakhae thung cih oh,” a cipya hae.

GENESIS 50:25

Te Josef nynh Israel ccapaw hae kha, “Nae kalan Pachia he yn thua te, ka ru kha e kyate nae la cciakhae thung cih oh,” cite hopah hae zah bya a kinsaku hae.

EXODUS 13:19

Josef nynh Israel hae kha tynkaring lan byakinsakuh hae zah, “Pachia nynh nanning kha ae bawm ccaccing cih oh, e hmin kyate ka ru kha nae la cciakhae hahe cih oh,” cite a la hopya hae thyhte Moses nynh Josef a ru kha a cciakhae.

JOHAN 4:5

Jakob nynh a ccapaw Josef a pyapaw laekua pe, Samaria ram kya-e Saikhar a ci hae paw khua kya a thua.

LOCCEIHTU 7:15

Jakob tuh Izip ram lang a cceihbung. Tuin kyakhe Jakob te ah minpaaw hae tuh a chih hae.

LOCCEIHTU 7:16

Minmin kha Shekhem khua lang cciakhae hae zah Shekhem kya umpaw Hamor a ccaaw hae kya-e Abraham nynh phua te a repaw shawku kyakhe a uu hae.

HEBRU 11:22

Josef nynh a chi dyn khe, Israel ccaaw hae nynh a pou lan hae paw kong kha zynnaw liate hosya zah amaw a ru konglang te bya a tawsya hae.