JOSHUA 22:4 - Zotung Bible 2016

⁴ Atu tuh Bawipaw nae Pachia nynh nae uno hae kha bya a kinpyaku hae hawte haeungnaw a pya vae hae; tukeiccuze ki oh lah, Bawipaw ryalahtu Moses nynh Jordan vaw khuraw lang e ae pya oh paw nae hanpaw umnaw ram kya nae inn lang cciatua oh.

JOSHUA 22:4 Iomraidhean Croise

1 SHERIANAW 22:18

“Bawipaw nae Pachia tuh nae kya um khyh tou? Aning nynh teitei langte balyn daenaw ae pya khyh oh tou? Pawccecize ram lungkhu um hae paw kha ka kuih kalan yn pya vae; ram tuh Bawipaw te a ccungccaw hae kuihkaw nynh a um vae.

EXODUS 33:14

Te Bawipaw nynh, “Nang kha kae cciakhae cih zah lung ngaengannaw kae pya cih,” a cipya.

NAMBAR 32:18

Israel hae balyn nynh mih rho kha a ccou mawlaezung hae, kae inn lang kae ki lan khyh.

DEUTERONOMY 12:9

pawccecize Bawipaw nae Pachia nynh ae pya cih oh paw haeungnaw te rho lungkhu lang na tee loh khyh oh.

DEUTERONOMY 29:8

Minmin ram kha ah lah oh zah Reuben phin hae, Gad phin hae te Manasseh phin angankuh kalan khe rho lang ah pya oh.

DEUTERONOMY 3:20

Bawipaw nynh nae puizia hae kha nanning hawte haeungnaw pya hae zah, Bawipaw nae Pachia nynh minmin a pya cih hae paw Jordan vaw nithua lang he a ccou hae te, nanning lu kheit cci tuh kae pya vae oh paw ram lang na ki cih oh,” kae cipya oh.

HEBRU 4:8

Pawccecize Joshua nynh minmin kha haeungnaw a la pya hae ze, tuh-e koute nin ccangpaw kong kha Pachia nynh la ho vae lan khyh.

JOSHUA 1:15

Nae uno hae nynh mah Bawipaw nae Pachia nynh a pya hae paw ram kha ccou hae zah, naemaw hawte Bawipaw nynh haeungnaw a pya mawlaezung hae na bawm cih oh. Tukoute Bawipaw ryalahtu Moses nynh ae pya oh paw Jordan khuraw, nithua lang umpaw naemaw ram lang na kithui cih oh zah na ccou cih oh,” a cipya hae.

JOSHUA 12:6

Bawipaw ryalahtu Moses te Israel hae nynh minmin kha a tae hae; Bawipaw ryalahtu Moses nynh mih ram hae tuh Reuben phin hae, Gad phin hae te Manasseh phin angankuh hae kha ccou lan a pya hae.

JOSHUA 13:15

Te Moses nynh Reuben phin hae kha mih puizia hae thyhte rho a pya hae.

JOSHUA 13:8

Reuben phin, Gad phin te ccangpaw Manasseh phin angankuh hae nynh Moses nynh a pya hae paw mih rho, Jordan khuraw nithua lang kha a ccou hae, Bawipaw ryalahtu Moses nynh a pya hae thyhte:

JOSHUA 22:3

atunin cia hynhsepi aro vae paw nae uno hae kha na vua khyh oh zah, Bawipaw nae Pachia nynh ae naw oh paw kha tynkaring lan na law oh.