JOSHUA 23:14 - Zotung Bible 2016

¹⁴ “Te atu tuh laephi vawlan ccungccaw hae phung hawte ka cceihbua vae cih, nae balynte Bawipaw nae Pachia nynh nanning konglang te byakinnaw a raepaw uccaw hoypaw balyn ccangkheit san accakaepaw thua khyh cipaw kha nae thinlung te na tuanaw oh te na ny oh; nae hanlan marya accing, ccangkheit sanmah ahobounaw um khyh.

JOSHUA 23:14 Iomraidhean Croise

GENESIS 47:29

Israel a chinaw ccyh he anae tuh a ccapaw Josef kha ko zah, “Na malang maehoynaw ka mue zetuh na kuih kha ka phae kaw nung lah lungzite, hmerarih lan bya yn kinpyaku tua; Izip ram kya yn uh nan.

1 SIAPHARAN 2:2

“Laephi ccungccaw balyn nynh a ccianaw hae laanpi langkhe vyavya ka cceih vae cih. Na thawsae sah lah, na rawthung sah,

1 SIAPHARAN 8:56

“Bya a kinkupaw balyn thyhte a ccungccaw Israel hae kha daenaw a pyatu Bawipaw tuh thehoysah oh; a ryalahtu Moses kyate a hopaw a byakin hoypaw balyn kha ccangkheit san roh khyh.

JOB 30:23

A hiinpaw ccungccaw balyn hanlan na nungpaw hmin kalan te chinaw kalan nae cciakhae cih cipaw ka ny.

EXODUS 3:8

te minmin kha Izip ram kyate luesah khylan, tuh-e ram kyate poukhae khylan, te ahoypaw te akopaw ram, mateitui te khoilutui a luanaw ram, Kanaan hae, Hit hae, Amor hae, Periz hae, Hiv hae te Jebus hae nynh a umnaw hae ram lang cciakhae khylan kae rungbung vae.

PHUNGHOTU 12:5

Ahangpaw raw kha a rih cih hae zah, laanpi kya myarya rinaw a um cih; almon ku tuh apaw cih, tungkhipaw tuh rutatu lan a vaw cih, a lungry hawte thua vae khyh; pawccecize ccungccaw balyn tuh zungzae mih inn langkhe a cceih hahe cih hae zah, rawkhuite a um hae paw tuh laanpi kya a cceih bungthung cih hae;

PHUNGHOTU 9:10

Na law lanpaw ryalaw miakaw kha na thawzung balyn te lawtua; pawccecize na cceih cihnaw Sheol kya tuh ryalaw, tuanaw, nynaw te hawnaw um vae khyh.

EZEKIEL 20:28

Minmin kha pya lan bya ka kinpyaku hae paw ram lungkhu langkhe he ka teekhae hae te, minmin nynh a muih hae paw ahangpaw mua miakaw khyhze thingku anaw abungpaw miakaw kyakhe silawnaw rae hae zah ka thin yn riasah hae; te tuin kyakhe mynkhuhpaw kha maee te upah hae zah, niapaw silawnaw kha a rae hae.

NAMBAR 23:19

Pachia tuh hynbya a ho hepaw ccungccaw thua khyh, a thinlung a paleihkuh hepaw, achihthyapaw ccungccaw thua khyh. Bya a kinpyaku vae paw kha cyih lan khyh tou? A ho vae paw kha ccingsah lan khyh tou?

LUKA 21:33

Vaaw te lae tuh zo salamah ka bya tuh zo lan khyh.

HEBRU 9:27

Ccungccaw hae hanlan vaekheit chi lanpaw tuh laerui-awdepaw thua zah tuh-e koute byapianaw a um hawte,

1 SAMUEL 3:19

Samuel tuh yn lethung, Bawipaw tuh a kya um zah, a bya kha kaw kheit sanmah laekhu lang ccawsahpah khyh.