JOSHUA 23:16 - Zotung Bible 2016

¹⁶ Bawipaw nae Pachia nynh ae pya oh paw byakinnaw kha na ei oh zah, ccangpaw pachia hae kha ccianuate a rya kha na lawpah oh zah, a malang na bakhung oh zetuh, Bawipaw thinrianaw tuh nanning kya maee hawte arua cih zah ae pya oh paw ram hoypaw kyate arangte na roh cih oh,” a cipya hae.

JOSHUA 23:16 Iomraidhean Croise

1 SIAPHARAN 14:15

“Phaeku kha tui lungkhu kya hy athua hawte, Bawipaw nynh Israel kha a hy cih; mih minpaaw hae a pya hae paw hynh-e ram hoypaw kyate Israel kha poh a khaee cih, Zufrates vaw khuraw lang cia phiariphiarae a nung cih hae, pawccecize minmin nynh Asherah zohtuh hae kha raekute Bawipaw thin a riasah hae.

1 SIAPHARAN 9:6

“Namaw thuasah, na ccaaw hae thuasah kae kha zui leite na cceihsei oh zah, nae malang ka nungpaw ka kawbya hae te ka phungbya hae kha zui leite, ccangpaw pachia hae kalan cciate ryalawpyate na beik oh zetuh,

1 SIAPHARAN 9:7

ka pya hae paw ram kyate Israel hae kha ka vua cih hae; ka min hanlan ka thyaasahpaw inn hynh ka muihnaw kyate ka vua cih; Israel tuh ccungccaw hae balyn kya phungtangbya te saryapaw lang a tang cih.

2 SIAPHARAN 17:7

Izip ram te Izip siapharan Faro kuih kyate a poukhae hae paw Bawipaw mih Pachia tungvaw kya Israel ccungccaw hae nynh a sei hae. Ccangpaw pachia hae kha beik hae zah,

2 SIAPHARAN 24:20

Jerusalem te Judah nynh Bawipaw kha myaryamaw a thinriasah hae zah, aning nynh minmin kha a muihnaw kyate ccaring a dee hae. Zedekiah nynh Babilon siapharan kha a dou.

ISAIAH 24:5

Laephi tuh ccungccaw hae keiccuze anungsikuh; pawccecize minmin nynh kawbya kha a ei hae, phungbya kha zui khyh hae, zungzae tynpaw a byakinnaw kha a ro hae.

JEREMIAH 32:23

minmin nynh e ram hynh teenua hae zah a lawku hae. Thuasalama na bya ngae khyh hae, na kawbya kha zui khyh hae, cyi lan kaw na pya hae paw balyn kha ccangkheit san cyih khyh hae. Tukeiccuze e shethya thuanaw balyn hynh mih tungvaw na ccawsah vae.

JEREMIAH 32:24

Khuapi kha law khylan laephi thae hae zah, po voilu lan adoh lante a pumnua vae hae, khuapi tuh thaloi rhaw, ccakanccinaw te shethya kha tung zah, khuapi kha rhaw a tuk cciamang hae paw Khaldi hae kuih kya pya athua vae. Na hopaw bya acyikupaw hynh phe na muih vae.

NAMBAR 33:56

Te minmin tungvaw cyi lan ka tuaku hawte nae tungvaw ka cyih cih,” a ci.

DEUTERONOMY 17:3

kae khee oh paw ccangpaw pachia hae, khuanin thuasah, sawpaw thuasah, vaawlang umpaw ccangkhakheit kha thuasah ryalawpyate a beikpaw kha,

DEUTERONOMY 28:15

Thuasalama atunin kaw kae pya oh paw Bawipaw nae Pachia kawbya hae te phungbya hae kha zuakute zui leite amaw bya kha na ngae khyh oh zetuh, hynh-e thyalawnaw balyn hynh nae tungvaw ae thuanua cih oh:

DEUTERONOMY 6:15

pawccecize ae umkhaepaw Bawipaw Pachia tuh a eiungpaw Pachia nynh thua. Bawipaw Pachia thinrianaw nynh maee lang ae ruanua cih zah, laephipi kyate ae rohsei cih.

BYAPIATU 2:14

Tukeiccuze Israel tungvaw kya Bawipaw thinrianaw tuh maee lang rua zah, luadetu hae kuih kalan a pya hae, mih pepan umpaw mih rhaw hae kuih kalan a zua hae, tetuh mih rhaw hae kha thadynnua kho vae khyh hae.

BYAPIATU 2:20

Tukeiccuze Israel tungvaw Pachia thinrianaw tuh maee lang rua zah, “E ccungccaw hae nynh mih minpaaw hae kya kaw ka pya hae paw ka byakinnaw kha roh hae zah ka bya a ngae khyh hae keiccuze,

1 SAMUEL 12:25

Thuasalama hoyleinaw kha na rae ung oh zetuh, naemaw te nae siapharan kha parouh mawte ae maemih cih oh,” a cipya hae.