JOSHUA 23:3 - Zotung Bible 2016

³ te Bawipaw nae Pachia nynh e minphuin hae kyaze nae hanlan a raepaw kha na muih vae oh; pawccecize nanning hanlan rhaw ae tukpah oh paw tuh Bawipaw nae Pachia nynh thua.

JOSHUA 23:3 Iomraidhean Croise

EXODUS 14:14

Bawipaw nynh nae hanlan rhaw ae tukpah cih oh; nanning nynh daebabi lan na um cih oh,” a cipya hae.

EXODUS 19:4

Izip hae tungvaw ka la cyipaw te nanning kha mosipi sake te kae hang oh zah kamaw kalan kae hoei oh paw kha phe na muih vae oh.

EZEKIEL 20:28

Minmin kha pya lan bya ka kinpyaku hae paw ram lungkhu langkhe he ka teekhae hae te, minmin nynh a muih hae paw ahangpaw mua miakaw khyhze thingku anaw abungpaw miakaw kyakhe silawnaw rae hae zah ka thin yn riasah hae; te tuin kyakhe mynkhuhpaw kha maee te upah hae zah, niapaw silawnaw kha a rae hae.

MALAKHI 1:5

Tuh-e tuh nae mit te na muih cih oh zah, “Bawipaw tuh Israel ram atolang cia alesae!” cite na ho cih oh.

DEUTERONOMY 1:30

Nae malang a cceihpaw Bawipaw nae Pachia tuh Izip ram kya na muihnaw oh ccaccei khe ae cyipya oh hawte, e hmin kya na thua mawlaezung oh, na ccianaw oh laanpi balyn kya, lukhakheit nynh imua kha a pua hawte Bawipaw nae Pachia nynh pawtemou ae pua oh cipaw na muihnaw oh, ramkaw kya nae hanlan rhaw ae tukpah cih oh paw nynh thua.

DEUTERONOMY 20:4

pawccecize nanning kha taenaw pya khylan te nanning hanlan nae rhaw hae kha tukpya khylan ae cciakhae oh paw tuh Bawipaw nae Pachia nynh thua,” cite a hopah cih hae.

DEUTERONOMY 4:9

Nae she balyn kya nae mit nynh a muihpaw uccaw hae kha na ning khyh nawlan oh te nae tuanaw kyate azo khyh nawlan, naemaw te naemaw raeringkute ccykekuh oh; tuh-e hae tuh nae ccaaw hae te nae mintaw hae kha nysah oh—

DEUTERONOMY 7:17

“Hynh-e minphuin hae tuh kaening laeze alunghua hae; pawtemou kae luade kho cih hae?” cite nae thinlung kya na tuaku oh ze,

DEUTERONOMY 7:24

Bawipaw nynh mih siapharan hae kha nae kuih kya ae pya cih oh zah, minmin kha vaawlui zakaw kyate a maemih cih hae; minmin kha na ro makhia oh, lu kheit nynh sanmah rawsete ae thadynnua kho lan khyh oh.

JOSHUA 10:14

Tuin nin hawte Bawipaw nynh ccungccaw bya a ngaepya nin tuh um boi khyh zah malang ccyh kya mah um vae khyh; pawccecize Bawipaw nynh Israel hae elang rhaw a tukpya hae.

JOSHUA 10:42

Bawipaw , Israel Pachia nynh Israel hae hanlan rhaw a tuk keiccuze, Joshua nynh hynh-e siapharan hae balyn te mih ram kha vae kheit te marya a law hae.

JOSHUA 23:10

Bawipaw nae Pachia nynh bya ae kinpyaku oh hawte, amaw tuh rhaw ae doupahtu oh paw athua keiccuze nanning kya-e lu kheit nynh rhaw thong kheit kha a dee kho.