JOSHUA 21:17 - Zotung Bible 2016

¹⁷ Benjamin phin hae ram lungkhu te Gibeon khua te a sahiin hae rampaeenaw hae, Geba khua te a sahiin hae rampaeenaw hae,

JOSHUA 21:17 Iomraidhean Croise

1 SIAPHARAN 15:22

Te Siapharan Asa nynh Judah ram balyn kha thaesah hae zah, lu kheit san a lue lei lante, Baasha nynh Ramah khua a raenawpaw lung hae te thing hae kha a law hae, tuh-e tuhte Siapharan Asa nynh Mizpah khua te Benjamin ram e Geba khua kha a rae.

2 SIAPHARAN 23:8

Judah ram e khua hae kyate ranpibawi hae balyn kha poukhae hae zah, ranpibawi hae nynh si a lawnaw hae ahangpaw hmin hae kha, Geba khua kyate Beersheba khua kyacia a thusah hae; Jerusalem khua uktu bawi Joshua koikua teenaw, khua koikua voilang um hae paw koikua kya-e ahangpaw hmin hae kha a tingbung hae.

1 SHERIANAW 6:60

Benjamin phin hae ram lungkhu e, Geba khua te a sahiin hae rampaeenaw hae, Alemeth khua te a sahiin hae rampaeenaw hae, Anathoth khua te a sahiin hae rampaeenaw hae. Mih puizia hae thyhte mih khua hae balyn tuh khua haw lae thum acih.

1 SHERIANAW 8:6

E hae tuh Ehud ccapaw hae nynh thua (minmin tuh Geba khua um hae paw puizia hae raveih kya-e lu hae thua hae zah, Manahath kya um khylan kyngte cciakhae athua hae):

NEHEMIAH 12:29

Beth-gilgal kyate, Geba te Azmaveth pee hae kyate mah pynkheihlan a pumkuh hae; pawccecize hlawsahtu hae nynh Jerusalem pepan khe khua taraw hae kha a raeku hae.

ISAIAH 10:29

mua hae laku po cceih hae zah, Geba khe a rya hae; Ramah khuaccaaw hae tuh a thyngkuh vae hae, Saul siapharan khua Gibeah khuaccaaw hae tuh a ccue vae hae.

ZEKHARIAH 14:10

Ram pynpi tuh Geba khua kyate Jerusalem alia lang e Rimmon khua kyacia bialae lang rae athua cih. Thuasalama Jerusalem tuh a umnaw hmin kya po umte hangthung athua cih zah, Benjamin Koikua kyate langmawlya e koikua hmin kyacia, Apaki Koikua kyacia, Hananel Innhangpaw kyate Siapharan misu mianaw khu kyacia athua cih.

JOSHUA 21:18

Anathoth khua te a sahiin hae rampaeenaw hae, Almon khua te a sahiin hae rampaeenaw hae—khua khuapali kha pya athua hae.

JOSHUA 9:3

Thuasalama Joshua nynh Jeriko khua te Ai khua kya a cyipaw kha Gibeon khuaccaaw hae nynh he a thae hae tuh,