JOSHUA 22:29 - Zotung Bible 2016

²⁹ Amaw beikbu malang a thadynpaw Bawipaw ah Pachia kya-e silawhang laelan, maee-ute silawnaw te ccathae silawnaw athua khyhze silawnaw rae nawlan ccangpaw silawhang raete Bawipaw laanpi kyate atunin cciaseite Bawipaw doupaw tuh kaening kyate sawkuh sah!” a ci hae.

JOSHUA 22:29 Iomraidhean Croise

GENESIS 44:17

Josef nynh, “Tuhte ka cyih lan khyh, a uccaw kya banang muih athuapaw ccungccaw rou nynh ka see lang a tang cih; thuasalama nanning tuh nae paaw kalan daetedae lan la cceih oh,” a cipya.

GENESIS 44:7

Minmin nynh, “E bya hynh bawipaw nynh pawcce a ho? Tuhte cyi lanpaw tuh na see hae nynh tua mah kae tua boi khyh!

1 SIAPHARAN 21:3

Thuasalama Naboth nynh Ahab kha, “Ka minpaaw hae rho kha nang kae pya lanpaw tuh Bawipaw nynh yn khee vae sah,” a cipya.

2 SIAPHARAN 18:22

Thuasalama nanning nynh, ‘Bawipaw kae Pachia kha kae doliaku,’ na ci oh ze, aning tuh Hezekiah nynh Judah hae te Jerusalem khuaccaaw hae kha, ‘Jerusalem umpaw hynh-e silawhang malang hin na beik cih oh,’ cite hopah hae zah, a hmin hangpaw hae te a silawhang hae a ropyapaw pachia kha thua khyh tou?

2 SHERIANAW 32:12

Ahangpaw a hmin hae te a silawhang hae kha vua hae zah, Judah te Jerusalem kha, ‘Silawhang ccangkheit malang khe na beik cih oh zah, tuh-e vawlan khe nae kya-e mynkhuhpaw kha na u cih oh,’ cite kaw ae pya oh zah ae hopah oh paw tuh khah-e Hezekiah maw kha thua khyh tou?

Romans 3:6

Tuhte thua khyh! Tuhte athua lanze Pachia nynh laephi hynh pawtemou bya a pia kho cih?

Romans 6:2

Tuhte thua khyh! Seinaw kya ah chih vae oh paw aening tuh pawtemou seinaw lungkhu ah hiin ung cih oh?

Romans 9:14

Tuhteze pawcihte ah ho cih oh? Pachia tuh ding khyh tou? Tuhte thua khyh.

DEUTERONOMY 12:11

Bawipaw nae Pachia nynh a min um nawlan a popaw hmin kalan khe kaw kae pya oh paw atyn-are kha na cciakhae cih oh: nae kya-e maee-ute silawnawpaw hae te nae silawnawpaw hae, nae kya-e pumhaw pumkheit hae te nae kya-e ahlu hae, Bawipaw kalan bya na kinku thyh oh te na pya oh paw lasung balyn kha na thuakhae cih oh.

JOSHUA 22:23

Bawipaw nulang zuiku leite ccanglang maeku khylan silawhang kha kae la rae lanze, atunin kae hiinnaw hynh oun haang nan oh; te tuh-e silawhang vawlan khe maee-ute silawnaw, ccathae silawnaw te ccawkunaw silawnaw kha kae rae lan athua ze, Bawipaw amaw ccaccei nynh oun liaru vae sah.

JOSHUA 22:26

Tukeiccuze kaening nynh, ‘Maee-ute silawkunaw elang thua leite,

JOSHUA 22:28

Te e hynh kaening kya thuasah, kae ciihan hae kya thuasah, hosei athua lanze, ‘Bawipaw silawhang hynh dotua oh, kae minpaaw hae nynh silaw nawlan thua leite nanning te kaening lakuze ccaekia lang la rae hae paw hynhsa athua,’ cite kae ho cih cite kae tua.

JOSHUA 22:30

Ranpibawi Finehas te amaw kya um hae paw ccungccaw zapi kya-e piccan hae te Israel phin hae kya-e cciakhaetu hae nynh Reuben phin hae, Gad phin hae te Manasseh phin hae nynh a ho hae paw kha a thae hae tuh, mih lung myarya ccing.

JOSHUA 24:16

Ccungccaw balyn nynh, “Bawipaw kha pachia ccangpaw beik taw lan zah, vua lan kae ci boi lan khyh!

1 SAMUEL 12:23

Tuhpiaze nae hanlan sawsang leite ka uk keiccuze Bawipaw tungvaw ka sei lanpaw tuh ka kyate sawkuh sah. Akyhpaw te adingpaw laanpi kha kae ccangpah cih oh.