JOSHUA 23:10 - Zotung Bible 2016

¹⁰ Bawipaw nae Pachia nynh bya ae kinpyaku oh hawte, amaw tuh rhaw ae doupahtu oh paw athua keiccuze nanning kya-e lu kheit nynh rhaw thong kheit kha a dee kho.

JOSHUA 23:10 Iomraidhean Croise

2 SAMUEL 23:8

E hae tuh David nynh a hoipaw athungpaw rhawkaw hae nynh thua hae: Takhemon ccungccapaw Josheb-Basshebeth tuh lu thum hae kyaze lupi nynh thua; aning nynh a ccoi ccyngkute ccungccaw za tarya kha ccyh kheit kya a chia hae.

1 SHERIANAW 5:20

minmin nynh bawmnaw he a mue hae te, Hagrit hae te minmin kya um hae paw balyn kha mih kuih kalan pya athua hae, pawccecize rhawtuknaw kyakhe Pachia kha ko hae zah amaw kha a doliaku hae keiccuze a ngia hae paw kha a pya hae.

1 SHERIANAW 5:22

Rhawtuknaw tuh Pachia kya-e athua keiccuze rhaw hae kha patae a chia hae. Te see lang cciakhae athua mawlaezung hae, tuin ram kya a um hae.

The Psalms 35:1

Pou Bawipaw , kae yn rawse hae paw kha rawse hae; kae kha rawsete rhaw yn tuk hae paw kha tuktua hae!

The Psalms 46:7

Vaaw Bawipaw tuh aening kya a um; Jakob Pachia tuh aening khynnaw nynh thua.

EXODUS 14:14

Bawipaw nynh nae hanlan rhaw ae tukpah cih oh; nanning nynh daebabi lan na um cih oh,” a cipya hae.

ISAIAH 30:17

Nanning tuh mua dung kya bingkuhpaw alan tung hawte thuasah, mua sangpyng vawlan umpaw syntawnawpaw hawte thuasah na thua mawlaezung oh, lu kheit nynh nanning kha ae sii oh ze milu thong kheit na ccue cih oh zah, lu pangaw nynh ae sii oh ze pong na ccue cih oh.

LEVITIKAS 26:7

Nae rhaw hae kha na deehui cih oh zah nae malang khe thaloi liate a khuliakuh cih hae.

LEVITIKAS 26:8

Nanning lu pangaw nynh za kheit kha na dee cih oh zah, nanning za kheit nynh thong haw kha na dee cih oh; nae rhaw hae tuh nae malang khe thaloi keiccuze a khuliakuh cih hae.

ZEKHARIAH 12:8

Tuin nin khe Bawipaw nynh Jerusalem khuaccaaw hae kha a thungkhaw cih hae, tuhteze nynh minmin laku e thawzung zya hae paw tuh tuin nin khe David hawte thuasah, David ciihan hae tuh Pachia hawte thuasah, mih malang umpaw Bawipaw vaawpaw hawte thuasah athua cih hae.

Romans 8:31

Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?

DEUTERONOMY 20:3

“Pou Israel, thaetua! Atunin nae rhaw hae kha tuk khylan na naekuh vae cih oh. Minmin keiccuze nae lungroh nan sah, rih nan oh, siikuh nan oh lah thyngkuh nan oh;

DEUTERONOMY 20:4

pawccecize nanning kha taenaw pya khylan te nanning hanlan nae rhaw hae kha tukpya khylan ae cciakhae oh paw tuh Bawipaw nae Pachia nynh thua,” cite a hopah cih hae.

DEUTERONOMY 28:7

Nanning rawsete ae thonuakuh oh paw nae rhaw hae kha Bawipaw nynh nae malang khe rhaw a shungsah cih hae; nanning rawsete laanpi ccangkheit kyakhate oun thua cih hae zah, nae malang laanpi ccangsari kyakhate a ccue cih hae.

DEUTERONOMY 3:22

Minmin kha rih nan hae, pawccecize Bawipaw nae Pachia tuh na hanlan rhaw ae tukpah paw nynh thua,” ka cipya.

DEUTERONOMY 32:20

Aning nynh, “Minmin kyate ka mitmae ka retawkuh cih hae, Minmin athangnaw hae tuh pawmou athua cih cipaw ka do cih; pawccecize minmin tuh a ccouseikuh hae paw ciihan nynh thua hae, zyn lan um leipaw ccaaw hae nynh thua hae.

DEUTERONOMY 32:30

Mih Lungpi nynh minmin kha zua hae zah, Bawipaw nynh rhaw a shungsah khyh hae ze, lu kheit nynh ccungccaw thong kheit kha pawtemou a dee kho cih hae zah, lu ning nynh thong haw kha pawtemou a ccuesah kho cih hae?

JOSHUA 10:42

Bawipaw , Israel Pachia nynh Israel hae hanlan rhaw a tuk keiccuze, Joshua nynh hynh-e siapharan hae balyn te mih ram kha vae kheit te marya a law hae.

JOSHUA 23:11

Tukeiccuze Bawipaw nae Pachia sungsah lanpaw kha hoyte raeringku tua oh.

JOSHUA 23:3

te Bawipaw nae Pachia nynh e minphuin hae kyaze nae hanlan a raepaw kha na muih vae oh; pawccecize nanning hanlan rhaw ae tukpah oh paw tuh Bawipaw nae Pachia nynh thua.

BYAPIATU 15:15

Te aning nynh lann a khawru thawpapingpaw kha muih zah, dyngnuakute a law, tuh-e tuhte ccungccaw thong kheit kha a chia.

BYAPIATU 3:31

Ehud koute Anath ccapaw Shamgar tuh yn langkuh, aning nynh Filistin hae za taruh kha ccong ahepaw te a chia hae. Aning nynh mah Israel hae kha a luesah hae.

1 SAMUEL 14:6

Jonathan nynh a rhawtuk-uccaw a ccyngtu ccangvaepaw kha, “Rang, khuh-e vingdungawkuh lei hae paw rhawkaw hae kalan cceih sih; Bawipaw nynh aening hanlan rya poh oun lawpah kho; pawccecize ccungccaw alung liate thuasah, azya liate thuasah Bawipaw khumnaw kha humhung nynh mah khee kho lan khyh,” a cipya.