JOSHUA 23:13 - Zotung Bible 2016

¹³ Bawipaw nae Pachia nynh hynh-e minphuin hae hynh nae muihnaw kyate dee vae lan khyh hae cipaw kha ccaerarih lan nyh oh; thuasalama Bawipaw nae Pachia nynh ae pya oh paw hynh-e ram hoy kyate na ro mawlaezung oh, nae hanlan kaang te saehung, nae ke hanlan ccungbua te nae mit lungkhu kya hinpaw lang a tang cih hae.

JOSHUA 23:13 Iomraidhean Croise

1 SIAPHARAN 11:4

Solomon he a taw tuh, a zu hae nynh a thinlung kha ccangpaw pachia hae kalan a maesaku hae; a paaw David thinlung hawte thua leite, Bawipaw a Pachia tungvaw kya a lungtyn khyh.

2 SIAPHARAN 17:18

Tukeiccuze Bawipaw tuh Israel tungvaw myarya a thinria zah a muihnaw kyate a dee hae; Judah phin laelan phin kheit san um vae khyh hae.

2 SIAPHARAN 17:20

Bawipaw nynh Israel ciihan balyn kha a vua hae; minmin kha a muihnaw kyate a zosah makhia hae, detah hae zah luadetu hae kuih kalan a pya hae.

2 SIAPHARAN 25:21

Te Babilon siapharan nynh Hamath ram Riblah khua khe minmin kha bua hae zah a chia hae. Tuhcite Judah hae tuh kyng hae zah mih ram kyate ramccang lang a cciakhae hae.

2 SIAPHARAN 25:26

Tetuh ccungccaw balyn tuh adih ale, rhawkaw hae kya-e rhawbawi hae tuh Babilon hae raw a ri hae keiccuze thokuh hae zah Izip ram lang a cceih hae.

The Psalms 69:22

Mih ccaboi tuh minmin hanlan kaang thua sah lah, minmin te a hobung hae paw hanlan taphung thua sah.

EXODUS 10:7

Faro a ryalahtu bawi hae nynh Faro kha, “E ccungccapaw nynh hohsemou vawsawnaw oun pya ung cih? Minmin nynh mih Bawipaw Pachia kha a beik ccaw hae, cceih ccavae hae sah; Izip ram phe roh vae cipaw na nyh loh khyh tou?” a cipya hae.

EXODUS 23:33

minmin nynh na ram kya um lan khyh hae, tuhkhyhze tuh nang kha ka tungvaw seinaw ae raesahsei cih hae; pawccecize mih pachia hae kha na beik zetuh, tuh-e tuh namaw hanlan kaang a thua ccaccing cih.

EXODUS 34:12

Na cceih cihnaw ram kya umpaw ccungccaw hae ryte byakinnaw kha na rae khyh nawlan raeringkuh, tuhkhyhze tuh tuh-e byakinnaw tuh nanning laku kya kaang lang a tang cih.

EXODUS 34:16

Mih ccanung hae kha na ccapaw hae zu lang na dypasei cih hae zah mih pachia hae kalan ohhuakunaw a rae hae paw mih ccanung hae nynh na ccapaw hae kha mah mih pachia hae kalan ohhuakunaw a raesahsei cih hae.

EZEKIEL 28:24

Israel hae nynh minmin a dothatheih hae paw mih innpaw hae balyn kyakhe athuingthyapaw hinpawbu te hinpaw ahepaw kha muih vae lan khyh hae. Te minmin nynh kae tuh Bawipaw PACHIA ka thuapaw kha a nyh cih hae.

NAMBAR 33:55

Thuasalama ram kya um hae paw kha nae malang kyate na dee khyh oh zetuh, na dee lei oh paw ccungccaw hae tuh nae mit kya phynbang hawte thuasah, nae napang kya hinpaw hawte thuasah athua cih hae; nae umnaw ram kya vawsawnaw ae pya cih oh.

LUKA 21:24

Minmin tuh ahepaw thaloi te chia athua cih hae zah minphuin balyn kalan see lang cciakhae athua cih hae; Jerusalem tuh Zenta hae ccyh athang mawlaezung Zenta hae nynh a syde cih hae.

DEUTERONOMY 29:28

Thinrianaw, thinkhykunaw te myarya lepaw bungpawnaw khate Bawipaw nynh minmin kha mih ram kyate dee hae zah, atu acyiku hawte ccangpaw ram lungkhu lang a vua hae,” cite a ho cih hae.

DEUTERONOMY 30:18

na roh cih oh cite atunin kae hopya oh; teenuate ccou khylan Jordan vaw na zuanua cih oh paw ram kya nae hiinshe sae lan khyh.

DEUTERONOMY 4:26

ccou khylan Jordan vaw na zuanua cih oh paw ram kyate aro mawze khaleih na mih cih oh cite atunin nanning rawsete vaaw te lae kha ccaekia lang ka ko hae; tuh-e ram kya nae she sae lan khyh, marya na chih cih oh.

DEUTERONOMY 7:16

Bawipaw nae Pachia nynh ae pya cih oh paw ccungccaw balyn kha thawccinaw langsapyaku leite na roh cih oh; mih pachia hae kha na roh cih oh; mih pachia hae kha na beik lan khyh oh, pawccecize nae hanlan tuh-e tuh kaang athua cih.

2 TIMOTE 2:26

te minmin nynh tuathya-nythyanaw oun hoi cih hae zah Satan nynh a rynaw raesah khylan a kyngnaw hae paw kaang kyate a lue cih hae.

BYAPIATU 2:21

Joshua he a chih te, a laehy hae paw minphuin hae kya-e phuin kheit sanmah mih malang kyate ka dee lan khyh hae,” a ci.