JOSHUA 2:19 - Zotung Bible 2016

¹⁹ Nanning laku e lukhakheit nynh na inn thuakaw kyate laanpi lang pou zah a chi lanze, amaw tungvaw accah cih zah, kaening tuh seinaw hoi leipaw kae thua cih; thuasalama na inn lungkhu kya na umkheih oh paw lukhakheit tungvaw kya kuihsaw thua zah a chi lanze, kaening tungvaw accah cih.

JOSHUA 2:19 Iomraidhean Croise

2 SAMUEL 1:16

David nynh, “Na chiise tuh na lu vawlan um sah; pawccecize, ‘Bawipaw nynh chitui thuhpaw kha ka chia vae,’ cite namaw mung ccaccei nynh ccaekia a khangku vae,” a cipya.

2 SAMUEL 4:11

Ccungccaw hoylei hae paw nynh midingpaw kha amaw inn kya a ikhung vawlan khe a chia hae ze, tuhlaeze houh cyi lan accan khaw! Atu aning chiise mee kha nanning kya ngiate, nanning kha laephi vawlan te kae roh lan khyh oh tou?” a cipya hae.

1 SIAPHARAN 2:32

Aning nynh amaw laeze dinghua hae zah a hoyhua hae paw lu ning, Ner ccapaw Abner, Israel rhawkaw hae a uktu rhawbawipaw te Jether ccapaw Amasa, Judah rhawkaw hae a uktu rhawbawipaw kha ka paaw David a ny lei lante, thaloi te chiise a luasahpaw cyisahnaw kha amaw lu vawlan khe Bawipaw nynh a ccawsah cih.

EXODUS 12:13

Chiise tuh na umnaw oh inn kya nae hanlan syntawnaw athua cih; chiise kha he ka muih tetuh nanning kha kae kawtaw cih oh zah Izip ram kha de he ka tah te, shethya nynh nanning kha ae roh lan khyh oh.

EXODUS 12:22

Hyssop ku ange ngekheit kha lah oh lah pakepi kya umpaw chii kyakhe dung oh, te pakepi kya umpaw chii khate thuakawtung tungning te thuakawccaw kha noi oh. Awkhua cia nae inn thuakaw atolang na pou lan khyh oh.

EXODUS 12:23

Pawccecize Bawipaw tuh Izip hae kha detah khylan phe lekuh lan yn cceih cih; aning nynh thuakawtung tungning te thuakawccaw kya anoikuhpaw chiise kha he a muih tuh, Bawipaw nynh khah-e thuakaw kha a kawtaw cih zah nanning chia khylan nae inn lungkhu lang rohtu hae tee lanpaw kha kaw-ua lan khyh.

LEVITIKAS 20:11

A paaw zu te a sei hae paw pise tuh a paaw kha maethya a lahpaw nynh thua; mih lu ning te chia athua cih hae; mih chiise tuh mih tungvaw nynh a um.

LEVITIKAS 20:9

A nung thuasah, a paaw thuasah thya a lawpaw balyn tuh chia athua cih hae; nung te paaw kha thya phe a law vae hae, mih chiise tuh mih tungvaw nynh a um.

MATTHAI 24:17

Inn tungvaw a umpaw nynh inn lungkhu e uccaw kha law lan rungbung nan vae sah.

LOCCEIHTU 18:6

Judah hae nynh Paul kha rawse hae zah a thethyasah hae keiccuze, Paul nynh a boeining kya-e vuiping kha thyngnua hae zah, “Nae chii tuh naemaw lu vawlan thua vae sah! Kae tuh ka thyaa; atu te Zenta hae kalan nynh ka cceih vae cih,” a cipya hae.

LOCCEIHTU 20:26

Tukeiccuze kae tuh ccungccaw balyn chii kyate ka thyaa cipaw atunin nae kya ccaerarih lan kae thaesah oh.

LOCCEIHTU 27:31

Paul nynh rhawbawipaw te rhawkaw hae kha, “E sanphalung ryalahtu hae nynh sanphalung kya a um khyh hae ze, nanning na lue kho lan khyh oh,” cite a hopya hae.

FILIPI 3:9

amaw te tynkaring lan kyngku nawlan Kawbya liate muepaw kamaw dingnaw kha ka hoi khyh, thuasalama Khri zynnaw liate muepaw dingnaw, zynnaw liate athuapaw Pachia kya-e dingnaw kha nynh ka hoi.

HEBRU 10:29

Pachia Ccapaw kha a ccu kaw syde zah, amaw a thyaasahpaw byakinnaw chiise kha athyaa leipaw uccaw lang ria zah, thawccinaw Muisaw kha a saryapaw ccungccaw tuh pawcih alepaw detahnaw mou mue lan accan cite na tua oh?

JOSHUA 2:12

Tukeiccuze nae tungvaw thawccinaw ka hoi hawte, nanning nynh mah ka innbyn tungvaw kya thawccinaw na hoiru nawlan oh, Bawipaw min te bya yn kinpakuh oh.

JOSHUA 2:14

Te minmin nynh Rahab kha, “Kae hiinnaw tuh nang na hanlan thua vae sah! E kae ryalaw hynh na ho khyh zetuh, Bawipaw nynh e ram hynh he oun pya te, na tungvaw thawccinaw te lungzinaw kae hoi cih,” a cipya hae.

JOSHUA 2:20

Thuasalama e kae ryalaw hynh nae ho lanze, na kya thyalawkute bya nae kinsakupaw e byakinnaw kyate kae lue cih,” a cipya hae.