JOSHUA 2:12 - Zotung Bible 2016

¹² Tukeiccuze nae tungvaw thawccinaw ka hoi hawte, nanning nynh mah ka innbyn tungvaw kya thawccinaw na hoiru nawlan oh, Bawipaw min te bya yn kinpakuh oh.

JOSHUA 2:12 Iomraidhean Croise

GENESIS 21:23

tukeiccuze kamaw thuasah, ka ccaaw hae thuasah, ka ciihan hae thuasah, nae ling khyh nawlan, nang kha lungzite kae ccuepe hawte nang nynh kamaw kya thuasah, ramccang ccungccaw hawte na umnaw ram kya thuasah nae ccuepenaw lan atu Pachia malang byakinkuh,” a ci.

GENESIS 24:3

“Ka umnaw Kanaan ccungccaw hae mih ccanung hae hynh ka ccapaw zu lang na dypya khyh nawlan,

GENESIS 24:9

Tukeiccuze a seepaw nynh a kuih kha a bawipaw Abraham phae kaw nung zah tuh-e kong lante bya a kinku.

GENESIS 40:14

Tuhte hoynaw he na tung te, kamaw kha ning leite thaw yn ccih lah kamaw kong kha Faro kya beih la hopah vae ii, tuhcite e thonginn kyate yn luesah bua.

2 SHERIANAW 36:13

Pachia min phyate bya a kinkuhpaw Nebukhadnezzar Siapharan kha mah a dou; Bawipaw , Israel Pachia kalan maeleihkuh ry khyh zah a lungkhungsakuh zah a thinlung a tansaku.

ESTHER 8:6

Pawccecize ka minphuin hae tungvaw accahpaw vawsawnaw kha pawtemou ka teing kho cih? Ka vaeccaw hae nynh a teing hae paw ronaw kha pawtemou ka teing kho cih?” a ci.

EXODUS 12:13

Chiise tuh na umnaw oh inn kya nae hanlan syntawnaw athua cih; chiise kha he ka muih tetuh nanning kha kae kawtaw cih oh zah Izip ram kha de he ka tah te, shethya nynh nanning kha ae roh lan khyh oh.

JEREMIAH 12:16

Ka ccungccaw hae kha Baal pachia min te byakinku lan a ccangpya hae hawte, “Bawipaw tuh a hiin,” cite ka min phyate byakinku khylan, minmin nynh ka ccungccaw hae beiknaw phung kha zuakute a ccangku hae zetuh, ka ccungccaw hae laku ka tynsah cih hae.

MARKA 14:44

A pheetupaw nynh minmin kha syntawnaw la pyaty hae zah, “Kae nynh kae myngpaw tuh na kyng ry oh paw ccungccapaw nynh thua; amaw kha kyng oh lah khyndadyh lan cciakhae oh,” a cipya hae.

Romans 1:31

a ngaee hae paw, lungzi lei hae paw, thawccinaw hoi lei hae paw, rysawthah hae paw nynh thua hae.

1 TIMOTE 5:8

Lukhakheit nynh a puizia hae kha a do-oih khyh lanze, abyapi lante a innbyn hae kha a do-oih khyh lanze, zynnaw a vuapaw thua zah zynleitu laeze houh athah huapaw nynh thua.

JAMES 2:13

Pawccecize ngaethyaumsahnaw a langsakuh leipaw ccungccaw tuh ngaethyaumsahnaw leite byapianaw kha a mue cih. Ngaethyaumsahnaw nynh byapianaw kha phe a tae.

JOSHUA 2:13

Ka nung te ka paaw, ka raee hae te ka uno hae, minmin te asekuh hae paw balyn kha na haang oh zah, chinaw kyate kae hiinnaw nae luesah nawlan oh, ahmepaw muihsahnaw kha yn pya oh,” a cipya hae.

JOSHUA 2:18

e ram lungkhu lang he kae tee te, kaening nae sawbungnaw thanlan-aw kyakhe e liarui asepaw hynh na la khiide cih zah, na inn kyakhe na nung te na paaw, na raee hae te na innbyn hae balyn kha na la pum cih hae.

JOSHUA 2:19

Nanning laku e lukhakheit nynh na inn thuakaw kyate laanpi lang pou zah a chi lanze, amaw tungvaw accah cih zah, kaening tuh seinaw hoi leipaw kae thua cih; thuasalama na inn lungkhu kya na umkheih oh paw lukhakheit tungvaw kya kuihsaw thua zah a chi lanze, kaening tungvaw accah cih.

JOSHUA 6:22

Te Joshua nynh ram dophitu lu ning hae kyakhe, “Ohhuanung inn lang la tee oh lah, bya na kinpyaku oh hawte, tuh-e nopinung te a ccungccaw hae balyn kha oun poukhae oh,” a cipya hae.

JOSHUA 9:15

Te Joshua nynh minmin ryte ccawkunaw rae zah, mih hiinnaw haang lante aamah a khanpyaku hae; te ccungccaw zapi cciakhaetu hae nynh minmin kha thyalawkute bya a kinpyaku hae.

BYAPIATU 1:24

Khua lungkhu te yn cceihpaw ccungccapaw lu kheit kha dophitu hae nynh muih hae zah, “Khua lungkhu lang a teepaw laanpi kha beih oun hopya tua, te na tungvaw thawccinaw kae hoi cih,” a cipya hae.

1 SAMUEL 30:15

David nynh amaw kha, “Tuh-e ccungccaw thiingtu hae paw aphu kalan tuh nae cciakhae cih tou?” a cipya. Aning nynh, “Kae theih lan khyh, na bawipaw kuih kalan mah kae pya lan khyh, cite Pachia min phyate bya nae kinpyaku zetuh, mih kalan kae cciakhae bung cih,” a cipya.