JOSHUA 2:9 - Zotung Bible 2016

⁹ minmin kyakhe, “Bawipaw nynh e ram hynh ae pya vae oh cipaw kha thuasah, nanning raw kha eih kae ri keiccuze ram lungkhu um hae paw balyn tuh nae malang a thyngkuh hae cipaw kha thuasah ka ny.

JOSHUA 2:9 Iomraidhean Croise

GENESIS 35:5

Minmin nynh a ccia lya hae khe Pachia kyate ri lan umpaw kha mih pepan e khua hae kyakhe a ccaw keiccuze humhung nynh mah Jakob ccaaw hae kha deehui vae khyh hae.

2 SAMUEL 17:10

Tetuh chindeih thinlung alopaw thinlung a hoi hae paw mih rawthungpaw rhawkaw hae heize myarya a rih vae cih hae; pawccecize Israel hae balyn nynh na paaw tuh a thungpaw thua zah a kya um hae paw tuh mih rawthung cipaw kha a ny hae.

2 SIAPHARAN 5:15

Tetuh amaw te a ccungccaw hae balyn tuh Pachia ccungccapaw kalan kite a malang khe thadyn hae zah, “Israel ram kya laelan, laephi pynpi kya Pachia um khyh cipaw ka ny; na ryalahtupaw kya-e lasung hynh beih yn lawpakuh,” a cipya.

2 SIAPHARAN 7:6

Pawccecize Bawipaw nynh Siria rhawkaw hae kha marangle siho, marang hae siho te rhawkaw patae siho kha a thaesah hae, tukeiccuze minmin nynh, “Israel siapharan nynh aening kha tuk khylan Hit siapharan hae te Izip siapharan hae kha a hohku vae hae,” cite lu kheit te lu kheit a hoku hae.

NEHEMIAH 6:16

Kae rhaw hae balyn nynh tuh-e tuh he a thae hae te, kae pepan e minphuin hae balyn tuh rih hae zah mimaw te mimaw a zynkunaw hae kha myarya azyabung; pawccecize e rya tuh kae Pachia bawmnaw liate lyn athua vae cipaw kha a ny hae.

ESTHER 8:17

Pee takyh kya te khua takyh kya, siapharan kawpyapaw te kawthopaw ccaw a thuanaw miakaw kyakhe Judah hae kya lungtuanaw te lungpawnaw um zah poi tuakute haeung nin lang a mang hae. Tuhpiaze, Judah hae kha a ri hae keiccuze ram lungkhu e ccungccaw patae tuh Judah ccungccaw nynh kae thua a ciku hae.

JOB 19:25

Pawccecize kae yn Shawkhawtu tuh hiin zah, nyathyakou kya laephi vawlan yn thadyn cih cipaw ka ny;

The Psalms 112:10

Ccungccaw hoylei hae paw nynh tuh-e tuh muih hae zah mih thinria; mih hawzy hae zah, mih ngethyakhaekuh; ccungccaw hoylei hae paw rynaw tuh accakaepaw lang nynh a tang.

The Psalms 115:16

Vaawlui tuh Bawipaw vaawlui nynh thua, thuasalama laephi tuh ccungccaw hae kalan a pya vae.

EXODUS 18:11

Bawipaw tuh pachia hae balyn laeze alehua cipaw atu ka ny vae, pawccecize Izip hae nynh Israel hae tungvaw dothatheihte he cyih hae tuh, Bawipaw nynh ccungccaw hae kha Izip hae kyate a luesah hae,” a ci.

EXODUS 23:27

Kamaw rinawpaw kha na malang khe ka saw cih zah rawsete na ccianua hae paw ccungccaw balyn kha mih lung ka muasah cih, te na rhaw hae balyn kha mih nulang ka kisah cih hae.

PHUNGHOTU 8:12

Misei hae nynh hoyleinaw kha avae patae a rae hae zemah mih hiinshe asae; tuhzemah Pachia raw a rih hae paw tuh amaw malang rawrite a um hae keiccuze hoynaw a ccou cih hae cipaw ka ny,

ISAIAH 19:1

Izip konglang Pachia nynh a hotypaw bya tuh: Dotua, Bawipaw tuh arangpaw maeking ccikute Izip ram lang yn thua vae; Izip ram e zohtuh hae tuh amaw malang a thyngkuh cih hae zah, Izip hae tuh mih rawthah vae cih.

ISAIAH 23:5

Izip hae nynh Tair khua kong kha he a thae hae tuh, mih thinphang.

JEREMIAH 27:5

Alesaepaw ka huhan te ka dyngpaw ka kuih khate laephi te laephi vawlan umpaw ccungccaw te sarangpaw hae kha ka rae hae zah, ka lungrythuapaw ccungccaw miakaw kha ka pya.

NAHUM 2:10

Nineveh tuh aroh vae, ccungccaw daetedae zah, paw sanmah um vae khyh! Mih thinlung tuh a rawthah zah mih ccukharu a thyngkuh, mih thawthang zah, mih mae tuh dawkadae lan acih!

NAMBAR 20:14

Moses nynh Kadesh kyate locceihtu hae kha Edom siapharan kalan saw hae zah, “Nae unopaw Israel nynh hynhte a ci: Kae tungvaw accahpaw vawsawnaw balyn hynh phe na ny:

NAMBAR 20:24

“Aaron tuh a ccungccaw hae kalan sueluabua athua cih. Meribah tui kya kaw kae pya oh paw kha na ei keiccu oh ze, Israel hae ka pya hae paw ram lungkhu lang tee lan khyh.

MATTHAI 20:15

Ka uccaw te ka cyi rypaw cyinaw kaw ka hoi khyh tou? Tuhkhyhze hysahnaw ka hoi keiccuze nang tuh na eiung tou?’ a cipya.

DEUTERONOMY 11:25

Humhung nynh mah nanning rawsete ae thadynnua kho lan khyh oh; Bawipaw nae Pachia nynh bya ae kinpyaku oh hawte, nae ccu nynh a synaw ram balyn kyakhe nanning rhaw kha rinaw te thyngkunaw kha a nung cih.

DEUTERONOMY 2:25

Vaawlui zakaw umpaw ccungccaw hae kyakhe nanning ae ri nawlan oh paw te ae siiku nawlan oh paw kha atunin ka tho vae cih; nae thongpang kha he a thae hae te, nanning keiccuze a thyngkuh cih hae zah lungriathaete a um cih hae,” a ci.

DEUTERONOMY 28:10

Bawipaw min liate ko na thua oh paw kha laephi ccungccaw balyn nynh a muih cih hae zah nanning kha ae rih cih oh.

DEUTERONOMY 32:8

Ahang Huaccepaw nynh minphuin hae kha mih rho nee hae zah, ccungccaw ccapaw hae kha he a phia hae te, Israel hae milu alung azya thyhte, ccungccaw hae ramri kha a ia hae;

HEBRU 11:31

Ohhuanung Rahab tuh dophitu hae kha ahoyte innccong a thuasah hae keiccuze zynnaw liate aning tuh kawngae lei hae paw kya chihbua khyh.

JOSHUA 2:11

Te tuh-e tuh he kae thae takaw te, kae bung tuh thyngkuh zah, nanning keiccuze kaening lu kheit kya sanmah rawthungnaw um vae khyh, Bawipaw nae Pachia tuh ahangnaw vaaw te anenaw laephi kya Pachia ccaccing nynh thua.

JOSHUA 2:24

Minmin nynh Joshua kyakhe, “Bawipaw nynh ram pynpi tuh aening kuih kya oun pya ccaccing vae; tuhpiaze ram lungkhu um hae paw balyn tuh aening keiccuze a rih vae hae,” a cipya hae.

JOSHUA 2:8

Minmin a i maw hae khe, Rahab nynh innccuvaw lang kae zah,

JOSHUA 5:1

Israel hae nynh Jordan vaw a zua kou makhia hae, Bawipaw nynh Jordan vaw e tui tuh a rousahpya hae cipaw kha Jordan khuraw niccaw lang umpaw Amor hae siapharan hae balyn te rili pe umpaw Kanaan hae siapharan hae balyn nynh he a thae hae tuh, Israel hae keiccu rih hae zah mih rawthungnaw phe zo vae.

JOSHUA 6:2

Bawipaw nynh Joshua kha, “Dotua, Jeriko khua tuh a siapharan te a rhawkaw hae ryte na kuih kya kae pya vae.

JOSHUA 9:10

Jordan khuraw lang um hae paw Amor hae siapharan lu ning, Heshbon siapharan Sihon te Ashroth kya umpaw Bashan siapharan Og tungvaw a cyipaw balyn kha thuasah kae thae vae.

JOSHUA 9:24

Minmin nynh Joshua kha, “Ram hae balyn hynh nanning pya lan zah, ram kya um hae paw balyn hynh nae malang ro lanpaw kha Bawipaw na Pachia nynh a ryalahtu Moses kya kaw a pya vae cipaw kha na ryalahtu hae kaening kya phe ria lan oun hopah hae zah, nanning keiccuze kae hiinnaw hanlan myarya kae ri pawte, hynh-e uccaw hynh kae cyi.

JOSHUA 9:9

Te minmin nynh, “Bawipaw na Pachia min keiccuze laansawpi e ram kyate nynh kae thua; pawccecize Pachia kong kha thuasah, Izip ram kya a cyipaw balyn kha thuasah,

BYAPIATU 7:14

Te a banpaw nynh, “Tuh-e tuh ccangpaw thua leite Israel paw, Joash ccapaw Gideon thaloi nynh thua; Midian te a rhawkaw hae balyn kha Pachia nynh a kuih kya a pya vae,” a cipya.