JOSHUA 22:18 - Zotung Bible 2016

¹⁸ nanning nynh Bawipaw nulang zuiku leite atunin ccanglang na maekuh cih oh tou! Nanning nynh Bawipaw kha atunin na dou oh ze, Israel ccungccaw zapi tungvaw awkhualan a thinria cih.

JOSHUA 22:18 Iomraidhean Croise

2 SAMUEL 24:1

Israel hae tungvaw kya Bawipaw thinrianaw tuh maee lang rua zah, minmin kha rawsete aning nynh David kha tuhou zah, “La cceih lah, Israel te Judah ccungccaw hae kha milu ria hae,” a cipya.

1 SIAPHARAN 9:6

“Namaw thuasah, na ccaaw hae thuasah kae kha zui leite na cceihsei oh zah, nae malang ka nungpaw ka kawbya hae te ka phungbya hae kha zui leite, ccangpaw pachia hae kalan cciate ryalawpyate na beik oh zetuh,

2 SIAPHARAN 17:21

Bawipaw nynh Israel kha David ciihan kyate he a seii te, minmin nynh Nebat ccapaw Jeroboam kha siapharan lang a khang hae. Jeroboam nynh Israel kha Bawipaw zuinaw kyate cciakhaesei zah, seinaw lepaw kha a raesah.

1 SHERIANAW 21:1

Satan nynh Israel hae kha dou hae zah Israel ccungccaw hae kha milu ria lan David kha a tuhou.

1 SHERIANAW 21:14

Tukeiccuze Bawipaw nynh Israel ram kya shethya a thuasah; Israel ram kya ccungccaw thong sung sari a chih hae.

2 SHERIANAW 25:27

Amaziah nynh Bawipaw kyate ccanglang a maeku ccyh kyate tho zah Jerusalem kya amaw pheenaw rya kha lah hae zah, Amaziah tuh Lakhish khua lang a ccue. Thuasalama Lakhish khua lang ccungccaw deehuisah hae zah, tuin kya a chia hae.

2 SHERIANAW 34:33

Josiah nynh anungsikuhpaw uccaw balyn kha Israel hae kya-e ram hae balyn kyate vua zah, Israel ram kya um hae paw balyn kha Bawipaw mih Pachia tuh a beiksah hae. Amaw she lungkhu tuh minmin nynh mih minpaaw hae Pachia, Bawipaw zuinaw kyate ccanglang maekuh khyh hae.

LEVITIKAS 10:6

Te Moses nynh Aaron te a ccapaw hae Eleazar te Ithamar kha, “Nae sang kha phuasalae lan nung nan oh, nae boeining kha sei nan oh, tuhkhyhze tuh na chih cih oh zah thinrianaw kha ccungccaw zapi balyn tungvaw a ccah cih; thuasalama nae uno hae, Israel ccungccaw balyn nynh Bawipaw nynh a ruasahpaw maeeruanaw kha rawkhui hae sah.

NAMBAR 16:22

Minmin nynh mih mae kha tebaling hae zah, “Pou Pachia, a hiinpaw balyn kya-e muisaw hae Pachia, lu kheit nynh a sei keiccuze zapi balyn tungvaw na thinria cih tou?” a ci hae.

NAMBAR 32:15

Nanning nynh Bawipaw zuinaw kyate ccanglang na maeku oh zetuh, minmin kha ramkaw kya bua a vua cih hae; te hynh-e ccungccaw balyn hynh na roh vae cih oh,” a cipya hae.

DEUTERONOMY 7:4

Pawccecize na ccaaw hae kha ccangpaw pachia hae beik khylan kamaw zuinaw kyate ccanglang a maesakuhsei cih hae. Tetuh Bawipaw thinrianaw nynh maee lang ae ruanua cih zah, nang kha arangte ae roh cih.

JOSHUA 22:15

Te Gilead ram kya um hae paw Reuben phin hae, Gad phin hae te Manasseh phin angankuh hae kalan khe cceih hae zah, minmin kha,

JOSHUA 22:16

“Bawipaw ccungccaw hae nynh mih balynte, ‘Israel Pachia tungvaw kya na rae oh paw rawsenaw hynh pawmou athua? Atunin Bawipaw kha dou khylan Bawipaw laanpi kyate na cceihsei oh zah, silawhang ccangkheit na raeku oh paw hynh paw suilan mou athua?

JOSHUA 22:20

Pya vae paw uccaw konglang te Zerah ccapaw Akhan nynh a lungzi khyh keiccuze Israel ccungccaw zapi balyn tungvaw kya thinrianaw yn ccah khaw? Te aning a hoyleinaw keiccuze amaw kyalya chih khyh!’ a ci hae,” cite a hopya hae.

JOSHUA 7:1

Thuasalama pya vae paw uccaw kyakhe Israel hae tuh lungzinaw hoi khyh hae: Judah phin hae kya-e Zerah ccapaw Zabdi ccapaw Karmi ccapaw Akhan nynh pya vae paw uccaw abang kha a law; te Israel hae tungvaw kya Bawipaw thinrianaw tuh maee lang arua.

JOSHUA 7:11

Israel nynh phe sei vae; kaw ka pya hae paw ka byakin kha phe ro vae hae. Pya vae paw uccaw abang kha phe law hae; ruh hae zah hynbya hote mih uccaw hae kya a nungbia hae.

JOSHUA 7:21

luadepaw uccaw hae kyakhe apuithyapaw Babilon angkiccua, ngun shekel za ning te shekel sung pangaw aripaw suitung tung kheit kha he ka muih tuh, eih ka duaa zah ka lawku. Tuh-e hae tuh ka bu lungkhu lae kaw kya nynh ka thuruh, ngun tuh akawkou nynh a um,” a cipya.

1 SAMUEL 12:14

Bawipaw kha na rih oh zah amaw rya kha lawpyate, a bya kha mah ngaete, Bawipaw kawbya kha rawse leite, nanning te ae uk oh paw siapharan nynh Bawipaw nae Pachia kha na zui oh lanze ahoy cih.

1 SAMUEL 12:20

Te Samuel nynh ccungccaw hae kha, “Rih nan oh; e hoyleinaw balyn hynh na rae vae oh, tuhzemah Bawipaw zuinaw kyate ccanglang maeku leite, nae thinlung balyn te Bawipaw rya kha lah oh;