JOSHUA 24:25 - Zotung Bible 2016

²⁵ Tukeiccuze Joshua nynh tuin nin khe ccungccaw hae balyn ryte byakinnaw kha rae hae zah, minmin elang Shekhem kya phungbya te phungzae kha a raepya hae.

JOSHUA 24:25 Iomraidhean Croise

GENESIS 35:4

Tukeiccuze minmin nynh a hoi hae paw ramccang pachia hae te mih nakua kya umpaw nakuahuing hae kha Jakob kalan a pya hae; te Jakob nynh khah-e hae kha Shekhem pe umpaw phaesi ku kaw khe a thuruh.

2 SIAPHARAN 11:17

Jehoiada nynh minmin tuh Bawipaw ccungccaw athua nawlan hae, Bawipaw te siapharan te ccungccaw zapi hae laku kya byakinnaw kha a rae; siapharan te zapi hae laku kya mah a rae.

2 SHERIANAW 15:12

Bawipaw , mih minpaaw hae Pachia kha mih thinlung balyn te, mih tuanaw balyn te ccung khylan byakinnaw lungkhu lang a tee hae.

2 SHERIANAW 15:15

Judah hae balyn tuh tuh-e byakinkunaw a rae hae keiccuze mih lungpaw; pawccecize mih thinlung balyn te byakinkunaw rae hae zah mih rynaw balyn te Bawipaw kha a ccung hae keiccuze a muih hae, te Bawipaw nynh minmin kha teitei langte balyn daenaw a pya hae.

2 SHERIANAW 23:16

Jehoiada nynh minmin tuh Bawipaw ccungccaw athua nawlan hae, amaw te ccungccaw zapi hae balyn te siapharan laku kya byakinnaw kha a rae.

2 SHERIANAW 29:10

Atu tuh a thinrianaw myarya lepaw kha aening kyate ccanglang a maeku nawlan, Bawipaw , Israel Pachia ryte byakinnaw rae lan ka thinlung kya a um.

NEHEMIAH 9:38

E hae balyn keiccuze atynpaw nawccawnaw kha raete ccaw kae zei zah kae bawi hae, kae ccungccaw Levi phin hae te kae ranpibawi hae nynh mih min kha tazeih a khia hae.

EXODUS 15:25

Moses nynh Bawipaw kalan sia zah Bawipaw nynh thing ccangkheit a muihsah; Moses nynh tuh-e thing kha tui lungkhu lang phung zah tui tuh khah vae khyh. Tuin kyakhe Bawipaw nynh zui lanpaw phungbya te phungzae kha minmin hanlan raepah hae zah syntawtua nawlan a nungpya hae.

EXODUS 24:3

Moses tuh yn thua zah Bawipaw bya balyn te phungzae balyn kha ccungccaw hae kha a hopya hae; te ccungccaw balyn nynh, “Bawipaw nynh a hopaw bya balyn kha kae cyih cih,” cite roi roikheit te a leih hae.

DEUTERONOMY 29:1

Hynh-e hae hynh Bawipaw nynh Israel hae ryte Horeb kya a raepaw byakinnaw apiaze, Israel hae ryte Moab ram kya byakinnaw rae khylan Bawipaw nynh Moses kalan kaw a pyapaw byakinnaw kya-e bya hae nynh thua.

JOSHUA 24:1

Te Joshua nynh Israel minphuin hae balyn kha Shekhem kya pum hae zah, Israel piccan hae, lupi hae, byapiatu hae te bawi hae kha a ko hae, te Pachia malang khe oun thua hae.

JOSHUA 24:26

Te alepaw lung ccangkheit kha lah zah, Bawipaw beikinnthyaa kya umpaw phaesi ku kaw khe a bing.