JOSHUA 24:26 - Zotung Bible 2016

²⁶ Te alepaw lung ccangkheit kha lah zah, Bawipaw beikinnthyaa kya umpaw phaesi ku kaw khe a bing.

JOSHUA 24:26 Iomraidhean Croise

GENESIS 31:45

Tukeiccuze Jakob nynh lung ccangkheit lah zah lungbing lang a bing.

GENESIS 35:4

Tukeiccuze minmin nynh a hoi hae paw ramccang pachia hae te mih nakua kya umpaw nakuahuing hae kha Jakob kalan a pya hae; te Jakob nynh khah-e hae kha Shekhem pe umpaw phaesi ku kaw khe a thuruh.

GENESIS 35:8

Te Rebekah kha a do-oihtu Deborah tuh chih zah Bethel akawlan umpaw phaesi ku kaw khe a uu hae. Tukeiccuze tuh-e thingku tuh Allon-bacuth cite min a phu hae.

EXODUS 24:4

Te Moses nynh Bawipaw bya balyn kha a zei. Aning nynh awkhua takaw khe tho zah mua leihpaw khe silawhang kha a rae, Israel phin haw lae ning hanlan lungbing haw lae ning kha a bing.

BYAPIATU 9:6

Te Shekhem khua e uktu hae balyn te Beth-millo khuaccaaw hae balyn tuh sueluakuh hae zah, Shekhem khua e liathuinawpaw phaesi ku pe khe Abimelek kha siapharan lang a khang hae.

1 SAMUEL 7:12

Tetuh Samuel nynh lung kha lah zah Mizpah te Jeshanah laku kya bing zah, “Bawipaw nynh kaening hynh atu cia oun bawm,” ci zah Ebenezer cite min a phu.