JOSHUA 23:8 - Zotung Bible 2016

⁸ atunin cia na cyi oh hawte Bawipaw nae Pachia kha tynkaring lan kyngkuh oh.

JOSHUA 23:8 Iomraidhean Croise

2 SIAPHARAN 18:6

Bawipaw kha tynkaring lan a kyngku; amaw nulang tyty zuikuh zah, Bawipaw nynh Moses kaw a la pyapaw kawbya hae kha a zui hae.

LOCCEIHTU 11:23

Tuin kya thua zah Pachia thawccinaw kha he a muih tuh a lungtua; zynnaw thinlung te Bawipaw tungvaw kya lungzinaw po a hoi nawlan hae minmin balyn kha thawzung a pya hae;

DEUTERONOMY 10:20

Bawipaw na Pachia kha na rih cih, amaw kyalya kha na beik cih; amaw kha tynkaring lan na kyngkuh cih zah amaw min te bya na kinkuh cih.

DEUTERONOMY 11:22

Bawipaw nae Pachia kha sungsahte, a laanpi balyn kha zuite, amaw kha tynkaring lan kyngkute, kaw kae pya oh paw hynh-e kawbya balyn hynh zuakute na zui oh zetuh,

DEUTERONOMY 13:4

Bawipaw nae Pachia kha na zui cih oh, amaw kyalya kha na rih cih oh, a kawbya hae kha na zui cih oh, a roi kha na ngae cih oh, amaw kha na beik cih oh zah amaw kha tynkaring lan na kyngkuh cih oh.

DEUTERONOMY 13:5

Thuasalama Izip ram kyate ae poukhae oh zah seetangnaw kyate ae shawkhaw oh paw Bawipaw nae Pachia tungvaw rawsete, Bawipaw nae Pachia nynh zui lan kaw ae pya oh paw laanpi kyate nanning kha maeleihsahku khylan lungzi leinaw bya a ho keiccu hae ze, tuh-e profeh hae te maanleihthya hae paw tuh chia athua cih hae. Tukeiccuze nanning laku kyate hoyleinaw kha na vua cih oh.

DEUTERONOMY 4:4

Bawipaw nae Pachia kha tynkaring lan na kyngkuh oh paw balyn tuh atunin na hiin oh.

DEUTERONOMY 8:20

Bawipaw nae Pachia roi kha na ngae khyh keiccu oh ze, Bawipaw nynh nae malang a ro hae paw minphuin hae hawte na roh cih oh.

JOSHUA 22:5

Bawipaw ryalahtu Moses nynh kaw ae pya oh paw kawbya te phungbya hae athuapaw: Bawipaw nae Pachia sungsah lanpaw, a laanpi zui lanpaw, a kawbya hae rae lanpaw, amaw kya tynkaring lan kyngku lanpaw, te nae thinlung balynte nae hiinnaw balynte amaw ryalawpya lanpaw kha hoyte raeringku tua oh,” a cipya hae.

JOSHUA 23:7

Nanning nynh nae laku kya a laehy ung hae paw minphuin hae ryte pyku leite, mih pachia hae min kha ho leite, tuh-e pachia hae min phyate byakinku leite, mih ryalawpya leite, mih malang bakhung leite,

JOSHUA 23:9

Pawccecize le hae zah athungpaw minphuin hae kha Bawipaw nynh nae malang te a dee hae keiccuze atunin cia hum nynh san nae malang thadyn ngan khyh.