JOSHUA 2:6 - Zotung Bible 2016

⁶ Thuasalama Rahab nynh minmin kha innccuvaw lang kaekhae hae zah, innccuvaw kya a phaepaw buri ku hae kyakhe a thuruh hae.

JOSHUA 2:6 Iomraidhean Croise

2 SAMUEL 11:2

Nin kheit tuh zetesang khe David nynh a ikhung kyate thokuh zah siapharan inn innccuvaw kya a ccia bungthung lyakhe, tui singkuhpaw nopinung lu kheit kha innccuvaw kyate a muih; tuh-e nopinung tuh myarya a puithya.

2 SAMUEL 17:19

Tuh-e ccungccapaw zu nynh tuisung akhu kha ahu hu zah, a vawlan khe looh a rei; tuh-e kong tuh humhung nynh mah nyh khyh.

1 SIAPHARAN 18:13

Jezebel nynh Bawipaw profeh hae a chia lya hae ze, pawtemou Bawipaw profeh hae za kheit kha sung pangaw ccite lungkarung kya ka thuruh hae zah tui te looh ka pya hae cipaw kha ka bawipaw nang hynh ae hopah khyh hae tou?

1 SIAPHARAN 18:4

Jezebel nynh Bawipaw profeh hae kha he a theih hae tuh, Obadiah nynh profeh za kheit kha ko hae zah, sung pangaw ccite lungkarung kya thuruh hae zah tui te looh a pya hae.)

2 SIAPHARAN 11:2

Thuasalama siapharan Joram ccanung, Ahaziah ccianung nynh Ahaziah ccapaw Joash kha chia athua vae cih hae paw siapharan ccaaw hae kyate zya ruh zah amaw te a do-oihtu kha inaw khaan kya a thuruh hae. Tuhcite amaw kha chia athua khyh nawlan, Athaliah kyate zya a thuruh;

EXODUS 2:2

Nopinung nynh ccaawpoi zah ccapise lu kheit a saah; aning tuh a pynrua hoypaw ccaaw nynh thua cipaw a nung nynh he a muih tuh, imua kha sawpaw sah thum cia a thuruh.

JEREMIAH 36:26

Te siapharan nynh ryaccinkhan Baruk te profeh Jeremiah kha kyng khylan siapharan ccapaw Jerahmeel, Azriel ccapaw Seraiah te Abdeel ccapaw Shelemiah kha kaw a pya hae. Thuasalama Bawipaw nynh minmin kha a thuruh hae.

MATTHAI 24:17

Inn tungvaw a umpaw nynh inn lungkhu e uccaw kha law lan rungbung nan vae sah.

DEUTERONOMY 22:8

Inn thawpaw na sak ze, na inn adawkuhpaw athangnaw kyakhe athungkhawkuhpaw kha po voilu lan na rae cih; tuhkhyhze tuh tuin kyate ccungccaw a ccawsei lanze, na inn kya chiise luasahpaw seinaw kha na hoi sei cih.

KOLOSE 3:3

Pawccecize nanning tuh na chih oh zah nae hiinnaw tuh Khri ryte Pachia kya thuruh athua.

HEBRU 11:23

Moses he a pui tuh, apuithyapaw imua nynh thua cipaw kha a muih hae keiccuze zynnaw liate siapharan nynh kawthopaw kha ri leite a nung te a paaw nynh Moses kha sawpaw sah thum a thuruh hae.

JAMES 2:25

Tuhawte ohhuanung Rahab kha mah, zeccuetu hae kha innccong ua hae zah ccangpaw laanpi kalan he a saw hae tuh, cyisahnaw liate aning tuh thyaaccou khyh tou?

JOSHUA 2:5

Amoh takaw koikua khaw ccyh khe nynh minmin tuh a pou hae. Teilang nynh a ccia hae cipaw ka nyh khyh. Arangte la deehui oh, phe na phah kho oh,” a cipya hae.

JOSHUA 2:7

Tukeiccuze ccungccaw hae nynh Jordan vaw lang cceihpaw laanpi kya vaw zuanaw kyacia a deehui hae. A deehuitu hae he a cceih kou hae te, koikua kha a khaw hae.

JOSHUA 2:8

Minmin a i maw hae khe, Rahab nynh innccuvaw lang kae zah,

JOSHUA 6:25

Thuasalama ohhuanung Rahab tuh a innbyn hae te a ccungccaw hae balyn ryte Joshua nynh chia leite a haang hae. A ciihan hae tuh Israel hae kya atunin cia a um hae. Pawccecize Joshua nynh Jeriko khua dophi khylan a saw hae paw locceihtu hae kha Rahab nynh a thuruh hae.