JOSHUA 23:11 - Zotung Bible 2016

¹¹ Tukeiccuze Bawipaw nae Pachia sungsah lanpaw kha hoyte raeringku tua oh.

JOSHUA 23:11 Iomraidhean Croise

EXODUS 20:6

thuasalama kae kha oun sungsah hae zah ka kawbya kha a zui hae paw tungvaw kya tuh atynpaw sungsahnaw kha she thong kheit kyacia a langsakuhpaw Pachia nynh ka thua.

PHUNGTANGBYA 4:23

Na thinlung kha hoyte raeringtua, pawccecize tuin kyate nynh hiinnaw tuidy yn phyh.

LUKA 21:34

“La raeringkuh oh, tuhkhyhze tuh hoysahnaw, zu-aenaw te hynh-e hiinnaw elang thinphangnaw khate nae thinlung tuh a vawsaw cih, te tualeipite tuh-e nin nynh ae thuanua cih oh.

Romans 8:28

Pachia kha sungsah hae zah amaw a eenaw thyhte ko athua hae paw hanlan tuh Pachia nynh pawpaw balyn kha ahoy lante cci nynh pynkheihlan rya a law cipaw ah ny oh.

1 KORIN 16:22

Humhung zemah Bawipaw a sungsah leipaw tuh thyalaw thua sah. Kae Bawipaw, yn thua ccavae!

1 KORIN 8:3

Thuasalama Pachia a sungsahpaw ccungccaw kha Pachia nynh a ny.

EFESA 5:15

Tukeiccuze angaeepaw hawte thua leite, ahawpaw hawte raeringkute hiin oh.

DEUTERONOMY 30:16

Bawipaw nae Pachia kha sungsahte, amaw laanpi kha na zui oh zah, a kawbya hae, a phunglang hae te a phungzae hae kha zuite atunin kaw kae pya oh paw Bawipaw nae Pachia kawbya hae hynh na zui oh zetuh, na hiin cih oh zah na pungzae cih oh, te ccou khylan na tee cih oh paw ram kya Bawipaw nae Pachia nynh hythua ae pya cih oh.

DEUTERONOMY 30:20

Naemaw te nae ccaaw hae nynh Bawipaw nae Pachia kha sungsahte, a bya na ngae oh zah amaw kha tynkaring lan kyngkute na hiin ccaw oh, hiinnaw kha pokuh oh; pawccecize tuh-e tuh nanning hanlan hiinnaw te hiinshe saenaw nynh thua, tuhteze nynh Bawipaw nynh nae minpaaw hae Abraham, Isak te Jakob kya pya lan bya a kinpyaku hae paw ram kya na hiin cih oh.

DEUTERONOMY 4:15

Bawipaw nynh nanning kha Horeb kya maee lungkhu te ae hopya lya oh ze, a muinsan kha na muih khyh keiccu oh ze, naemaw te naemaw hoyte raeringkute ccykekuh oh,

DEUTERONOMY 4:9

Nae she balyn kya nae mit nynh a muihpaw uccaw hae kha na ning khyh nawlan oh te nae tuanaw kyate azo khyh nawlan, naemaw te naemaw raeringkute ccykekuh oh; tuh-e hae tuh nae ccaaw hae te nae mintaw hae kha nysah oh—

HEBRU 12:15

Pachia thawccinaw kha hum nynh san mue leite a um khyh nawlan, akhahpaw tharui kyate yn popaw nynh nanning kha vawsaw ae pya khyh nawlan oh raeringkuh oh; tuh-e nynh ccungccaw patae kha a nungsisaku hae.

JOSHUA 22:5

Bawipaw ryalahtu Moses nynh kaw ae pya oh paw kawbya te phungbya hae athuapaw: Bawipaw nae Pachia sungsah lanpaw, a laanpi zui lanpaw, a kawbya hae rae lanpaw, amaw kya tynkaring lan kyngku lanpaw, te nae thinlung balynte nae hiinnaw balynte amaw ryalawpya lanpaw kha hoyte raeringku tua oh,” a cipya hae.

JOSHUA 23:10

Bawipaw nae Pachia nynh bya ae kinpyaku oh hawte, amaw tuh rhaw ae doupahtu oh paw athua keiccuze nanning kya-e lu kheit nynh rhaw thong kheit kha a dee kho.

JOSHUA 23:12

Na maetawkuh oh zah nanning laku kya-e a laehy ung hae paw ryte pykute nopi hae kha zu lang na dykuh oh zah minmin nynh mah ae dyru oh zetuh,