JOSHUA 2:14 - Zotung Bible 2016

¹⁴ Te minmin nynh Rahab kha, “Kae hiinnaw tuh nang na hanlan thua vae sah! E kae ryalaw hynh na ho khyh zetuh, Bawipaw nynh e ram hynh he oun pya te, na tungvaw thawccinaw te lungzinaw kae hoi cih,” a cipya hae.

JOSHUA 2:14 Iomraidhean Croise

GENESIS 24:49

Tukeiccuze atu, nanning nynh ka bawipaw kha thanccingte thaw na ccih cih oh tou, na ccih lan khyh oh tou cipaw yn hopah oh, tuhteze nynh kae nynh ranglang laanpi khyhze voilang laanpi ka zuithya cih,” a cipya hae.

GENESIS 47:29

Israel a chinaw ccyh he anae tuh a ccapaw Josef kha ko zah, “Na malang maehoynaw ka mue zetuh na kuih kha ka phae kaw nung lah lungzite, hmerarih lan bya yn kinpyaku tua; Izip ram kya yn uh nan.

2 SAMUEL 2:5

David nynh Jabesh-gilead khuaccaaw hae kalan khe locceihtu hae kha saw hae zah, “Nanning nynh nae bawipaw Saul tungvaw kya lungzinaw na langsakuh oh zah a rhua kha na uu oh keiccuze Bawipaw nynh hythua ae pya vae oh sah!

2 SAMUEL 2:6

Bawipaw nynh nae tungvaw kya atynpaw sungsahnaw te lungzinaw kha langsakuh vae sah! E rya hynh na law oh keiccuze kae nynh mah nae tungvaw hoynaw ka rae cih.

2 SAMUEL 9:1

David nynh, “Jonathan keiccuze a tungvaw kya thawccinaw ka langsaku nawlan, Saul innbyn kya a hiinhypaw lu kheit san a um ung tou?” cite a khia.

1 SIAPHARAN 20:39

Siapharan yn ccia lyakhe siapharan kha ko zah, “Na ryalahtupaw kae tuh rhawtuknaw lang ka cceih; rhawkaw lu kheit tuh yn ki zah ka kalan ccungccapaw lu kheit kha yn cciakhae zah, ‘E paw hynh la do-oih; aning hynh he a zosei ze, a hiinnaw hanlan na hiinnaw kha chia athua cih, tuhkhyhze ngunphua talent ccangkheit na rung cih,’ yn cipya.

PHUNGTANGBYA 14:22

Ahoy leipaw paccynkunaw a hoi hae paw tuh sei khyh hae tou? Ahoypaw kha a paccyn hae paw tuh lungzinaw te zyn lan umnaw kha a mue cih hae.

PHUNGTANGBYA 18:24

Ruiban abang tuh ruiban huataw thua hae salamah, ruiban hoypaw tuh u te neitaw sasaw laeze a bekuh hua.

MATTHAI 5:7

Ngaethyaumsahnaw a hoi hae paw tuh lungtua hae paw nynh thua; pawccecize minmin tuh ngaethyaumsahnaw kha a mue cih hae.

LOCCEIHTU 23:22

Tukeiccuze rhawbawi lepaw nynh ccangvaepaw kha pousah zah, “E nae hopyapaw bya hynh hum sanmah la hopah nan,” cite bya a tawsya.

JOSHUA 2:13

Ka nung te ka paaw, ka raee hae te ka uno hae, minmin te asekuh hae paw balyn kha na haang oh zah, chinaw kyate kae hiinnaw nae luesah nawlan oh, ahmepaw muihsahnaw kha yn pya oh,” a cipya hae.

JOSHUA 2:15

Te Rahab nynh minmin kha thanlan-aw kyate liarui te laekhu lang a sawbung hae, pawccecize a inn tuh khuapi koihnawpaw khualungrua pe khe um zah, amaw tuh khualungrua lungkhu lang te nynh a um.

JOSHUA 6:17

Khua te a lungkhu umpaw balyn tuh ro khylan Bawipaw kalan pya athua cih. Aening nynh ah saw oh paw locceihtu hae kha a thuruh keiccu hae ze, ohhuanung Rahab te a inn kya um hae paw balyn tuh a hiin cih hae.

JOSHUA 6:22

Te Joshua nynh ram dophitu lu ning hae kyakhe, “Ohhuanung inn lang la tee oh lah, bya na kinpyaku oh hawte, tuh-e nopinung te a ccungccaw hae balyn kha oun poukhae oh,” a cipya hae.

JOSHUA 6:25

Thuasalama ohhuanung Rahab tuh a innbyn hae te a ccungccaw hae balyn ryte Joshua nynh chia leite a haang hae. A ciihan hae tuh Israel hae kya atunin cia a um hae. Pawccecize Joshua nynh Jeriko khua dophi khylan a saw hae paw locceihtu hae kha Rahab nynh a thuruh hae.

1 SAMUEL 20:8

Tukeiccuze na ryalahtupaw hynh thaw yn ccitua, pawccecize athyaapaw byakinnaw kha na ryalahtupaw tuh phe na raekhae vae. Thuasalama ka tungvaw cyiseinaw a um ze, namaw ccaccei nynh yn theih; pawccemou na paaw kalan tuh nae cciakhae cih?” a cipya.