Biblia Todo Logo
Bìoball air-loidhne

- Sanasan -




JOSHUA 24:19 - Zotung Bible 2016

19 Thuasalama Joshua nynh ccungccaw hae balyn kha, “Bawipaw rya tuh na lawpah kho khyh oh, pawccecize amaw tuh athyaapaw Pachia nynh thua; eiung mangpaw Pachia nynh thua; nae cyiseinaw thuasah, nae seinaw thuasah ae ngaethya lan khyh oh.

Faic an caibideil Dèan lethbhreac




JOSHUA 24:19
30 Iomraidhean Croise  

Thuasalama a ccungccaw hae tungvaw accahpaw Bawipaw thinrianaw tuh myarya le zah adae kho lei lan ciate minmin nynh Pachia locceihtu hae kha a sarya hae, a bya kha pawlangria khyh hae zah a profeh hae kha a theihrya hae.


Minmin nynh na lesaenaw te ri lan umpaw na min kha ae thehoysah hae sah. Na min tuh athyaapaw nynh thua!


Bawipaw ah Pachia kha thehoysah oh; a ccu khangnawpaw kaw khe bakhungte beik oh. Aning tuh athyaapaw nynh thua!


Bawipaw ah Pachia kha thehoysah oh lah, a mua thyaapaw kyakhe beik oh; pawccecize Bawipaw ah Pachia tuh athyaapaw nynh thua.


Tuh-e zohtuh hae malang na bakhung lan khyh zah na beik lan khyh; pawccecize Bawipaw nae Pachia kae tuh a eiungpaw Pachia ka thua zah kamaw oun vuapaw ccungccaw hae kha she thum, she pali kyacia, paaw hae seinaw hanlan ccaaw hae kha de a tahpaw Pachia nynh ka thua,


Amaw kha sawtua lah a bya kha ngae; amaw kha dou nan, pawccecize ka min tuh amaw kya a um keiccuze na seimenaw kha ae ngaethya lan khyh.


(ccangpaw pachia kha na beik lan khyh, pawccecize a min “Eiumthyapaw,” cikuhpaw Bawipaw tuh a eiungthyapaw Pachia nynh thua.)


she athong-asan kyacia atynpaw sungsahnaw kha a tynsahpaw, hoyleinaw, cyiseinaw te seinaw kha a ngaethyapaw, tuhzemah seimenaw kha huatawte a ngaethya leipaw, nungpaaw hae hoyleinaw kha ccaaw hae tungvaw te ccaawsenopaw she thumnaw te she palinaw kyacia liarunaw a mangpawBawipaw ,” cite a siakhae.


Tukeiccuze ccungccaw hae tuh nyaasah bung thua hae zah, mih balyn mawte nesah bung athua hae, minmin kha ngaethya nan hae!


Akaran hae tuh he arou hae te a khya hae; nopi hae nynh thuanua hae zah maeething lang a mang hae. Pawccecize minmin tuh hawnaw a hoi leipaw minphuin nynh thua; tukeiccuze minmin a raetupaw nynh minmin kha ngaethyaumsah lan khyh hae zah, thawccih lan khyh hae.


e laanpi hynh cciataw oh lah, ccanglang maekuh oh, Israel Pachia Athyaapaw kong kha oun thaesah nan vae oh,” a cipya hae.


Israel Pachia Athyaapaw, Bawipaw PACHIA nynh a hopaw tuh: Nanning nynh na kithui oh zah daebabi lan na um oh ze, khum na thua cih oh; daebabi lan na um oh zah na doliaku oh ze, thawzung na hoi cih oh. Thuasalama na ei oh zah,


Thuasalama vaaw Bawipaw tuh dingnaw te hangthung thua zah, Athyaapaw Pachia nynh a thyaanaw kha amaw toulou nynh dingnaw liate a langsahku.


Oute Moses nynh Aaron kha, “Bawipaw nynh, ‘Kamaw kya a naekuh hae paw kyakhate kae tuh ka thyaa cipaw ka langsakuh cih, te ccungccaw balyn malang phu-esah ka thua cih,’ cite a hopaw asuilan tuh hynh-e nynh thua,” a cipya. Te Aaron tuh daebabi lan a um.


Pawccecize kae tuh nae Pachia Bawipaw nynh ka thua; tukeiccu naemaw te naemaw kha thyaasakuh oh. Kae tuh ka thyaa keiccuze nanning mah thyaa oh. Laephi vawlan ahysuepaw avawpaw ccangkhakheit keiccuze naemaw te naemaw kha na thusakuh lan khyh oh.


Pawccecize kae tuh nae Pachia thua khylan Izip ram kyate ae poukhae oh paw Bawipaw nynh ka thua; nanning tuh na thyaa cih oh, pawccecize kae tuh ka thyaa, a cipya hae.


Israel ccungccaw zapi balyn kyakhe hynhte hopah hae: Nanning tuh na thyaa cih oh, pawccecize Bawipaw nae Pachia kae tuh ka thyaa.


Nanning tuh kamaw elang na thyaa cih oh; pawccecize kamaw, Bawipaw tuh ka thyaa zah, nanning kha kamaw elang mingccang hae kyate phe kae phia vae oh.


Tukeiccu naemaw te naemaw kha thyaasakuh oh. Kae tuh Bawipaw nae Pachia ka thua keiccuze nanning tuh thyaa oh.


Bawipaw tuh a eiungpaw te phulaw a mangpaw Pachia nynh thua, Bawipaw nynh phulah hae zah myarya a thinria; Bawipaw nynh amaw a rawsetu hae kha phulah hae zah, a rhaw hae tungvaw myarya a thinria.


Na mit tuh myaryamaw thyaa zah ahoy leipaw kha na do khyh, ahoy leipaw cyisahnaw kha na do khyh; tuhte athua ze, pawccemou mih lungzi lei hae paw kha do kyalya te na do hae zah, ccungccaw hoylei hae paw nynh mimaw laeze a dinghua hae paw kha a laang lya hae khe pawccemou yccae leite na um?


“Hum ccungccaw nynh sanmah bawi lu ning ryalawpah kho khyh; pawccecize bawi lu kheit kha a hua cih zah lu kheit kha a sungsah cih; tuhkhyhze lu kheit kalan a pan cih zah lu kheit kha pawlangria lan khyh. Nanning nynh Pachia rya te phuasui rya parouhte na lah kho khyh oh.


Te Bawipaw nynh kae malang e ccungccaw hae balyn, ram lungkhu um hae paw Amor ccungccaw hae kha a dee hae; tukeiccuze kaening mah kae Pachia athua keiccuze kae beik cih,” a cipya hae.


Aning nynh, “Hynhte athua lanze nae kya umpaw ramccang pachia hae kha vua oh lah, nae thinlung te Bawipaw , Israel Pachia kya beeku tua oh,” a cipya hae.


Tetuh Naomi nynh, “Dotua, na vawpaw a upaw zu tuh a minphuin te a pachia hae kalan a ki vae; nang mah na vawpaw a upaw zu nulang zuikute la kibua ccavae,” a cipya.


Tukeiccuze Eli innbyn kya-e hoyleinaw tuh silawnaw te thuasah, pyapaw uccaw te thuasah seishawnaw raepya kho papin thua vae lan khyh, cite Eli innbyn tungvaw kya bya ka kinku vae,” a cipya.


Te Beth-shemesh khuaccaaw hae nynh, “E athyaapaw Pachia, Bawipaw malang hummou a thadyn kho cih? Aening kya a um khyh nawlan hum kalan mou a cceih cih?” a ci hae.


Lean sinn:

Sanasan


Sanasan