JOSHUA 24:13 - Zotung Bible 2016

¹³ Loo lang na pho boi leinaw oh ram te khua na la sah boi leinaw oh khua hae kha kae pya oh zah, tuin kya na um oh, na lin lei oh paw misu khokhu te oliv khokhu kya-e athae hae kha na ae oh.

JOSHUA 24:13 Iomraidhean Croise

EXODUS 6:8

Abraham, Isak te Jakob kha kae pya cih oh cite bya ka kinpyaku hae paw ram lungkhu lang kae cciakhae cih oh; khah-e ram kha naemaw ram lang kae pya cih oh. Kae tuh Bawipaw nynh ka thua,’ a ci cite na la hopah cih hae,” a cipya.

PHUNGTANGBYA 13:22

Ccungccaw hoypaw nynh tuh a mintaw hae kyacia rho a nungpya sya hae, thuasalama miseipaw hoirumnaw kha miding hae hanlan suelua athua.

DEUTERONOMY 19:1

Bawipaw nae Pachia nynh ae pya cih oh paw ram kya-e minphuin hae kha Bawipaw nae Pachia nynh maemih hae zah, nanning nynh na dee oh zah mih khua hae kya te mih inn hae kya he na um oh te,

DEUTERONOMY 8:7

Pawccecize Bawipaw nae Pachia nynh ahoypaw ram lungkhu lang vaw taraw hae, mua hae kya te accya hae kya a pouthungpaw lae kaw e tui te tuidy aluanaw ram,

JOSHUA 11:13

Thuasalama Joshua nynh maee te a soipaw Hazor khua laelan, mua vawlan umpaw khua hae kha tuh Israel hae nynh maee te soi khyh hae.

JOSHUA 21:45

Bawipaw nynh Israel hae kya ahoypaw bya a kinpyaku hae paw balyn tuh ccangkheit sanmah zo khyh; abalynte marya accing.