JOSHUA 24:20 - Zotung Bible 2016

²⁰ Nanning nynh Bawipaw kha na vua oh zah, ramccang pachia hae kha na beik oh ze, nae kya hoynaw a rae kou khate nynh yn paleihkuh cih zah, vawsawnaw ae pya cih oh, te marya ae roh cih oh,” a ci.

JOSHUA 24:20 Iomraidhean Croise

1 SHERIANAW 28:8

Tukeiccuze nanning nynh e ram hoypaw hynh na ccou oh zah naemaw koute nae ccaaw hae elang rho lang zungzae na nungpya sya nawlan oh, Israel hae balyn, Bawipaw ccungccaw zapi balyn muihnaw te ah Pachia a thaenaw kyahin, Bawipaw nae Pachia kawbya balyn kha ccung oh lah zui oh.

1 SHERIANAW 28:9

“Te nang, ka ccapaw Solomon, na paaw Pachia kha nyh lah, tuanaw ccangkheit te thinlung ccaccing te amaw rya kha lawtua; pawccecize Bawipaw nynh tuh tuanaw miakaw kha akaw-aleih muih zah, paccynpaw te tuanaw miakaw kha phe a ny. Amaw kha na ccung zetuh na muih cih; thuasalama amaw kha na vua zetuh nang kha zungzae ae vua cih.

2 SHERIANAW 15:2

Aning nynh Asa te tungku khylan cceih zah, “Pou Asa te Judah phin hae balyn te Benjamin phin hae balyn, ka bya hynh ngaetua oh: Nanning nynh Bawipaw ryte na um lungkhu oh tuh, Bawipaw tuh nanning ryte a um. Amaw kha na ccung oh ze, na muih cih oh, thuasalama amaw kha na vua oh zetuh, nanning kha ae vua cih oh.

EZRA 8:22

Pawccecize kae Pachia kuih tuh amaw a ccung hae paw miakaw kya thawccinaw hoi zah, amaw a vua hae paw miakaw kha tuh a thungnaw te a thinrianaw nynh a rawse hae, cite siapharan kha phe kae hopya vae keiccuze kae laanpi kya rhaw hae oun thungkhaw lanpaw rhawkaw hae te marang rhawkaw hae phu kheit kha siapharan kalan ngia lan ka maethah vae.

The Psalms 89:31

ka phunglang kha pawlangria khyh hae zah, ka kawbya kha a zui khyh hae ze thuasah,

ISAIAH 1:28

Thuasalama misei hae te amaw a doutu hae kha tuh pynkheihlan ro athua cih hae, Bawipaw a vua hae paw kha maemih athua cih hae.

ISAIAH 63:10

Thuasalama minmin nynh amaw kha dou hae zah athyaapaw a Muisaw kha a ngaethyasah hae; tukeiccuze aning tuh minmin rhaw lang tang zah, amaw ccaccei nynh minmin kha rhaw a tuk hae.

JEREMIAH 17:13

Pou Israel a ngaehoinaw athuapaw, pou Bawipaw! Nang ae vuapaw balyn tuh maethyanaw a mue cih hae; na kyate ccanglang a maeleihkuh hae paw tuh laephi ccazing kya zei athua cih hae, pawccecize minmin nynh hiinnaw tuidy, Bawipaw kha a vua vae hae.

EZEKIEL 18:24

Thuasalama midingpaw nynh a dingnaw kyate maeleihkuh zah hoyleinaw kha raete, ccungccaw hoyleipaw nynh a cyipaw anungsikuhpaw uccaw kha a cyi lanze, aning tuh a hiin cih tou? Aning nynh a la cyipaw adingpaw cyisahnaw kha liathuipya thua lan khyh; a la cyiseipaw hynhunaw te a la raepaw seinaw keiccuze aning tuh a chih cih.

LOCCEIHTU 7:42

Pachia nynh minmin kha maetawkuh hae zah vaawlang e uccaw hae kha beik khylan a vua vae hae. Profeh hae ccauh kyaze, ‘Pou Israel hae, nanning nynh ramkaw kya kum sung pali lungkhu na chia oh paw sahiin hae te silawnawpaw hae kha kamaw kalan nae pya oh zawtou?

DEUTERONOMY 4:25

Tuh-e ram kya ccaaw hae te mintaw hae kha na hoi oh zah nae rynaw he accing te, hankhakheit muinsan lante zohtuh raekute hoyleinaw kha na rae oh zah, Bawipaw nae Pachia mitmuihnaw kya hoyleinaw raete a thin na riasah oh zetuh,

DEUTERONOMY 4:26

ccou khylan Jordan vaw na zuanua cih oh paw ram kyate aro mawze khaleih na mih cih oh cite atunin nanning rawsete vaaw te lae kha ccaekia lang ka ko hae; tuh-e ram kya nae she sae lan khyh, marya na chih cih oh.

HEBRU 10:38

Adingpaw ka ccungccaw tuh zynnaw liate a hiin cih; thuasalama lukhakheit nynh nulang a sihku lanze ka muisaw tuh tuh-e paw kya a lungrythua lan khyh,” a ci.

JOSHUA 24:21

Te ccungccaw hae balyn nynh Joshua kha, “Tuhte thua khyh, thuasalama Bawipaw kha nynh kae beik cih,” a ci hae.

1 SAMUEL 12:15

Thuasalama Bawipaw bya kha ngae leite, Bawipaw kawbya kha na rawse oh ze, Bawipaw kuih nynh nanning te nae siapharan kha ae rawse cih oh.

1 SAMUEL 12:25

Thuasalama hoyleinaw kha na rae ung oh zetuh, naemaw te nae siapharan kha parouh mawte ae maemih cih oh,” a cipya hae.