JOSHUA 22:9 - Zotung Bible 2016

⁹ Tukeiccuze Reuben phin hae, Gad phin hae te Manasseh phin angankuh tuh Kanaan ram lungkhu umpaw Shiloh khua e Israel hae kyate phiakuh hae zah, mih inn lang a ki hae. Bawipaw nynh Moses kya kaw a pya liate a ccou hae paw ram, Gilead ram langkhe ccia lan cite a thokuh hae.

JOSHUA 22:9 Iomraidhean Croise

2 SAMUEL 2:9

Abner nynh Ishbaal kha Gilead, Ashur, Jezreel, Efraim, Benjamin te Israel ram balyn kha a uktupaw siapharan lang a khang.

1 SHERIANAW 5:9

Nithua lang Zufrates vaw hynhlang raw laesia ram athotakawnaw kyacia a um hae, pawccecize Gilead ram kya mih sahiin hae tuh myarya a pungthung.

The Psalms 60:7

Gilead ram tuh ka kya-e nynh thua, Manasseh mah ka kya-e nynh thua; Efraim tuh ka lukhung thua zah, Judah tuh ka ccoi nynh thua.

NAMBAR 32:1

Reuben phin hae te Gad phin hae tuh sahiin-awvaw pataepi a hoi hae. Jazer ram te Gilead ram tuh sahiin-awvaw hanlan myarya hoy cipaw minmin nynh he a muih hae tuh,

NAMBAR 32:20

Tukeiccuze Moses nynh minmin kha, “E hynh na cyi oh ze—Bawipaw malang rhawtuk lan zunghe ccyngkute na ccia oh ze thuasah,

NAMBAR 32:22

tuh-e ram tuh Bawipaw malang tae athua koute na ki cih oh zah Bawipaw kya te Israel hae kya laebah na um vae lan khyh oh, te hynh-e ram hynh Bawipaw malang na hoi oh paw ram lang a tang cih.

NAMBAR 32:26

Kae imua hae, kae zu hae, kae tuu hae te kae sahiin-awvaw hae balyn tuh Gilead ram e khua hae kyakhuin a la um cih hae;

NAMBAR 32:29

Te Moses nynh minmin kha, “Gad ciihan te Reuben ciihan hae kyaze Bawipaw malang rhawtuk khylan zunghe a ccyngkuhpaw miakaw tuh nanning ryte Jordan vaw kha na zua cih oh zah, nanning malang khe ram kha tae athua zetuh, Gilead ram kha minmin nynh a hoi hae paw ram lang na pya cih oh;

DEUTERONOMY 3:18

Tuh ccyh lyaze nanning kha akawlan thyhte kae hopya oh: “Bawipaw nae Pachia nynh e ram hynh nanning ccou khylan ae pya vae oh salamah nae rhawkaw hae balyn tuh nae puizia Israel rhawkaw hae hawte zunghe ccyngkute khuraw lang a zua cih hae.

DEUTERONOMY 3:20

Bawipaw nynh nae puizia hae kha nanning hawte haeungnaw pya hae zah, Bawipaw nae Pachia nynh minmin a pya cih hae paw Jordan vaw nithua lang he a ccou hae te, nanning lu kheit cci tuh kae pya vae oh paw ram lang na ki cih oh,” kae cipya oh.

DEUTERONOMY 34:1

Oute Moses tuh Moab bialae kyate Jeriko khua arawlang umpaw Nebo Mua, Pisgah mua dung langkhe a cceihthung, te Bawipaw nynh ram balyn kha a muihsah: Gilead ram kha Dan kyacia,

JOSHUA 13:11

Gilead ram, Geshur hae te Maakath hae ram, Hermon Mua abalyn, Bashan ram abalynte Salekah kyacia;

JOSHUA 13:25

Mih ram tuh Jazer khua te Gilead ram e khua hae abalynte, Ammon hae ram angankuh, Rabbah nithua lang umpaw Aroer khua kyacia,

JOSHUA 13:31

Gilead ram angankuh, Bashan ram kyaze Og a peenaw kya umpaw Ashtaroth khua te Edrei khua; e ram hae hynh Manasseh ccapaw Makhir ciihan hae—Makhir hae angankuh kha—mih puizia hae thyhte nee athua hae.

JOSHUA 22:10

Kanaan ram Jordan vaw pe he a thua hae tuh, Reuben phin hae, Gad phin hae te Manasseh phin angankuh nynh tuh-e Jordan vawkhu pe khe myarya lepaw silawhang ccangkheit a rae hae.

BYAPIATU 20:1

Tetuh Israel hae balyn tuh Dan khua kyate Beersheba khua kyacia, Gilead ram e hae ryte oun pou hae zah, ccungccaw zapi hae tuh ccungccaw lu kheitpaw hawte Mizpah khua kya Bawipaw malang khe a pumkuh hae.

BYAPIATU 5:17

Gilead tuh Jordan vaw khuraw lang a um. Pawccemou Dan tuh sanphalung hae kya a um? Asher tuh rili kin, a sanphalung hae thadynnaw pe kya daebabi lan a um.