JOSHUA 22:22 - Zotung Bible 2016

²² “Bawipaw , pachia hae Pachia! Bawipaw , pachia hae Pachia! Aning nynh phe a ny; Israel maw nynh mah nyh sah! Bawipaw tungvaw dounaw te lungzi leinaw um zah,

JOSHUA 22:22 Iomraidhean Croise

1 SIAPHARAN 8:39

na umnaw vaawram te la thaepah hae, mih seinaw ngaethya hae lah bawmtua hae, mih thinlung na ny hae paw balyn kha a zui hae paw mih laanpi thyhte pyaru hae, pawccecize ccungccaw miakaw thinlung kya pawmou a um cipaw kha nang rou nynh na nyh;

JOB 23:10

Thuasalama ka zuipaw laanpi kha aning nynh a ny; aning nynh he yn syntawtua ze, sui hawte ka langkuh cih.

JOB 31:22

ka kuihbaw tuh ka raw kyate ccah sah lah, ka kuih tuh atungkunaw kyate thoh khya sah.

The Psalms 136:2

A sungsahnaw tuh zungzae atyn keiccuze pachia hae Pachia kalan lungtuabya ho oh.

The Psalms 37:6

Na dingnaw kha awnaw hawte a awsah cih zah, ahmete na cyipaw kha ninthu hawte a awsah cih.

The Psalms 40:9

Zapi pumkunaw kyakhe nae luesahnaw thehoypaw kha ka ho vae; Pou Bawipaw , tuh-e hopaw tuh ka umtaw lan khyh cipaw na ny.

The Psalms 44:21

tuh-e tuh Pachia nynh langsakuh lan khyh tou? Pawccecize Pachia nynh thinlung kya thuruhpaw kha a ny.

The Psalms 44:22

Nang keiccuze kaening tuh anin ninlang oun theih hae zah, chia lanpaw tuu lang nynh oun ria hae.

The Psalms 50:1

Alesaepaw Bawipaw Pachia nynh bya a ho, khuanin a thuanaw langte a ccawnaw lang cia laephi kha a ko.

The Psalms 82:1

Pachia tuh pachia hae a pumkunaw hae kyakhe um zah, pachia hae mih ngaelung khe byapianaw kha a rae.

The Psalms 95:3

Pawccecize Bawipaw tuh alesaepaw Pachia thua zah, pachia hae balyn laeze alesaepaw Siapharan nynh thua.

The Psalms 97:7

Raepaw zohtuh a beikpaw balyn kha maethya a law hae, ccungkia leipaw zohtuh liate a pookuh hae paw pachia hae balyn tuh amaw malang khe a bakhung hae.

EXODUS 18:11

Bawipaw tuh pachia hae balyn laeze alehua cipaw atu ka ny vae, pawccecize Izip hae nynh Israel hae tungvaw dothatheihte he cyih hae tuh, Bawipaw nynh ccungccaw hae kha Izip hae kyate a luesah hae,” a ci.

JEREMIAH 12:3

Thuasalama, pou Bawipaw , kae tuh phe nae ny; ka thinlung tuh na kya a umpaw kha na muih zah nae syntawtua. Chia lanpaw tuu hae hawte minmin kha ccaring sue hae lah, chia nin hanlan taetynte nung hae.

JEREMIAH 17:10

Kae, Bawipaw tuh ccungccaw miakaw kha mih cyisahnaw thyhte, a cyi hae paw thyhte aphu-aphae pya khylan mih tuanaw kha ka syntawtua zah, mih thinlung kha akaw-aleih ka do.

DANIEL 11:36

“Thahlang e siapharan nynh a lungry hawte a cyih cih. Amaw te amaw kha a hangsakuh cih zah pachia miakaw laeze alesaehua lante a tuakuh cih, pachia hae Pachia kha rawsete ri lan umpaw bya kha a ho cih. Thinrianaw ccyh tuh phe accing mawlaezung a laan a sui a ua cih, thuasalama byapaenaw thyhte cyi athua mamin cih.

DANIEL 2:47

Siapharan nynh Daniel kha, “Thanccingte, na Pachia tuh pachia hae Pachia, siapharan hae Bawipaw, byakhupaw suilan kha a phy khopaw nynh thua, pawccecize nang nynh e byakhupaw suilan kha na phy kho vae!” a cipya.

MIKAH 7:9

Bawipaw tungvaw ka sei keiccuze a thinrianaw kha ka teing cih, aning nynh yn pankhae zah, bya yn piapya mawlaezung ka teing cih. Awnaw kalan khe yn poukhae cih zah, amaw kya-e thyaaccounaw kha ka mue cih.

MALAKHI 3:18

Miding te mihoy leipaw alaenaw kha thuasah, Pachia rya a lahpaw te a lah leipaw alaenaw kha thuasah na muih cih oh.

JOHAN 21:17

Jesu nynh, “Johan ccapaw Simon, kae hynh nae sungsah tou?” cite vae thumnaw bua a khia. Bawipaw nynh, “Kae hynh nae sungsah tou?” cite vae thum cia a khia keiccuze Peter tuh a thinlungccih zah, “Bawipaw, nang tuh pawpaw balyn marya na ny; kae sungsahpaw mah phe na ny,” a cipya. Jesu nynh, “Ka tuu hae kha looh la dang hae.

LOCCEIHTU 1:24

Te sawsang hae zah, “Bawipaw, nang tuh ccungccaw thinlung kha marya na ny.

LOCCEIHTU 25:11

Kae tuh ka sei zah chi lan ccanpaw seinaw ccangkhakheit ka rae lanze, chinaw kyate lue lan ka zuakuh lan khyh; thuasalama hynh-e hae nynh sei yn be hae paw tuh akyh khyh lanze, hum nynh sanmah minmin kalan yn ap kho khyh hae. Siapharan kalan azu ka khan,” a ci.

2 KORIN 11:11

Pawccemou? Nanning kha kae sungsah khyh oh keiccu tou? Kae sungsah oh paw kha Pachia nynh phe ny.

2 KORIN 11:31

Kae tuh ka hyn khyh cipaw kha zungzae thehoysah athuapaw Bawipaw Jesu a Paaw te a Pachia nynh phe a ny.

2 KORIN 5:11

Tukeiccuze Bawipaw rawrinaw kha ny biate, ccungccaw hae kha kae soih hae; thuasalama kaening tuh Pachia nynh hoyte oun nypaw nynh kae thua, nanning nynh mah nae thinlung kya hoyte nae nyh cih oh cite ka ngaehoi.

DEUTERONOMY 10:17

Pawccecize Bawipaw nae Pachia tuh pachia hae Pachia te bawipaw hae Bawipaw, alesaepaw Pachia, athungpaw te ri lan umpaw, maedo a mang leipaw te pyaruh a lawkuh leipaw,

1 TIMOTE 6:16

Amaw rou nynh chi kho leinaw a hoi, hum nynh san a naeku kho leipaw awnaw kya a umpaw nynh thua; amaw kha hum nynh san muih boi khyh zah muih kho khyh; sawtuanaw te zungzae thungnaw tuh amaw kya um sah. Amen.

HEBRU 4:13

Pachia malang thuruh khopaw raepaw uccaw pawsang um khyh, pawpaw balyn tuh amaw malang khe akhawpaw um lei lante pong alangkuh; aening nynh ahmaw konglang kha amaw kya ah phykuh cih oh.

JOSHUA 22:21

Te Reuben phin hae, Gad phin hae te Manasseh phin angankuh hae nynh Israel puizia hae kya-e lupi hae kha khung hae zah,

BYAPHY 19:16

A angkiccua vawlan te a phae vawlan khe, “Siapharan hae Siapharan, bawi hae Bawipaw,” cite azeikuhpaw min kha a hoi.

BYAPHY 2:23

A ccaaw hae kha chinaw te ka theih cih hae. Kae tuh tuanaw te thinlung a ccungtu nynh ka thua cipaw kha khriccaawbuu hae balyn nynh yn nyh cih hae; nanning milu raveih kha nae ryalaw thyhte kae pya cih oh.

1 SAMUEL 15:23

Pawccecize kaw-einaw tuh pawepaw hawte seinaw le zah, lungkhungnaw tuh hoyleinaw te zohtuh beiknaw hawte seinaw ale. Bawipaw bya kha na vua vae keiccuze nang kha siapharan thuanaw kyate ae vua vae,” a cipya.

1 SAMUEL 2:3

Lysakute byaho nan vae oh, nae mung kyate tansakunaw bya pousah nan oh; pawccecize Bawipaw tuh tynre nyhpaw Pachia thua zah, cyipaw miakaw kha akhin a saetu nynh thua.