JOSHUA 2:18 - Zotung Bible 2016

¹⁸ e ram lungkhu lang he kae tee te, kaening nae sawbungnaw thanlan-aw kyakhe e liarui asepaw hynh na la khiide cih zah, na inn kyakhe na nung te na paaw, na raee hae te na innbyn hae balyn kha na la pum cih hae.

JOSHUA 2:18 Iomraidhean Croise

GENESIS 12:2

Nang kha myarya lepaw minphuin lang kae rae cih, nang tuh hythua ccoupaw na thua nawlan na min kha kae thaansah cih zah hythua kae pya cih.

GENESIS 7:1

Oute Bawipaw nynh Noah kha, “Nang te na innbyn balyn sanphalung lungkhu lang tee oh, pawccecize hynh-e she kya nang rou nynh ka malang na ding cipaw ka muih.

ESTHER 8:6

Pawccecize ka minphuin hae tungvaw accahpaw vawsawnaw kha pawtemou ka teing kho cih? Ka vaeccaw hae nynh a teing hae paw ronaw kha pawtemou ka teing kho cih?” a ci.

EXODUS 12:13

Chiise tuh na umnaw oh inn kya nae hanlan syntawnaw athua cih; chiise kha he ka muih tetuh nanning kha kae kawtaw cih oh zah Izip ram kha de he ka tah te, shethya nynh nanning kha ae roh lan khyh oh.

SOLOMON HLAW 4:3

Na mung tuh sebabipaw laaw te lokuh zah, na khalang tuh sungsah lan a um. Mae bongkupaw boei kaw a umpaw na byaki tuh apaekuapaw ccalee thae te nynh aloku.

LEVITIKAS 14:4

thyaasah athua cih paw ccungccaw hanlan hiin zah a thyaapaw pavaw sa ning, sidar thing te law asepaw te hyssop thing ange kha law lan ranpibawi nynh kaw a pya cih hae.

NAMBAR 19:6

Ranpibawi nynh sidar thing, hyssop thing, asepaw uccaw kha a lah cih zah tohlaw u athuanaw maee lungkhu langkhe a phung cih.

NAMBAR 4:8

oute tuh-e hae vawlan khe boei sepaw kha a bong cih hae zah, nebaleihpaw saphua khate a bongthin cih hae, tukoute puihnawpaw ccong hae kha a ruh cih hae.

LUKA 19:9

Tetuh Jesu nynh, “E paw mah Abraham ccapaw athua keiccuze atunin hynh-e inn kya khumnaw a thua vae.

LOCCEIHTU 10:27

Kornelias ryte byahokuh hae zah he a tee tuh, a sueluakuh hae paw ccungccaw patae kha a muih.

LOCCEIHTU 10:33

Tukeiccuze kae nynh na kalan arangte kae saw hae zah, nang nynh mah thaw nae ccih zah nae thua. Tukeiccuze Pachia nynh ho lan kaw ae pyapaw balyn kha ngae khylan kaening balyn tuh atu Pachia malang hein kya kae um vae,” a cipya.

LOCCEIHTU 11:14

Tuh-e Peter nynh ae hopya oh paw bya liate nang te na inn kya um hae paw balyn tuh khum na thua cih oh,’ cite a hopyapaw kha aning nynh bua oun hopya.

2 TIMOTE 1:16

Onesiforas innbyn kha Bawipaw nynh ngaethya la umsah vae sah, pawccecize aning tuh ka thaw yn muinsah hepaw thua zah, sivawrui te yn khii hae zemah a mae yn thyakhae khyh.

HEBRU 9:19

Pawccecize Moses nynh kawbya ccauh kya-e kawbya miakaw kha ccungccaw hae balyn kalan a hopah kou hae te, tui pykuhpaw vaetuataw chii te miaa chii kha lah zah sekakungpaw tuuming te hyssop khate ccauh te ccungccaw hae balyn kha thei hae zah,

JOSHUA 2:21

Te Rahab nynh, “Nae bya thyhte thua vae sah,” a cipya hae. Aning nynh minmin kha cciasah hae zah a cceih vae hae; te aning nynh liarui asepaw kha thanlan-aw kya a khii.

JOSHUA 6:23

Tukeiccuze dophitu athua hae paw ccangvae hae nynh tee hae zah Rahab kha a nung, a paaw, a raee hae te a ccungccaw hae balyn—a puizia hae balyn ryte poukhae hae zah, Israel ryahmin atolang khe a nung hae.

JOSHUA 6:25

Thuasalama ohhuanung Rahab tuh a innbyn hae te a ccungccaw hae balyn ryte Joshua nynh chia leite a haang hae. A ciihan hae tuh Israel hae kya atunin cia a um hae. Pawccecize Joshua nynh Jeriko khua dophi khylan a saw hae paw locceihtu hae kha Rahab nynh a thuruh hae.