JOSHUA 24:27 - Zotung Bible 2016

²⁷ Te Joshua nynh ccungccaw hae kha, “Dotua oh, e lung hynh aening kya ccaekia athua cih, pawccecize Bawipaw nynh aening kya a hopaw balyn kha hynh-e lung nynh a thae; tukeiccuze Pachia kha na hynpya oh ze, e lung tuh nanning kha rawsete ccaekia lang a tang cih,” a cipya hae.

JOSHUA 24:27 Iomraidhean Croise

JOB 31:23

Pawccecize kae tuh Pachia kya-e vawsawnaw kha ka rih zah, a lesaenaw kha ka hawilia ngan khyh.

JOB 31:28

e hae hynh byapiatu nynh de a tah lanpaw hoyleinaw nynh thua, pawccecize luki lang e Pachia kha vuapaw nynh thua.

PHUNGTANGBYA 30:9

tuhkhyhze tuh phe beih lan ka hoi lanze, nang kha kae vuasei cih zah, “Bawipaw tuh hummou thua?” cite ka hosei cih, ka ryachi lanze ka ruhsei cih zah ka Pachia min kha the ka thyasahsei cih.

ISAIAH 1:2

Pou vaawlui, thaetua, pou laephi, ngaetua; pawccecize Bawipaw nynh a hopaw tuh: ka kua hae paw te ka do-oih hae paw ccaaw hae nynh kae kha yn dou vae hae.

ISAIAH 59:13

cyiseimenaw, Bawipaw kha vuanaw, ah Pachia zuinaw kyate ccanglang maekunaw, tuaasahnaw byahonaw, rawsenaw byahonaw te hynbya kha ccykekute tuh-e tuh thinlung kyate honaw kha nynh thua.

HABAKKUK 2:11

Pang thungnawpaw lung nynh heize pang kyate a sia cih zah, inn-boeipae nynh a khungru cih.

NAMBAR 11:20

sah kheit lungkhu—nae naduh kyate saw atolang phe pou lang te nae hanlan luathua-ae-ui phe um lan ciate na ae cih oh—pawccecize nae laku umpaw Bawipaw kha na vua oh zah amaw malang raw biate, ‘Pawcce Izip ram kyate kae la pou?’ na ci oh cite hopah hae,” a cipya.

MATTHAI 10:33

Thuasalama humhung zemah ccungccaw hae malang kamaw kha yn vuapaw tuh vaawlang umpaw ka Paaw malang kae nynh mah ka vuaru cih.

LUKA 19:40

Jesu nynh tho zah, “Nanning kae hopya oh, e hae nynh zya a dae hae zemah lung hae nynh a sia cih hae,” cite a khung hae.

DEUTERONOMY 30:19

Hiinnaw te chinaw, hythuanaw te thyalawnaw kha nanning malang ka nung vae cipaw atunin ccaekia lang vaaw te lae hynh ka ko hae.

DEUTERONOMY 31:19

Tukeiccuze atu hynh-e hlaw hynh zei lah, Israel hae kha ccangpah hae; e hlaw hynh Israel hae konglang te ka ccaekia lang a tang ccaw, mih khalang kya nungpah hae.

DEUTERONOMY 31:21

Te ri lan umpaw vawsawnaw patae tuh mih tungvaw he accah te, hlaw tuh mih ciihan hae khalang kyate a zo khyh keiccuze hynh-e hlaw nynh ccaekia lante minmin kha hawiliate a rawse cih hae. Pawccecize bya ka kinpyaku hae paw ram lungkhu lang ka teekhae maw hae, atumaw heize pawmou cyi lan a paccynku hae cipaw phe ka ny,” a cipya.

DEUTERONOMY 31:26

“E upadi ccauh hynh lah oh lah, Bawipaw nae Pachia kya-e byakin thingkua pe khe nung oh; nanning konglang te ccaekia lang a um cih.

DEUTERONOMY 32:1

Pou vaawlui hae, nae nakaring kha oun tuaku tua oh, bya ka ho cih; laephi nynh ka khalang kya-e bya hae hynh thaesah.

DEUTERONOMY 4:26

ccou khylan Jordan vaw na zuanua cih oh paw ram kyate aro mawze khaleih na mih cih oh cite atunin nanning rawsete vaaw te lae kha ccaekia lang ka ko hae; tuh-e ram kya nae she sae lan khyh, marya na chih cih oh.

TITU 1:16

Minmin nynh Pachia kae nyh cite ho hae salamah mih cyisahnaw te Pachia kha a vua hae; pawccecize minmin tuh luathua-ae-ui lan um hae paw, kawngae lei hae paw te ahoypaw ryalaw miakaw kya ccungkia lei hae paw nynh thua.

JOSHUA 22:34

Reuben phin hae te Gad phin hae nynh silawhang tuh Ed cite min a phu hae; “Pawccecize Bawipaw tuh Pachia nynh thua cipaw hynh-e silawhang tuh aening laku kya ccaekia nynh thua,” a ci hae.

JOSHUA 24:28

Te Joshua nynh ccungccaw hae kha a ccou hae paw mih ram langkhe a cciasah hae.

BYAPHY 3:8

“Na ryalaw hae kha ka ny. Dotua, hum nynh san a khaw kho leipaw thuakaw ahungkuhpaw kha na malang ka nung vae. Pawccecize nang tuh thawzung ccapyh nynh na hoi cipaw ka ny, ka bya kha na ccykekuh zah ka min kha na vua khyh.

1 SAMUEL 7:12

Tetuh Samuel nynh lung kha lah zah Mizpah te Jeshanah laku kya bing zah, “Bawipaw nynh kaening hynh atu cia oun bawm,” ci zah Ebenezer cite min a phu.