JOSHUA 21:45 - Zotung Bible 2016

⁴⁵ Bawipaw nynh Israel hae kya ahoypaw bya a kinpyaku hae paw balyn tuh ccangkheit sanmah zo khyh; abalynte marya accing.

JOSHUA 21:45 Iomraidhean Croise

1 SIAPHARAN 8:15

Solomon nynh, “Bawipaw , Israel Pachia tuh thehoyte um sah, pawccecize ka paaw David kyakhe a mung te byakinpakuh zah,

1 SIAPHARAN 8:20

Bawipaw nynh bya a kinkupaw kha a ccingsah vae; pawccecize ka paaw David umnaw kya ka um vae; Bawipaw nynh bya a kinku thyhte, Israel bawitungkhung kya ka haung zah, Bawipaw , Israel Pachia min hanlan inn kha ka sak vae.

1 SIAPHARAN 8:24

na ryalahtu ka paaw David hanlan na tynsahpaw byakinnaw kha na hopya thyhte na zui; na mung te bya na kinpakuh zah na kuih te atunin na ccingsah vae.

1 SIAPHARAN 8:56

“Bya a kinkupaw balyn thyhte a ccungccaw Israel hae kha daenaw a pyatu Bawipaw tuh thehoysah oh; a ryalahtu Moses kyate a hopaw a byakin hoypaw balyn kha ccangkheit san roh khyh.

NEHEMIAH 9:8

a thinlung tuh na malang a lungzi cipaw na muih zah, Kanaan hae, Hit hae, Amor hae, Periz hae, Jebus hae te Girgash hae ram kha a ciihan hae kalan pya lan amaw kya byakinnaw na rae; te nang tuh na ding keiccuze bya na kinkupaw kha na ccingsah.

ISAIAH 48:3

Acyihkuh vae paw uccaw hae kong kha langmawlya mawte phe ka la hodae vae, tuh-e uccaw hae tuh ka khalang kyate pou zah, ny lante ka la rae vae; te tuh-e hae tuh palou ka cyih zah a um vae hae.

NAMBAR 23:19

Pachia tuh hynbya a ho hepaw ccungccaw thua khyh, a thinlung a paleihkuh hepaw, achihthyapaw ccungccaw thua khyh. Bya a kinpyaku vae paw kha cyih lan khyh tou? A ho vae paw kha ccingsah lan khyh tou?

1 KORIN 1:9

A Ccapaw, ah Bawipaw Jesu Khri kya-e vaeccawkunaw kalan nanning ae ko oh paw Pachia tuh a lungzipaw nynh thua.

1 THESALON 5:24

Nanning ae kotu oh paw tuh a lungzipaw thua zah, tuhcite a cyih cih.

TITU 1:2

tuh-e ah beiknaw tuh zungzae hiinnaw ngaehoinaw kya a bingkuhpaw nynh thua; a hyn boi leipaw Pachia nynh hynh-e hiinnaw tuh laephi thotakaw mawte bya oun kinpyakupaw thua zah,

HEBRU 6:18

Khynnaw ah mue vae oh paw aening nynh tuh ah malang oun nungpyapaw ngaehoinaw kha kyngku khylan, alepaw thawzung pyanaw ah hoi kho nawlan oh, hynbya a ho kho leipaw Pachia nynh arulaekuh kho leipaw uccaw ccangning kya hynhte a cyi.

1 SAMUEL 3:19

Samuel tuh yn lethung, Bawipaw tuh a kya um zah, a bya kha kaw kheit sanmah laekhu lang ccawsahpah khyh.