JOSHUA 24:14 - Zotung Bible 2016

¹⁴ “Tukeiccuze atu tuh Bawipaw kha rih oh lah, amaw rya kha lungthyaanaw te lungzinaw khate lawtua oh; Vaw khuraw lang te Izip ram kya nae minpaaw hae nynh a la beik hae paw pachia hae kha vua oh lah, Bawipaw kha beik oh.

JOSHUA 24:14 Iomraidhean Croise

GENESIS 17:1

Abram sung takua kum takua he cih tuh Bawipaw nynh amaw kya langkuh zah, “Kae tuh Athunghuapaw Pachia nynh ka thua; ka malang khe cceih lah ccaenaw um lei lante um.

GENESIS 35:2

Tukeiccuze Jakob nynh a innbyn te amaw kya a um hae paw balyn kha, “Nae kya umpaw ramccang pachia hae kha vua oh, te naemaw te naemaw kha thyaasakuh oh lah nae uccaw kha liakuh oh;

2 SIAPHARAN 20:3

“Pou Bawipaw , ka thinlung balyn te lungzite na malang ka hiin zah, na muihnaw kya ahoypaw uccaw ka cyipaw kha atu beih liathuitua, namaw kha kae ngiaku,” ci zah, thawte a rah.

EZRA 9:11

‘Ccou khylan na teenua cih oh paw ram tuh tuin ram kya a umpaw ccungccaw hae thunaw te mih nungsikunaw te athyaa leipaw ram nynh thua. Ram voikheit langte voikheit lang adianaw cia mih thyaa leinaw te phe a biasah hae.

JOB 1:1

A min Job cikuhpaw ccungccapaw lu kheit tuh Uz ram kya a la um. Tuh-e paw tuh ccaenaw um leipaw te adingpaw thua zah, Pachia rawrihpaw te hoyleinaw a sibiapaw nynh thua.

JOB 28:28

Pachia nynh ccungccaw kha, ‘Thanccingte, Bawipaw rawri tuh hawnaw nynh thua; hoyleinaw sibia tuh nythyanaw nynh thua,’ a cipya,” a ci.

The Psalms 111:10

Bawipaw rawrinaw tuh hawnaw athotakawnaw nynh thua; tuhcite kawbya a zuipaw balyn tuh ahoypaw nythyanaw a hoi hae. Amaw kha thehoysahnaw tuh zungzae atyn.

The Psalms 119:1

Mih hiinnaw kya ccaenaw um leipaw te Bawipaw kawbya a zui hae paw tuh lungtua hae paw nynh thua.

The Psalms 119:80

Maethya ka bongku khyh nawlan, ka thinlung tuh na phungbya kya ccaenaw um leipaw thua vae sah.

The Psalms 130:4

Thuasalama sawtua rawripaw na thua nawlan seingaethyanaw na hoi.

The Psalms 81:10

Kae tuh Izip ram kyate ae poukhae oh paw Bawipaw nae Pachia nynh ka thua. Nae khalang kha haehae aw oh lah, kae baw cih oh.

EZEKIEL 20:18

Ramkaw kya mih ccaaw hae kha ka hopah hae zah, Nae nung nae paaw hae kya-e phungbya kha zui nan oh, mih phungzae kha mah zui nan oh, mih zohtuh hae khate naemaw toulou kha thusakuh nan oh.

EZEKIEL 23:3

minmin tuh he a liaccaw hae te, Izip ram kya ohhuanung lang a tang hae; mih matei kha miapah hae zah mih liaccady by kha a pom hae.

HOSEA 3:5

Tukoute Israel hae tuh a ki cih hae zah Bawipaw mih Pachia te mih siapharanpaw David kha a ccung cih hae; nyalang ccyh kya tuh Bawipaw hoynaw kha mue khylan amaw kalan sawtuate a cceih cih hae.

LEVITIKAS 17:7

Tuhcite minmin nynh mimaw te mimaw a la ohhuakunaw hae miaa-khozi hae kalan khe si a lawnaw hae paw kha pya vae lan khyh hae. E hynh minmin mih she takyh kya zungzae hanlan phungbya athua cih.

MIKAH 6:8

Pou ccungccapaw, aning nynh ahoypaw kha phe ae hopya vae; dingrarih lante cyi lanpaw, thawccinaw hoi lanpaw te zakawsangsakute Pachia malang hiin lanpaw kha Bawipaw nynh nang ae ngiapaw thua khyh tou?

LUKA 8:15

Thuasalama lae hoy kya a ccah hae paw tuh, Pachia bya kha he a thae hae te, athyaapaw te ahoypaw thinlung khate tynkaring lan ccykekuh hae zah lungsaenaw te athae thae hae paw kha nynh thua.

LOCCEIHTU 9:31

Judea ram, Galilee ram te Samaria ram balyn kya khriccaawbuu hae tuh daenaw hoi hae zah thawzung tynsah athua hae; Bawipaw rawrinaw kya te Thyaa Muisaw ngaengansahnaw kyakhe um hae zah a pungthung hae.

2 KORIN 1:12

Pawccecize kaening kae pookunaw tuh e hynh nynh thua: Pynsaw hawnaw te thua leite Pachia thawccinaw liate, Pachia nynh oun pyapaw lungthyaanaw te thyaararih lante laephi kya kae hiin cipaw tuh kaemaw nykunawpaw thinlung nynh ccaekia a khan—nae kyakhe tuhcite nynh houh kae hiin.

EFESA 6:24

Ah Bawipaw Jesu Khri kha tynkaring lan a sungsah hae paw balyn kya thawccinaw tuh la um sah. Amen.

DEUTERONOMY 10:12

Pou Israel, tukeiccuze Bawipaw na Pachia nynh atu pawmou ae peki? Bawipaw na Pachia rawri lanpaw, a laanpi balyn kya ccia lanpaw, amaw sungsah lanpaw, Bawipaw na Pachia kha na thinlung balyn te, na tuanaw balyn te ryalawpya lanpaw,

DEUTERONOMY 18:13

Nanning tuh Bawipaw nae Pachia malang lungzi hae paw ccaccing na thua cih oh.

DEUTERONOMY 6:13

Bawipaw na Pachia kha na rih cih, amaw kha na beik cih zah, amaw min kyalya te bya na kinkuh cih.

FILIPI 1:10

ahoy huaccepaw uccaw hae kha phiathyate na nythya nawlan oh, te Khri nin kyacia athyaapaw te ccaenaw um leipaw lang na tang nawlan oh,

JOSHUA 24:2

Te Joshua nynh ccungccaw hae balyn kha, “Israel Pachia nynh hynhte a ci: Langmawlya nae minpaaw hae tuh Zufrates vaw khuraw langkhe nynh a la um hae, Abraham te Nahor mih paaw Terah nynh ccangpaw pachia hae kha a la beik hae.

JOSHUA 24:23

Aning nynh, “Hynhte athua lanze nae kya umpaw ramccang pachia hae kha vua oh lah, nae thinlung te Bawipaw , Israel Pachia kya beeku tua oh,” a cipya hae.

1 SAMUEL 12:14

Bawipaw kha na rih oh zah amaw rya kha lawpyate, a bya kha mah ngaete, Bawipaw kawbya kha rawse leite, nanning te ae uk oh paw siapharan nynh Bawipaw nae Pachia kha na zui oh lanze ahoy cih.

1 SAMUEL 12:24

Bawipaw kha rih oh lah, nae thinlung balyn te lungzite a rya kha lah oh; pawccecize nae hanlan ryalaw lepaw a lawpaw kha tua oh.

1 SAMUEL 7:3

Tetuh Samuel nynh Israel hae balyn kyakhe, “Nae thinlung balyn te Bawipaw kalan na ki oh zetuh, ramccang pachia hae te Astartes khozinung hae kha nae kyate vua oh. Nae thinlung kha Bawipaw kalan hawisah oh lah, amaw kyalya kha beik oh, te Filistin hae kuih kyate ae luesah cih oh,” a cipya hae.