JOSHUA 23:5 - Zotung Bible 2016

⁵ Bawipaw nae Pachia nynh nae malang kyate a dee cih hae zah, nae mit nynh a muih kho leinaw kyacia a dee cih hae; te Bawipaw nae Pachia nynh bya ae kinpyaku oh hawte mih ram kha na ccou cih oh.

JOSHUA 23:5 Iomraidhean Croise

EXODUS 23:20

Nang kha kae paccynpyapaw hmin lang cciakhae khylan te nang kha laanpi kya rin khylan na malang khe vaawpaw lu kheit kha kae sawpah cih.

EXODUS 33:2

Vaaw ccungccapaw lu kheit kha na malang ka saw cih zah Kanaan hae, Amor hae, Hit hae, Periz hae, Hiv hae, te Jebus hae kha ka dee cih hae.

EXODUS 34:11

Atunin kae pya lanpaw kawbya kha na zui cih. Amor hae, Kanaan hae, Hit hae, Periz hae, Hiv hae te Jebus hae kha na malang te ka dee cih hae.

DEUTERONOMY 11:23

Bawipaw nynh hynh-e minphuin hae balyn hynh nae malang te a dee cih hae zah, nanning laeze ale huapaw te athunghuapaw minphuin hae kha na dee cih oh.

JOSHUA 13:6

muaram kya um hae paw abalyn, Lebanon mua kyate Misrefoth-maim kyacia, Sidon hae abalyn. Kamaw ccaccei nynh Israel hae malang kyate ka dee cih hae; kaw kae pya vae hawte ram tuh Israel hae kha nee hae.

BYAPIATU 2:21

Joshua he a chih te, a laehy hae paw minphuin hae kya-e phuin kheit sanmah mih malang kyate ka dee lan khyh hae,” a ci.