JOSHUA 2:2 - Zotung Bible 2016

² Te Jeriko siapharan kyakhe, “Ram kha dophi khylan Israel hae abang tuh atu zete oun thua hae,” cite a hopya hae.

JOSHUA 2:2 Iomraidhean Croise

The Psalms 127:1

Bawipaw nynh inn kha a sak khyh lanze, inn saktu hae ryalaw tuh alakawpaw nynh thua, Bawipaw nynh khuapi kha rhawviapya khyh lanze, khua rhawviatu hae nynh rhawvia hae paw tuh alakawpaw nynh thua.

PHUNGTANGBYA 21:30

Bawipaw malang tuh hawnaw, nynaw te tuanaw pyakunaw hynh alakawpaw nynh thua.

ISAIAH 43:13

Kae tuh Pachia ka thua zah, Pachia ka thua zungzae cih; ka kuih kyate a lue khopaw pawpaw mah um khyh; ka ryalaw kha hum nynh mou yn khee kho cih?

DANIEL 4:35

Laephi ccungccaw balyn tuh alakawpaw lang ria thua hae zah, vaawccungccaw hae te laephi ccungccaw hae kha a ry hawte a cyi hae. Humhung nynh mah a kuih kha khee kho khyh zah, “Pawmou na cyi?” cite a hopah khopaw um khyh.

JOSHUA 2:1

Te Nun ccapaw Joshua nynh pise hae lu ning kha Shittim khua kyate dophitu lang aruh lante saw hae zah, “La cceih oh lah, ram kha la dotua oh, abyapi lante Jeriko khua kha la do oh,” a cipya hae. Tukeiccuze cceih hae zah a min Rahab cikuhpaw ohhuanung inn kya tee hae zah a rya hae.

JOSHUA 2:3

Te Jeriko siapharan nynh Rahab kalan ccungccaw saw hae zah, “Na kalan oun thua hae zah na inn kya oun tee hae paw ccungccaw hae kha oun poukhae hae; pawccecize ram pynpi hynh dophi khylan nynh oun thua hae,” cite a hosahpya hae.

BYAPIATU 18:2

Tukeiccuze Dan phin hae nynh ram kha dophi khylan te dotua khylan mih phin pynpi kya-e arawthungpaw pise lu pangaw kha a umnaw hae Zorah khua te Eshtaol khua kyate a saw hae; te minmin nynh, “La cceih oh lah, ram kha la dophi oh lah, la dotua oh,” a cipya hae. Minmin nynh Efraim muaram, Mikah inn kya thua hae zah, tuin kya a rya hae.