JOSHUA 2:7 - Zotung Bible 2016

⁷ Tukeiccuze ccungccaw hae nynh Jordan vaw lang cceihpaw laanpi kya vaw zuanaw kyacia a deehui hae. A deehuitu hae he a cceih kou hae te, koikua kha a khaw hae.

JOSHUA 2:7 Iomraidhean Croise

LOCCEIHTU 5:23

“Thonginn tuh khyndadyh lan toh khawkuh zah thonginn a ngawtu hae mah thuakaw kya a thadyn hae paw kha kae muih; thuasalama thuakaw he kae hung tuh a lungkhu kya hum sanmah kae muih khyh,” cite a hopya hae.

JOSHUA 2:5

Amoh takaw koikua khaw ccyh khe nynh minmin tuh a pou hae. Teilang nynh a ccia hae cipaw ka nyh khyh. Arangte la deehui oh, phe na phah kho oh,” a cipya hae.

JOSHUA 2:6

Thuasalama Rahab nynh minmin kha innccuvaw lang kaekhae hae zah, innccuvaw kya a phaepaw buri ku hae kyakhe a thuruh hae.

JOSHUA 2:8

Minmin a i maw hae khe, Rahab nynh innccuvaw lang kae zah,

BYAPIATU 12:5

Gilead hae nynh Jordan vaw zuanaw balyn kha Efraim hae kha a khee hae. A ccuepaw Efraim hae lukhakheit nynh, “Vaw hynh beih yn zua sah,” a ci ze, Gilead hae nynh, “Efraim phin na thua tou?” cite khia hae zah, “Ka thua khyh,” a ci ze,

BYAPIATU 3:28

Ehud nynh minmin kha, “Ka nulang yn zui oh; pawccecize Bawipaw nynh nae rhaw hae Moab hae kha nae kuih kya ae pya vae oh,” a cipya hae. Tetuh a nulang zuikute rungbung hae zah, Moab hae nynh Jordan vaw a zuanaw hae hmin kha lah hae zah, lu kheit sanmah vaw zuasah khyh hae.